Materiali i paraqitur ka për qëllim t’i ofrojë lexuesit një informacion themelor dhe të kuptueshëm rreth besimit dhe jetës së Kishës Orthodhokse. Teksti është marrë nga libri “Besimi Orthodhoks” i Protopresviter Thomas Hopko, ish dekan i Seminarit Teologjik të Shën Vladimirit në Nju Jork, një ndër teologët orthodhoksë bashkëkohorë më të dëgjuar. Libri, i përbërë nga vëllime, është botuar nga Kisha Orthodhokse Autoqefale e Shqipërisë, Tiranë, 1997 dhe 2000, përkthyer nga Arkimandriti Joan Pelushi, tani Mitropolit i Korçës, nga origjinali në anglisht “The Orthodox Faith”.
Vëllimi III, Shkrimi i Shenjtë dhe Historia e Kishës, përbëhet nga dy pjesë: Shkrimi i Shenjtë dhe Historia e Kishës. Në web të dy pjesët i paraqesim të ndarë. Këtu paraqesim Shkrimi i Shenjtë, përbërë nga pjesët: I – Shkrimi i Shenjtë; II – Dhiata e Vjetër; III – Dhiata e Re; IV – Historia e shpëtimit.