Çfarë do të përcjellim gjatë kësaj Jave të Madhe deri në Pashkë
Duke nisur nga e Diela e dafinave, lexuesit e faqes zyrtare të Kishës sonë dhe dëgjuesit e radios “Ngjallja” (Fm 88.5Mhz) do të ndjekin çdo ditë të pasqyruar direkt dhe hap pas hapi shërbesat kishtare dhe evenimentet kryesore. Në këtë faqe, do të lexoni dhe shikoni çdo ditë rubrikën “Java e Madhe në fokus”, përgatitur nga gazetari Isidor Koti, i cili do të përcjellë përmes imazheve në fotografi nga Katedralja e Tiranës detajet e shërbesave. Ndërkohë këto shërbesa do të përcillen direkt edhe në valët e radios “Ngjallja”. Dëgjuesit do të ndjekin transmetimin direkt radiofonik, që do të realizohet për herë të parë në historinë 13 vjeçare të radios së Kishës sonë. Nuk do të mungojnë as transmetimet dhe lidhjet direkte nga kishat kryesore të vendit në të gjitha Mitropolitë, bashkë me atmosferën që do të përcillet nga korrespondentët tanë përmes artikujve dhe fotografike që ata do të përcjellin në ww.orthodoxalbania.org
