Dhjetëra të rinj e të reja, nën organizimin e Atë Justinit, ishin përgatitur të organizonin më 15 janar një takim të veçantë për të ndarë kekun e shën Vasilit në shtëpinë e rinisë orthodhokse, në Tiranë. I ftuar special ishte Kryepiskopi Anastas, i cili bashkëbisedoi me të rinjtë, duke ndarë me ta disa momente të gëzueshme festive dhe mesazhe të rëndësishme për Vitin e Ri 2012. Takimi nisi me psalme e më pas me diskutim për mesazhin e apostullit të ditës që u lexua në Kishë në atë ditë. Kryepiskopi, si urim për këtë vit të ri, kishte zgjedhur mesazhin e ripërtëritjes në jetën shpirtërore, ku gjithçka dhe mbi gjithçka është vetëm Krishti. Pas bashkëbisedimit, Kryepiskopi ndau kekun dhe ua shpërndau të rinjve pjesëmarrës bashkë me kalendarin e vogël orthodhoks per vitin 2012, botim i përvitshëm i Kishës Orthodhokse.
Pak ditë më parë një aktivitet i ngjashëm u krye edhe me studentët e Qendrës Studentore të Kishës Orthodhokse, në Qytetin Studenti.
 |
 |
 |
 |
 |
|
