Në numrin e saj të tretë që ka dalë në qarkullim këto ditë, “Kërkim” i ka kushtuar një mirënjohje të veçantë Fortlumturisë së Tij, Kryepiskopit Anastas. 80 vjetori i Kryepiskopit është një ngjarje e shënuar jo vetëm për besimtarët orthodhoksë të Shqipërisë, por edhe për të gjithë ata, të krishterë e jo të krishterë, që e kanë njohur dhe vlerësuar për kontributin e jashtëzakonshëm të një jete përkushtuar përhapjes së besimit dhe paqes.
    Redaksia e revistës këtë numër ia ka kushtuar këtij evenimenti, ku klerikë e teologë si dhe personalitete të spikatura intelektuale brenda dhe jashtë vendit kanë shprehur refleksionet e tyre për pjesë të veçanta të këtij kontributi sa unik aq dhe Perëndindriçuar. Ky numër i revistës është një shprehje e thjeshtë mirënjohjeje për kontributin e tij në fusha të ndryshme, kuadër që plotësohet nga një biografi e hollësishme.
    “Kërkim” është botim periodik që qarkullon çdo katër muaj dhe ka si qëllim të përcjellë: studime, artikuj, informacione, dokumente, tekste me një interes të gjerë shoqëror, shkencor, fetar etj. Përmes artikujve të ndryshëm kërkon të çelë vazhdimisht horizonte për lexuesin dhe ta ndihmojë në një informim sa më të gjerë në çështje që shqetësojnë shoqërinë dhe në përgjithësi botën e sotme, që ndodhet në një kërkim të vazhdueshëm.
Përmbajtja
Post Views: 213