Kisha Orthodhokse Autoqefale e Shqipërisë
Kisha Orthodhokse Autoqefale e Shqipërisë
Kryepiskopata e Hirshme
Rruga e Kavajës Nr. 151, Tiranë.
Tel 04-234 117, Fax 232 109
TELEGRAM NGUSHËLLIMI
Z. Bajram Kosumi
Kryeministër i Kosovës
Me hidhërim të madh mësuam lajmin e ndarjes nga ne të Presidentit të Kosovës, Z. Ibrahim Rugova. Ai ishte një personalitet historik i paqes, maturisë, dialogut dhe mirëkuptimit. Mungesa e tij në një kohë kaq të rëndësishme për Kosovën është me të vërtetë një humbje e madhe.
Shpresojmë se vepra e tij do ta frymëzojë pasardhësin e tij që të punojë me përgjegjësi, kurajë dhe urtësi, për ta udhëhequr popullin e dashur të Kosovës me të njëjtën frymë drejt stabilitetit, paqes dhe begatisë.
Ju lutemi t’i shprehni gjithashtu familjes së tij ngushëllimet e mia të sinqerta. Perëndia i dhëntë shpirtit të tij paqe.
I përjetshëm kujtimi!
Kryepiskopi i Tiranës, Durrësit dhe i gjithë Shqipërisë
+Anastasi
Tiranë 24.1.2006
