Përkthim
Deklaratë shtypi nr. 04-40/e 4 Tetor 2004
Konferenca Europiane e Kishave shpreh solidaritet me
Kishën Orthodhokse të Shqipërisë
Komiteti Qendror i Konferencës Europiane të Kishave (KEK), i mbledhur në Pragë nga 27 shtatori deri në 3 tetor, shprehu shqetësim për aktet e fundme të agresionit kundër Kishës Orthodhokse në Shqipëri.
“I kemi dëgjuar”, tha Komiteti Qendror, “me shqetësim të madh seritë e akteve agresive që u bënë kundër Kishës Orthodhokse në Shqipëri. Disa prej këtyre akteve janë: vënia e tritolit në një Kambanore-Kryq në Xarë; plaçkitja e një kampi rinor orthodhoks dhe ambjenteve studentore pranë Manastirit të Shën Gjergjit në Sarandë; dhe dëbimi i Komunitetit Orthodhoks nga një Kishë e vjetër në Përmet”.
Në lidhje me këto akte të dhunshme Komiteti u bashkua me shqetësimet dhe protestat e Fortlumturisë së Tij Anastas, Kryepiskop i Tiranës dhe gjithë Shqipërisë, kreu i Kishës Orthodhokse në Shqipëri. Kryepiskopi Anastas është gjithashtu Nën-President i KEK.
“Ne i bëjmë thirrje autoriteteve shqiptare” deklaroi Komiteti Qendror, “që të vazhdojnë të respektojnë lirinë fetare në vend dhe të mbrojnë komunitetet fetare”.
****
KEK është një organizëm i rreth 125 Kishave Orthodhokse, Protestante, Anglikane dhe Katolike të Vjetra nga të gjitha vendet e Europës, si edhe 40 organizata të asociuara. KEK është themeluar në vitin 1959 dhe ka zyra në Gjenevë, Bruksel dhe Strasburg.
Për informacion:
Zyra e Komunikimeve
Konferenca Europiane e Kishave
Tel. +41 22 791 64 85 ose 791 63 25
Fax +41 22 791 62 27
e-mail: Luca.Negro@cec-kek.org
