Të kremten e sotme, të Shën Dhonatit, Episkopit të Evrisë, Mitropoliti i Gjirokastrës, z. Nathanail, drejtoi Shërbesat e Shenjta të Mëngjesores dhe Liturgjisë Hyjnore në kishën e Shenjtit në Xarrë, Sarandë.

U krye gjithashtu edhe Shërbesa e Pesë Bukëve (Artoklasia), dhe Litania e Ikonës së Shenjtit rreth kishës.
E kremtja e Shën Dhonatit është kthyer në një të kremte të rëndësishme për të krishterët e zonës së Butrintit, shumë prej të cilëve mbajnë edhe emrin Dhonat në nderim të Shenjtit.
Pas Liturgjisë Hyjnore vijoi panairi tradicional, i përgatitur nga besimtarët e zonës.

Shënim: Burimi: Radio Ngjallja. Lidhja origjinale: Radio Ngjallja.

#RadioNgjallja #Lajme #KishaOrthodhokse