“Nuk ka shenjtor të trishtuar.”

“Djalli nuk pushon së punuari, dhe specialiteti i tij është të shkaktojë përçarje.”

“Një jetë pa gëzim, në thelb, është një jetë e gjymtuar.”

“Nuk është nevoja t’i krahasoni majat tona me greminat e të tjerëve.”

“Gëzimi është një dhuratë që vjen nga Zoti kur Ai është i pranishëm në jetën tonë.”

“Tjetri nuk është domosdoshmërisht armiku ose rreziku; ai mund të jetë për ne një pasurim.”

“Perëndia është mbi arsyen, por jo kundër arsyes.”

“Ne mbledhim gurët që na hedhin ata që luftojnë veprën tonë, dhe me ta ndërtojmë kisha dhe shkolla.”

“Besimi është siguria e gjërave që nuk shihen.”

“Dashuria e Tij është më e fortë se urrejtja, jeta në Të më e fortë se vdekja, dhe shpresa jonë në Krishtin më e fortë se dëshpërimi.”

“E keqja, në thelb, nuk ekziston: ekziston e mira, dhe mungesa e formimit të së mirës.”

“Nëse ndriçon drita e Ngjalljes në jetën tonë, atëherë edhe marrëdhëniet njerëzore do të ndriçohen.”

“Sa më shumë njerëzit grumbullojnë nga jashtë, aq më shumë varfërohen nga brenda.”

“Nëse nuk e përjetojmë dhembjen e Kryqit, nuk do të përjetojmë as gëzimin, jetën dhe dritën e Ngjalljes.”

“Pasuria më e madhe mbetet gjithmonë pasuria shpirtërore.”

“Fitorja e Tij mbi vdekjen është një fitore mbarëbotërore — për të gjitha kohërat dhe për të gjithë popujt.”

“Njeriu është një qenie e etur, gjithmonë kërkon për një ujë.”

“Çdo fitore tjetër në botë krijoi përçarje: kur dikush fiton, dikush tjetër humbet. Ndërsa Ngjallja e Krishtit është burim gëzimi për të gjithë.”

“Mënyra e thjeshtë dhe e përulur e jetesës tërheq më shumë se shfaqja e forcës.”

“Sado e errët të jetë koha jonë, plot pasiguri, trishtim dhe ankth, le të mos e lëmë melankolinë dhe dëshpërimin të mbizotërojnë në shpirtin tonë.”

“Besimi nuk imponohet, por fitohet.”

“Jemi të thirrur të jetojmë në kungim me njëri-tjetrin dhe të ndihmojmë njëri-tjetrin, duke respektuar dinjitetin e çdo personi njerëzor.”

“Të bëhemi mjekë shpirtrash dhe jo gjykatës.”

“Gjëja më e bukur është të duash — edhe nëse je lodhur, sado që vuan.”

“Dëshmia e heshtur e dashurisë, e sakrificës, e faljes, flet më fort se një mijë fjalë.”

“Gjëja më e mrekullueshme është të duash, të duash vërtet në Krishtin.”

“Të jemi të pranishëm në botë, pa qenë të botës.”

“Krijuesi dhe Zoti i gjithësisë nuk është një energji jopersonale që afrohet me aftësitë mendore të trurit.”

“Qëllimi kryesor i kishës nuk është uniformiteti, por uniteti.”

“Është Perëndi personal, që do dhe i zbulohet njeriut, i cili gjendet në marrëdhënie të vazhdueshme me Të.”

“Veçantia e gjithsecilit na pasuron dhe na bën më shumë njerëzorë.”

“Në analizë të fundit, e kundërta e paqes nuk është lufta, por egocentrizmi — individual, kolektiv, kombëtar, racor.”

“Çdo njeri, pa përjashtim, i çdo origjine, ka marrë një dinjitet nga Perëndia.”

“Nuk dua admirues, por bashkëpunëtorë.”

“Nëse ndizet një dritë në shpirtin tënd, jo vetëm që ndriçon veten, por ndriçon edhe njerëzit rreth teje.”

“Perëndia nuk do të na braktisë.”

“Ai që ka dashuri qëndron në Zotin... Dhe ai që qëndron në dashuri është në Perëndinë.”

“Të gjitha u mbushën me dritë.”

“Vaji i fesë nuk duhet të përdoret nga asnjëra palë për të ndezur konfliktet, por për të shëruar plagët dhe për të qetësuar zemrat.”