Matematikë
1. Njohuri me bashkësitë, ekuacionet, mosbarazimet dhe inekuacionet
Kuptimi i bashkësisë, prerja dhe bashkimi i tyre. Ekuacioni i fuqisë së parë me një ndryshore. Sisteme ekuacionesh të fuqisë së parë me dy ndryshore. Mosbarazime numerike, veti të tyre. Inekuacioni, shndërrime të njëvlershme të inekuacioneve.
Studimi i shenjës së binomit të gradës së parë, zgjidhja e inekuacioneve të fuqisë së parë me një ndryshore. Vlera absolute e një numri, vetitë dhe interpretimi gjeometrik. Mosbarazime të shkallës së parë e të dytë, që përmbajnë vlerën absolute. Inekuacione me një ndryshore në formë prodhimi dhe herësi.
Trinomi i fuqisë, studimi i shenjës së trinomit të fuqisë së dytë. Inekuacione të fuqisë së dytë më një ndryshore.
2. Njohuri për funksionet eksponenciale, logaritmik, trigonometrike dhe progresionet
Fuqitë dhe vetitë. Fuqitë me eksponentë numra të plotë dhe racionalë. Faktorizime me shprehje që përmbajnë fuqi. Ekuacione të një variabëli që përmbajnë fuqi racionale.
Funksioni eksponencial, grafiku dhe vetitë e tij. Funksioni logaritmik, grafiku dhe vetitë e tij. Vetitë e logaritmeve. Funksionet trigonometrike dhe grafikët e tyre. Formulat kryesore të trigonometrisë.
Progresioni aritmetik dhe progresioni gjeometrik, formulat për kufizën e përgjithshme dhe për shumën e n kufizave të tyre. Shuma e kufizave të një progresioni gjeometrik zbritës të pafundmë.
3. Njohuri të analizës matematike
Bashkësia e numrave realë. Intervali, segmenti. Funksionet realë të ndryshores reale. Gjetja e bashkësisë së përcaktimit të funksionit, grafiku i funksionit. Funksionet elementare themelorë dhe grafikët e tyre. Monotonia kufizueshmëria dhe cilësitë e funksionit. Funksioni i anasjelltë. Ndërtimi i grafikut të funksioneve –f, If I, f(x), f(x-m), f(x)+b duke u nisur nga grafiku i funksionit f. Vlerësimi i vetive të funksionit me anë të grafikut të tij. Limiti i një funksioni në një pikë. Limiti i funksionit kur x→ ∞. Asimtota horizontale. Vetitë e funksioneve që kanë limit. Funksionet pambarimisht të vogla dhe vetitë e tyre. Limitet e njëanshme. Asimptotat vertikale. Trajtat e pacaktuara.
Vazhdueshmëria e funksionit në një pikë. Veprimet me funksionet e vazhdueshme. Vazhdueshmëria e funksioneve elementare. Vetitë e funksioneve të vazhdueshme në segment. Përkufizimi i derivatit të funksionit në një pikë. Vazhdueshmëria e funksioneve që kanë derivate. Derivati si shpejtësi e ndryshimit të funksionit. Rregullat e derivimit dhe derivatët e disa funksioneve elementare. Tangjentja në një pikë të vijës.
Funksionet monotone. Teoremat për kushtin e mjaftueshëm të funksioneve monotonë. Ekstremumet e funksionit, kushte të mjaftueshme ekzistencën e ekstremumeve. Zbatimi. Vlera më e madhe dhe më e vogël e funksionit. Përkulshmëria e vijës pikat e infleksionit. Shqyrtimi i variacionit të funksionit dhe ndërtimi i grafikut të tij. Integrali i pacaktuar. Metoda e zëvendësimit, integrimi me pjese. Llogaritja e syprinave të figurave plane.
4. Njohuritë e algjebrës vektoriale
Sistemi i kordianatave në drejtëz dhe në plan. Ekuacioni i drejtëzës në plan. Ekuacioni i drejtëzës që kalon nga një pikë e dhënë paralele ose pingule me një drejtëz të dhënë. Ekuacioni i drejtëzës që kalon nëpër dy pika të dhëna. Koeficienti këndor i drejtëzës, kushti i paralelizmit të dy drejtëzave. Largësia e pikës nga drejtëza. Këndi i dy drejtëzave. Kushti i pingultisë së dy drejtëzave. Sistemet e ekuacioneve e të inekuacioneve të shkallës së parë të zgjidhura në mënyrë gjeometrike.
5. Elementë të njehsimit Prodhimi Kartezian i dy bashkësive dhe numri i elementëve të tij
Përkëmbimet me k elementë nga një bashkësi e fundme. Dispozicionet dhe kombinacionet. Veti të koeficientëve binominalë. Formula e binomit të Njutonit .
Do të përdoren tekstet e matematikës të profilit shkencor
Arkiv historik i faqes së vjetër. Burimi: OldWebpage/Shqip/Shtypi & Publikimet/viti07/informatik.htm