Zgjidhet bordi drejtues
i Rinisë Orthodhokse të Tiranës
Në datën 10 mars 2013, në sallën e aktiviteteve rinore të Katedrales së Re Orthodhokse “Ngjallja e Krishtit” – Tiranë, u bë nga vetë të rinjtë zgjedhja e bordit drejtues të lidhjes rinore “Bijtë e Dritës”, Tiranë. Në përfundim të votimeve 4 të rinj, të cilët morën më shumë vota, u përzgjo- dhën të jenë pjesë e tij. Ata janë: Sofia Pashko, Ilia Dhimitri, Anastas Daja, Vasil Stathi si dhe Jani Meni i cili njëkohësisht është dhe koordinatori i Zyrës Rinore, Tiranë.
Ky ekip do të punojë për të ndihmuar të rinjtë e tjerë të jenë pjesë aktive e Kishës dhe të bashkëpunojnë me njëri-tjetrin nëpërmjet 4 shtyllave të statusit rinor: Rritja me Krishtin, Miqësia, Dëshmia dhe Shërbimi.