Mitropoliti i Çekisë, † Rastislavi
Drejtuar Fortlumturisë së Tij, Joanit,
Kryepiskopi i zgjedhur i Tiranës, Durrësit dhe i Gjithë Shqipërisë.
Fortlumturi!
Me lutje të sinqerta, ju përgëzoj për zgjedhjen tuaj në Fronin Kryepiskopal të Kishës Orthodhokse Autoqefale të Shqipërisë.
Jeta juaj ka qenë një dëshmi e përkushtimit të palëkundur ndaj thirrjes së Perëndisë, të cilën e dëgjuat që në rininë tuaj. Duke iu përgjigjur kësaj thirrjeje, përqafuat Krishterimin në periudhën e vështirë të ateizmit militant dhe, më vonë, u bëtë bashkëpunëtor besnik i Kryepiskopit të ndjerë Anastas, duke e ndihmuar në përpjekjen e tij të vështirë për ringjalljen e Orthodhoksisë së Shenjtë në tokën e bekuar të Shqipërisë.
Tashmë jeni thirrur që të vazhdoni këtë mision të shenjtë, duke u ngarkuar me përgjegjësinë e madhe të udhëheqjes së Kishës Orthodhokse të Shqipërisë.
Me gjithë zemër i uroj Fortlumturisë Suaj shëndet të mirë, shumë vite të bekuara dhe ndihmën e hirshme të Perëndisë në punën që ju pret përpara.
Me dashuri në Zotin,
† Rastislavi
Kryepeshkop i Presovit, Mitropolit i Tokave Çeke dhe Sllovakisë