Po vjen Pashka

Po vjen Pashka, po vjen Pashka,
Lajmëron ajri me gëzim.
Po vjen Pashka, po vjen Pashka,
Pas i shkon dhe shpirti im.

Po vjen Pashka, po vjen Pashka,
Lulet çelin, gjethet dalin,
Po vjen Pashka, po vjen Pashka,
Shpirtin tim me vete marrin.

Po vjen Pashka, po vjen Pashka,
Lumenjtë shtojnë ujin shumë;
Po vjen Pashka, po vjen Pashka,
Në ato ujra jam dhe unë.

Po vjen Pashka, po vjen Pashka,
Kërcejnë përrenjtë me lodrim,
Po vjen Pashka,
Me to lot shpirti im.

Po vjen Pashka, po vjen Pashka,
Qiell e dhe ngazëllehet.
Po vjen Pashka, po vjen Pashka,
Shpirti im me të lundron.

Po vjen Pashka, po vjen Pashka,
Dallg’e detit po gazmon
Po vjen Pashka, po vjen Pashka,
Me to lot dhe shpirti im.

Po vjen Pashka, po vjen Pashka,
fluturon era, lajmëron malet.
Po vjen Pashka, po vjen Pashka,
Shpirti im nis e përmallet.

Po vjen Pashka, po vjen Pashka,
Lajmërojnë zogjtë me cicërim.
Po vjen Pashka, po vjen Pashka,
Shpirti merr fluturim.

Po vjen Pashka, po vjen Pashka,
Jehojnë fjalët si këmbanë;
Po vjen Pashka, po vjen Pashka,
Nga gëzimi shpirti qan.

Erdhi Pashka,
U tha loti;
Dimri egër s’ka më kthim.
Erdhi Pashka,
U ngjall Zoti.
Gjithë natyra thotë: Amin!