“Por ti, kur të agjërosh, lyeje kokën tënde dhe laje fytyrën që të mos dukesh para njerëzve se agjëron, por para Atit tënd, që është në të fshehtë; dhe Ati yt që sheh në fshehtësi, do ta japë shpërblimin haptas”.
“Mos mblidhni thesare mbi tokë për veten tuaj, ku tenja dhe ndryshku i prishin, dhe ku vjedhësit rrëmojnë e vjedhin; por mblidhni për veten tuaj thesare në qiell, ku as tenja as ndryshku nuk i prishin, dhe ku vjedhësit as nuk rrëmojnë as nuk vjedhin.
“Sepse ku është thesari juaj, aty do të jetë dhe zemra juaj.
“Kandili i trupit është syri. Pra, në qoftë se syri yt është i kthjellët, i gjithë trupi yt do të jetë i ndriçuar”.
“Por në qoftë se syri yt është i prishur, i gjithë trupi yt do të jetë në errësirë. Pra, në qoftë se drita që gjendet në ty është në errësirë, sa e madhe do të jetë kjo errësirë!
“Askush nuk mund t’u shërbejë dy zotërinjve; sepse do të urrejë njërin dhe do të dojë tjetrin, ose do t’i përulet njërit dhe do të përçmojë tjetrin. Nuk mund t’i shërbeni Zotit dhe Mammonait”.
Matth. 6, 17-24