Himni Akathist është një ndër shërbesat më të dashura në Kishën Orthodhokse. Tradita na thotë se Himni Akathist drejtuar së Tërëshenjtës Mari është krijuar në Konstandinopojë, kur kërcënohej të pushtohej – njerëzit iu lutën së Tërëshenjtës dhe qyteti ruajti lirinë. Në shenjë nderimi dhe gëzimi për triumfin, banorët e qytetit i kushtuan së Tërëshenjtës himnin:
“Përlufteshës gjenerale këngët mundëse, si përhirim që e shpëtove prej tmerreve, qyteti yt po të përshkruan, o Virgjëreshë. Po sikurse ke fuqi të paluftuarshme prej çfarëdo rreziku shpëtomë, se po të thërres: Gëzohu, o Nuse e Panusëruar!”
(Në foto, momente nga Qëndrimi i Parë i Himnit Akathist, më 22 mars 2024, në Korçë dhe Berat).