Gjatë javës, shtohen këto shërbesa të veçanta:
• Krahas Mbrëmësores Kataniktike, kryhet Pasdarka e Madhe.
• Çdo të mërkurë dhe të premte kryhet Liturgjia e Dhuratave të Parashenjtëruara.
• Në katër mbrëmjet e së premtes lexohet një e katërta e Himnit Akathist, ndërsa i gjithë Himni lexohet të premten e pestë.
Lexohet:
• Gjatë kësaj periudhe, nga Shkrimi i Shenjtë lexohen fragmente nga Libri i Profetit Isaia, Gjeneza dhe Fjalët e Urta.
• Si rregull, Libri i Psaltirit në këtë periudhë lexohet dy herë çdo javë.
Kufizimet ushqimore:
• NUK LEJOHET përdorimi i çdo ushqimi me bazë shtazore. Pra nuk lejohet konsumimi i mishit dhe i produkteve të tij, as i peshkut (peshku lejohet vetëm në dt. 25 mars, në të kremten e Ungjillëzimit të Hyjlindëses Mari; dhe të Dielën e Dafinave – sivjet më 5 prill).
• Nuk lejohen prodhimet e bulmetit, djathit të çdo lloji, gjalpit, kosit, qumështit, vezës etj.
• Përdorimi apo privimi i vajit, varet nga udhëzimet e atit shpirtëror.
• Ndalohet konsumimi i alkoolit, duhanit dhe veset e tjera apo zakonet e dëmshme.