Shën Mamelkta kishte origjinë perse dhe shërbente në tempullin e Artemisës. Një natë, pa në ëndërr një engjëll që i mësonte misteret e Krishterimit. U zgjua e trembur dhe ia tregoi këtë ëndërr motrës së saj, e cila ishte e krishtere. Kjo e çoi tek episkopi i qytetit dhe atje u pagëzua. Kur paganët e morën vesh se Mamelkta kishte braktisur idhujt dhe ishte bërë e krishterë, u sulën për ta vrarë me gurë, ndërkohë që shenjtorja ishte ende e veshur me këmishën e bardhë të pagëzimit. Trupin e saj e hodhën në një gropë të thellë, por të krishterët erdhën dhe e nxorën prej andej.

Pak kohë më vonë, episkopi i vendit mori lejen nga mbreti i persëve për të shkatërruar tempullin e Artemisës dhe mbi të të ndërtohej një kishë për nder të shën Mamelktës, ku dhe do të vendosej lipsani i saj.