Opari p\u00ebrfaq\u00ebson nj\u00eb zon\u00eb gjeografike dhe etnografike q\u00eb shtrihet n\u00eb per\u00ebndim t\u00eb Kor\u00e7\u00ebs n\u00eb lart\u00ebsin\u00eb 400-1500 m mbi nivelin e detit. N\u00eb veri ai kufizohet me Moglic\u00ebn dhe Gor\u00ebn, n\u00eb per\u00ebndim me vargun malor Bofnj\u00eb-Ostrovic\u00eb-Qafa e Mart\u00ebs, n\u00eb jug me mal\u00ebsin\u00eb e Vithkuqit, kurse n\u00eb lindje me mal\u00ebsin\u00eb e Voskopoj\u00ebs. Nd\u00ebrsa p\u00ebrrenjt\u00eb e \u00c7emeric\u00ebs dhe Mazrek\u00ebs, deg\u00eb t\u00eb lumit Devoll, e p\u00ebrshkojn\u00eb hap\u00ebsir\u00ebn e tij (1). Nd\u00ebrkoh\u00eb nga pik\u00ebpamja administrative-territoriale kjo zon\u00eb b\u00ebn pjes\u00eb n\u00eb nj\u00ebsin\u00eb administrative Lekas t\u00eb Bashkis\u00eb Kor\u00e7\u00eb (2). Pik\u00ebrisht n\u00eb k\u00ebt\u00eb zon\u00eb q\u00eb karakterizohet nga nj\u00eb reliev i thyer dhe i cop\u00ebzuar jan\u00eb krijuar vlera t\u00eb rralla t\u00eb kultur\u00ebs shpirt\u00ebrore dhe materiale. E till\u00eb \u00ebsht\u00eb edhe kisha e \u2018\u2019Sh\u00ebn Triadh\u00ebs\u2019\u2019 n\u00eb fshatin Tudas e cila njihet edhe si kisha e Muzakajve.
Tudasi \u00ebsht\u00eb nj\u00eb prej fshatrave t\u00eb zon\u00ebs s\u00eb Oparit nga t\u00eb cil\u00ebt p\u00ebrmenden edhe Lekasi, Brozdoveci, Misrasi, Mazreka, Xerja, Lavdari, Marjani, Gurmujasi, etj (3). N\u00eb territorin e tij kalonte dikur rruga q\u00eb lidhte Beratin me Voskopoj\u00ebn dhe Kor\u00e7\u00ebn. Pik\u00ebrisht k\u00ebtu gjejm\u00eb nj\u00eb prej kishave t\u00eb nd\u00ebrtuara nga Muzakajt, nj\u00eb prej familjeve t\u00eb shquara t\u00eb Shqip\u00ebris\u00eb mesjetare. Nj\u00eb fakt i till\u00eb v\u00ebrtetohet nga sh\u00ebnimet e Kronik\u00ebs s\u00eb Gjon Muzak\u00ebs botuar n\u00eb Itali n\u00eb vitin 1510.
\u2018\u2019\u2026 gjyshja ime kish nd\u00ebrtuar kish\u00ebs e Sh\u00ebn Triadh\u00ebs n\u00eb Lavdar t\u00eb Ceris\u00eb\u2019\u2019, shkruan ai n\u00eb nj\u00eb pasazh t\u00eb saj (4). N\u00ebse do ti referoheshim kronik\u00ebs s\u00eb m\u00ebsip\u00ebrme b\u00ebhet fjal\u00eb p\u00ebr Kiran\u00ebna, t\u00eb bij\u00ebn e Gjon Zenebishit dhe gruan e Andrea Muzak\u00ebs III. \u2018\u2019Djali i k\u00ebtij zotit Gjin t\u00eb par\u00eb, q\u00eb quhej zoti Andrea i tret\u00eb, pati p\u00ebr grua zonj\u00ebn Kiran\u00eb, e cila ishte vajza e zotit Gjon Zenebishi, zot i qytetit t\u00eb Gjirokastr\u00ebs dhe i Vajenetis\u00eb\u2026\u2019\u2019, thekson Gjon Muzaka n\u00eb ligj\u00ebrat\u00eb t\u00eb drejt\u00eb n\u00eb gjenealogjin\u00eb \u00a0e k\u00ebsaj sht\u00ebpie. Nd\u00ebrkoh\u00eb njihet fakti se Andrea III ishte i biri i Gjinit I, nd\u00ebrsa ky vet\u00eb, s\u00eb bashku me Teodorin dhe Stoj\u00ebn, Ishin djemt\u00eb e despotit Andrea II q\u00eb krijoi principat\u00ebn e Muzakajve. Pik\u00ebrisht Andrea II pasi theu n\u00eb betej\u00ebn e Peristerit n\u00eb vitin 1370, krajl Vukashinin, mori nga perandori bizantin Joani V Paleolog, konfirmimin e titullit t\u00eb despotit dhe simbolet perandorake (5). Por Muzakajt njihen n\u00eb historin\u00eb mesjetare t\u00eb Shqip\u00ebris\u00eb edhe si ktitor\u00eb t\u00eb kishave dhe manastireve ortodokse. T\u00eb tilla jan\u00eb kisha e \u2018\u2019Sh\u00ebn Athanasit n\u00eb Kostur nd\u00ebrtua nga Stoja dhe Teodor Muzaka (1383-1384), kisha e Ristozit n\u00eb Kor\u00e7\u00eb nd\u00ebrtuar nga Jani dhe Theodhor Muzaka (1389), si dhe kisha n\u00eb fjal\u00eb e \u2018\u2019Sh\u00ebn Triadh\u00ebs\u2019\u2019 n\u00eb Tudas nd\u00ebrtuar n\u00eb fillim shek. XV nga Ana (Kirana), e shoqja e Andreas III Muzaka (6). Nd\u00ebrsa n\u00eb zon\u00ebn e Oparit nga ku kishin edhe origjin\u00ebn e tyre dhe zot\u00ebronin edhe fshatrat Voskop, Lavdar, Xerje, Bec, Mazrek, Marjan, Zerec, etj, p\u00ebrve\u00e7 kish\u00ebs s\u00eb Tudasit, Muzakajt, nd\u00ebrtuan edhe dy kisha t\u00eb tjera (7). Sipas kronik\u00ebs s\u00eb Gjon Muzak\u00ebs, t\u00eb tilla ishin: Kisha e \u2018\u2019Sh\u00ebn Gjergjit\u2019\u2019 n\u00eb Erost dhe kisha e \u2018\u2019Sh\u00ebn M\u00ebris\u00eb\u2019\u2019 n\u00eb Zereciabung\u00eb (Zerec). Pik\u00ebrisht n\u00eb k\u00ebt\u00eb t\u00eb fundit ishin edhe varret e k\u00ebsaj familjeje. Atje ishin varrosur edhe Gjin Muzaka II, shoqja e tij, si dhe e \u00ebma, Kirana Muzaka Zenebishi (8).
Kisha e \u2018\u2019Sh\u00ebn Triadh\u00ebs\u2019\u2019 ndodhet n\u00eb dalje t\u00eb fshatit dhe quhet ndryshe edhe kisha e Lavdarit, nj\u00eb lagje e sotme e Tudasit (9). Si nd\u00ebrtim i p\u00ebrket arkitektur\u00ebs bizantine t\u00eb tipit kryq i brendashkruar me kupol\u00eb me kat\u00ebr mb\u00ebshtetje t\u00eb brendshme. P\u00ebr koh\u00ebn e nd\u00ebrtimit t\u00eb saj studjuesi Aleksand\u00ebr Meksi thekson se \u00ebsht\u00eb nd\u00ebrtuar n\u00eb fillim t\u00eb shek XIV (10). Nd\u00ebrsa arkeologia Suela Xhyheri mendon se datimi i saj i takon shek. XII (11).
Kisha p\u00ebrb\u00ebhet nga naosi i shtruar me pllaka guri dhe altari i cili q\u00ebndron disa shkall\u00eb m\u00eb sip\u00ebr tij. Pjesa e brendshme mb\u00ebshtetet mbi dy kolona n\u00eb an\u00ebn per\u00ebndimore dhe dy pilastra n\u00eb an\u00ebn lindore. Ato jan\u00eb t\u00eb lidhura me breza t\u00eb drunjt\u00eb dhe tiranta deri n\u00eb nivelin e krah\u00ebve t\u00eb kryqit, ku nisin t\u00eb ngrihen qemeret mbajt\u00ebse dhe kupola me nj\u00eb tambur t\u00eb lart\u00eb tet\u00ebfaqesh. Krah\u00ebt e kryqit mbulohen me qemer\u00eb cilindrik\u00eb q\u00eb hapen n\u00eb drejtim t\u00eb krah\u00ebve an\u00ebsor\u00eb. Nd\u00ebrsa p\u00ebr kat\u00ebr ambientet k\u00ebndor\u00eb \u00ebsht\u00eb gjetur si zgjidhje mbulimi me qemer\u00eb cindrik\u00eb t\u00eb hapur n\u00eb drejtim t\u00eb krah\u00ebve per\u00ebndimor\u00eb dhe lindor\u00eb (12). Hyrja n\u00eb kish\u00eb b\u00ebhet nga nj\u00eb port\u00eb n\u00eb an\u00ebn per\u00ebndimore mbuluar me arkitra guri t\u00eb rrafsh\u00ebt. N\u00eb k\u00ebt\u00eb pjes\u00eb muri p\u00ebrb\u00ebhet prej dy brezash. I poshtmi \u00ebsht\u00eb nd\u00ebrtuar me gur\u00eb plo\u00e7ak t\u00eb lidhur me lla\u00e7 g\u00eblqereje. Nd\u00ebrsa brezi i sip\u00ebrm p\u00ebrb\u00ebhet nga muratur\u00eb klausonazhi ku kombinohet vendosja e tullave dhe gur\u00ebve midis tyre. N\u00eb an\u00ebn e jashtme, pjes\u00ebn kryesore t\u00eb faqes per\u00ebndimore e z\u00eb nj\u00eb nike e madhe e harkuar, nd\u00ebrtuar me tulla t\u00eb kuqe. Ajo qarkon nj\u00eb pjes\u00eb t\u00eb nd\u00ebrtuar me gur\u00eb n\u00eb mes t\u00eb t\u00eb cil\u00ebs ndodhet nj\u00eb dritare e ngusht\u00eb. Po nga jasht\u00eb, n\u00eb an\u00ebt veriore, lindore dhe jugore, kisha, p\u00ebrforcohet nga mure mbajt\u00ebse, kurse tamburi lart\u00ebsohet mbi krah\u00ebt e kryqit. N\u00eb faqet e tij bien n\u00eb sy kat\u00ebr dritare t\u00eb ngushta dhe kolonetat n\u00eb k\u00ebndet e faqeve t\u00eb nd\u00ebrtuara me gur\u00eb \u00e7m\u00ebrsi. Nd\u00ebrkoh\u00eb q\u00eb e gjith\u00eb godina e faltores \u00ebsht\u00eb e mbuluar me pllaka guri n\u00eb form\u00eb rrasash (13). Nga brenda ajo ka qene e dekoruar me afreske nga t\u00eb cilat kan\u00eb mbetur nj\u00eb pjes\u00eb e tyre, t\u00eb cilat ndodhen n\u00eb gjendje jo t\u00eb mir\u00eb. Prej vitit 1963 kisha mban statusin monument kulture dhe p\u00ebrb\u00ebn sot nj\u00eb trash\u00ebgimi t\u00eb drejt\u00ebp\u00ebrdrejt\u00eb t\u00eb tradit\u00ebs ortodokse n\u00eb k\u00ebt\u00eb zon\u00eb. E rikonstruktuar tashm\u00eb, krahas funksionit si qend\u00ebr shpirt\u00ebrore ajo \u00ebsht\u00eb v\u00ebn\u00eb edhe n\u00eb qend\u00ebr t\u00eb turizmit historik dhe kulturor.
\u2026\u2026\u2026\u2026\u2026..
1-Fjalori Enciklopedik Shqiptar, ASH e RPSSH, Tiran\u00eb 1985, f. 775
2-portavendore.al\/bashkia-korce
3-Fjalori Enciklopedik Shqiptar, ASH e RPSSH, Tiran\u00eb 1985, f. 775
4-La breve memoria de li discendenti de nostra casa Musachi, n\u00eb Karl Hopf Chroniques Greco-romanes in\u00e9dites ou peu connus pubbli\u00e9es avec notes et tables g\u00e9n\u00e9alogiques, Berlin, \u00cbeidman 1873, f. 270-340
5-Po aty; Historia e popullit Shqiptar, ASH, Toena, Tiran\u00eb 2002, f. 247-249, 252-255
6-V. Djuri\u00e7, Mali Grad, Saint Athanas a Kastoria Borje, Zograf, 6, 1975, 39; Theofan Popa, Mbishkrime t\u00eb Kishave n\u00eb Shqip\u00ebri, ASH, Tiran\u00eb 1998, f. 151-152; La breve memoria de li discendenti de nostra casa Musachi, n\u00eb Karl Hopf Chroniques Greco-romanes in\u00e9dites ou peu connus pubbli\u00e9es avec notes et tables g\u00e9n\u00e9alogiques, Berlin, \u00cbeidman 1873, f. 270-340
7-Historia e popullit Shqiptar, ASH, Toena, Tiran\u00eb 2002, f. 252
8-La breve memoria de li discendenti de nostra casa Musachi, n\u00eb Karl Hopf Chroniques Greco-romanes in\u00e9dites ou peu connus pubbli\u00e9es avec notes et tables g\u00e9n\u00e9alogiques, Berlin, \u00cbeidman 1873, f. 270-340
9-Suela Xhyheri, Koridori Vlor\u00eb-Presp\u00eb 1081-1385, Tez\u00eb doktorature, Tiran\u00eb 2016, f. 305
10-Aleksand\u00ebr Meksi, Kishat e Shqip\u00ebris\u00eb: historia, arkitektura, shek. IV-XV, Plejad, Tiran\u00eb 2022, f. 424-427
11-Suela Xhyheri, Koridori Vlor\u00eb-Presp\u00eb 1081-1385, Tez\u00eb doktorature, Tiran\u00eb 2016, f. 305-306
12-Aleksand\u00ebr Meksi, Kishat e Shqip\u00ebris\u00eb: historia, arkitektura, shek. IV-XV, Plejad, Tiran\u00eb 2022, f. 424-427
13-Po aty, f. 424-427<\/p>\n