M\u00eb 22 tetor 1991, me zgjedhjen e T\u00ebr\u00ebshenjt\u00ebris\u00eb s\u00eb Tij, imzot Bartholomeut si Patriark i 270-t\u00eb i Kostandinopoj\u00ebs, Rom\u00ebs s\u00eb Re dhe Patriark Ekumenik, historia e Kish\u00ebs Orthodhokse mori nj\u00eb drejtim t\u00eb ri. Vendimi i Sinodit t\u00eb Shenjt\u00eb t\u00eb P\u00ebrhersh\u00ebm t\u00eb Patriarkan\u00ebs Ekumenike, p\u00ebr t\u00eb zgjedhur at\u00ebher\u00eb Mitropolitin e Halkidonit, erdhi n\u00eb nj\u00eb koh\u00eb t\u00eb ndjeshme p\u00ebr Orthodhoksin\u00eb Bot\u00ebrore dhe sidomos p\u00ebr Kishat q\u00eb dilnin nga dekada represioni komunist n\u00eb vendet e Evrop\u00ebs Lindore, p\u00ebrfshir\u00eb edhe Kish\u00ebn Orthodhokse Autoqefale t\u00eb Shqip\u00ebris\u00eb. N\u00eb deklarat\u00ebn e tij t\u00eb par\u00eb pas zgjedhjes, T\u00ebr\u00ebshenjt\u00ebria e Tij Bartholomeu theksoi se ajo q\u00eb i mungon njeriut t\u00eb shekullit t\u00eb 20-t\u00eb, p\u00ebrkund\u00ebr arritjeve t\u00eb pabesueshme, \u00ebsht\u00eb dashuria. Ai premtoi q\u00eb i gjith\u00eb baritimi i Tij do t\u00eb nd\u00ebrtohej mbi vepra dashurie, uniteti dhe p\u00ebrkushtimi ndaj Kish\u00ebs s\u00eb Shenjt\u00eb t\u00eb Krishtit. Gjat\u00eb 34 viteve t\u00eb sh\u00ebrbes\u00ebs s\u00eb tij t\u00eb palodhur, Patriarku Bartholome ka d\u00ebshmuar me vepra p\u00ebrkushtimin ndaj k\u00ebtij vizioni. Ai ka udh\u00ebhequr Patriarkan\u00ebn Ekumenike me urt\u00ebsi, duke e shnd\u00ebrruar at\u00eb n\u00eb nj\u00eb qend\u00ebr dialogu, paqeje dhe pajtimi, duke qen\u00eb nj\u00eb z\u00eb i fuqish\u00ebm shpirt\u00ebror jo vet\u00ebm p\u00ebr bot\u00ebn orthodhokse, por p\u00ebr mbar\u00eb njer\u00ebzimin. N\u00eb kontekstin ton\u00eb, Patriarku Ekumenik Bartholomeu ka luajtur nj\u00eb rol t\u00eb jasht\u00ebzakonsh\u00ebm n\u00eb njohjen dhe mb\u00ebshtetjen e ringritjes s\u00eb Kish\u00ebs son\u00eb, pas dekadave t\u00eb persekutimit ateist. Ai ka treguar mb\u00ebshtetje t\u00eb vazhdueshme p\u00ebr Fortlumturin\u00eb e Tij, t\u00eb lumurin Kryepiskopin Anastas, q\u00eb prej dit\u00ebve t\u00eb para t\u00eb misionit t\u00eb tij n\u00eb Shqip\u00ebri, duke vler\u00ebsuar kontributin e jasht\u00ebzakonsh\u00ebm t\u00eb tij n\u00eb ringjalljen e jet\u00ebs kishtare. N\u00eb vijim t\u00eb k\u00ebsaj marr\u00ebdh\u00ebnieje t\u00eb ngusht\u00eb v\u00ebllaz\u00ebrore, Patriarku Ekumenik ka vizituar Shqip\u00ebrin\u00eb, duke d\u00ebshmuar dashurin\u00eb e tij p\u00ebr popullin ton\u00eb dhe duke forcuar lidhjet shpirt\u00ebrore me Kish\u00ebn ton\u00eb Autoqefale. K\u00ebto vizita kan\u00eb qen\u00eb momente historike dhe t\u00eb paharruara t\u00eb cilat kan\u00eb frym\u00ebzuar besimtar\u00ebt dhe kan\u00eb thelluar bashk\u00ebpunimin mes dy Kishave.
S\u00eb fundmi, n\u00eb datat 13-17 qershor 2025, me rastin e vizit\u00ebs zyrtare t\u00eb delegacionit t\u00eb Kish\u00ebs Orthodhokse Autoqefale t\u00eb Shqip\u00ebris\u00eb n\u00eb Fanar, Patriarku Ekumenik organizoi nj\u00eb mikpritje madh\u00ebshtore p\u00ebr Fortlumturin\u00eb e Tij, imzot Joanin, Kryepiskopin e Tiran\u00ebs, Durr\u00ebsit dhe Gjith\u00eb Shqip\u00ebris\u00eb dhe delegacionin q\u00eb e shoq\u00ebronte, duke treguar edhe nj\u00eb her\u00eb dashurin\u00eb dhe vler\u00ebsimin e tij t\u00eb ve\u00e7ant\u00eb. Gjat\u00eb fjal\u00ebs s\u00eb Tij drejtuar Kryepiskopit ton\u00eb Joan nd\u00ebr t\u00eb tjera theksoi: \u201cMir\u00eb se erdh\u00ebt, Fortlumturi, n\u00eb Konstandinopoj\u00eb, n\u00eb Fanar! \u201cI bekuar \u00ebsht\u00eb ai q\u00eb vjen n\u00eb emrin e Zotit!\u201d Nuk keni ardhur n\u00eb nj\u00eb vend t\u00eb huaj! Keni ardhur n\u00eb sht\u00ebpin\u00eb tuaj! N\u00eb sht\u00ebpin\u00eb e N\u00ebn\u00ebs suaj!
\u2026 Prej shum\u00eb koh\u00ebsh, pra, nuk jeni vet\u00ebm i njohur p\u00ebr ne, por edhe tep\u00ebr i af\u00ebrt dhe ve\u00e7an\u00ebrisht i dashur p\u00ebr t\u00eb gjith\u00eb! Ju kemi njohur, Fortlumturi, p\u00ebr shum\u00eb vite si bashk\u00ebpun\u00ebtorin m\u00eb t\u00eb besuar dhe m\u00eb t\u00eb \u00e7muar t\u00eb paraardh\u00ebsit tuaj t\u00eb ndjer\u00eb, t\u00eb t\u00eb paharruarit dhe t\u00eb pap\u00ebrs\u00ebritshmit Kryepiskopit Anastas, Apostullit t\u00eb ri t\u00eb Shqip\u00ebris\u00eb! S\u00eb bashku keni mbajtur me durim t\u00eb madh t\u00eb nxehtin e dit\u00ebs dhe t\u00eb ftohtin e nat\u00ebs p\u00ebr m\u00eb shum\u00eb se tridhjet\u00eb vite t\u00eb v\u00ebshtira!
\u2026 Ju dalloheni p\u00ebr burr\u00ebri dhe trim\u00ebri, p\u00ebr fisnik\u00ebri dhe ndershm\u00ebri, p\u00ebr dije t\u00eb thelluara teologjike, formim shpirt\u00ebror, mendje t\u00eb mpreht\u00eb dhe zell hyjnor p\u00ebr sh\u00ebrbes\u00ebn. Ju karakterizon nj\u00eb p\u00ebrkushtim i palodhur, besnik\u00ebri e devotshme ndaj themeleve t\u00eb tradit\u00ebs kishtare dhe t\u00eb rendit kanonik, si dhe dashuria e madhe dhe vet\u00ebsakrifikuese p\u00ebr popullin tuaj, p\u00ebr bashkepiskop\u00ebt dhe bashk\u00ebpun\u00ebtor\u00ebt tuaj, p\u00ebr atdheun tuaj t\u00eb bekuar. Horizontet tuaja jan\u00eb t\u00eb hapura dhe t\u00eb gjera dhe n\u00eb shum\u00eb m\u00ebnyra keni d\u00ebshmuar se jeni nj\u00eb \u201cen\u00eb e zgjedhur\u201d e Shpirtit t\u00eb Shenjt\u00eb, \u201cp\u00ebr t\u00eb b\u00ebr\u00eb t\u00eb njohur emrin e Zotit para kombeve, para mbret\u00ebrve\u201d (Vep. 9:15).
Gjat\u00eb vizit\u00ebs u theksua r\u00ebnd\u00ebsia e misionit t\u00eb Kish\u00ebs Orthodhokse Autoqefale t\u00eb Shqip\u00ebris\u00eb, dialogu nd\u00ebrfetar dhe kontributi i saj p\u00ebr paqen dhe bashk\u00ebjetes\u00ebn n\u00eb rajon.
P\u00ebrvjetori i sot\u00ebm nuk \u00ebsht\u00eb vet\u00ebm nj\u00eb kujtim i nj\u00eb dite historike, por nj\u00eb thirrje p\u00ebr reflektim dhe fal\u00ebnderim ndaj Trinis\u00eb s\u00eb Shenjt\u00eb p\u00ebr dhurat\u00ebn e udh\u00ebheqjes s\u00eb Tij. Ne lutemi q\u00eb Zoti t\u2019i dhuroj\u00eb sh\u00ebndet, forc\u00eb dhe jet\u00eb t\u00eb gjat\u00eb Shenjt\u00ebris\u00eb s\u00eb Tij, q\u00eb t\u00eb vazhdoj\u00eb t\u00eb baritoj\u00eb Kish\u00ebn e Shenjt\u00eb t\u00eb Kostandinopoj\u00ebs me fjal\u00eb dhe vepra dashurie, si dhe t\u00eb mbetet nj\u00eb figur\u00eb frym\u00ebzuese p\u00ebr brezat e tanish\u00ebm dhe t\u00eb ardhsh\u00ebm t\u00eb Kish\u00ebs.<\/p>\n