{"id":73782,"date":"2015-01-06T18:14:06","date_gmt":"2015-01-06T17:14:06","guid":{"rendered":"https:\/\/orthodoxalbania.org\/2026\/2015\/01\/06\/joomla-arkiv-oaca-joomla30-sg25k-626-kremtimi-i-theofanise-ujit-te-bekua\/"},"modified":"2015-01-06T18:14:06","modified_gmt":"2015-01-06T17:14:06","slug":"joomla-arkiv-oaca-joomla30-sg25k-626-kremtimi-i-theofanise-ujit-te-bekua","status":"publish","type":"post","link":"https:\/\/orthodoxalbania.org\/2026\/2015\/01\/06\/joomla-arkiv-oaca-joomla30-sg25k-626-kremtimi-i-theofanise-ujit-te-bekua\/","title":{"rendered":"Kremtimi i Theofanis\u00eb – Ujit t\u00eb Bekuar n\u00eb Shqip\u00ebri, 2015"},"content":{"rendered":"
\n
\n<\/div>\n
– Kremtim plot drit\u00eb i Ujit t\u00eb Bekuar pavar\u00ebsisht temperaturave t\u00eb ul\u00ebta –<\/strong><\/span><\/p>\n

 <\/p>\n

   Theofania, shfaqja e Zotit Krisht n\u00eb pag\u00ebzimin n\u00eb Jordan, \u00ebsht\u00eb e kremtja e rip\u00ebrt\u00ebritjes t\u00eb t\u00eb gjith\u00eb krijes\u00ebs. Prandaj ajo u festua plot g\u00ebzim dhe drit\u00eb nga besimtar\u00ebt orthodhoks\u00eb n\u00eb t\u00eb gjith\u00eb vendin ton\u00eb, pavar\u00ebsisht temperaturave shum\u00eb t\u00eb ul\u00ebta. <\/span><\/p>\n

    N\u00eb Tiran\u00eb<\/strong><\/span>, sh\u00ebrbesat u kryen p\u00ebr t\u00eb tretin vit radhazi n\u00eb Katedralen e re \u201cNgjallja e Krishtit\u201d. Ato u drejtuan  nga Kryepiskopi Anastas, i ndihmuar nga Hir\u00ebsi Nathanaili, Hir\u00ebsi Asti dhe klerik\u00eb t\u00eb tjer\u00eb t\u00eb kryeqytetit. N\u00eb nj\u00eb kish\u00eb t\u00eb mbushur plot e p\u00ebrplot nga mij\u00ebra besimtar\u00eb, Fortlumturia e Tij foli p\u00ebr kuptimin  e fest\u00ebs dhe pastaj b\u00ebri Bekimin e Ujit.  Besimtar\u00ebt, gjat\u00eb gjith\u00eb dit\u00ebs, mor\u00ebn ujin e bekuar nga cisternat e vendosura posa\u00e7\u00ebrisht n\u00eb mjediset jasht\u00eb Katedrales, p\u00ebr ta \u00e7uar bekimin n\u00eb \u00e7do cep t\u00eb kryeqytetit.<\/span>   <\/span><\/p>\n

    N\u00eb Durr\u00ebs<\/strong><\/span>, pas Liturgjis\u00eb dhe sh\u00ebrbes\u00ebs n\u00eb kish\u00ebn e Apostull Pavlit dhe Sh\u00ebn Astit, Episkopi i Apollonis\u00eb, Hir\u00ebsi Nikolla b\u00ebri hedhjen tradicionale t\u00eb kryqit n\u00eb uj\u00ebrat e detit Adriatik, n\u00eb portin e qytetit. Kryqi u kap nga nx\u00ebn\u00ebsi i Akademis\u00eb Teologjike \u201cNgjallja e Krishtit\u201d Adion Gjoni.<\/span>    <\/span><\/p>\n

    N\u00eb Elbasan<\/strong><\/span>, Liturgjia Hyjnore n\u00eb kish\u00ebn e Sh\u00ebn Nikoll\u00ebs u drejtua nga Episkopi i Kruj\u00ebs, Hir\u00ebsia e Tij Andoni. N\u00eb sh\u00ebrbesa mor\u00ebn pjes\u00eb besimtar\u00eb te shumt\u00eb nga i gjith\u00eb qyteti. Bekimi i Ujit dhe hedhja e kryqit u b\u00ebn\u00eb n\u00eb pishin\u00ebn e kompleksit AJEK, pran\u00eb kish\u00ebs. Kryqi u kap nga i riu Armand Oga.   <\/span><\/span><\/p>\n

    N\u00eb Kor\u00e7\u00eb<\/strong><\/span>, Mitropoliti, Hir\u00ebsi Joani, i kreu sh\u00ebrbesat n\u00eb Katedralen \u201cNgjallja e Krishtit\u201d, i ndihmuar nga klerik\u00ebt e qytetit dhe m\u00eb pas, i rrethuar nga qindra e qindra besimtar\u00eb, e hodhi kryqin n\u00eb shat\u00ebrvanin p\u00ebrpara Katedrales. M\u00eb pas, kryqi u hodh nga Hir\u00ebsi Joani edhe n\u00eb Liqenin e Pogradecit, ku disa t\u00eb rinj u fut\u00ebn n\u00eb uj\u00eb p\u00ebr ta kapur me gjith\u00eb temperaturat e acarta.<\/span>    <\/span><\/p>\n

    N\u00eb Berat<\/strong><\/span>, Mitropoliti, Hir\u00ebsi Ignati, e kreu Liturgjin\u00eb Hyjnore n\u00eb katedralen e  Sh\u00ebn Dhimitrit. Pastaj u b\u00eb hedhja tradicionale e kryqit nga ura e Goric\u00ebs, e saporestauruar. N\u00eb sh\u00ebrbes\u00eb, p\u00ebrve\u00e7 mij\u00ebra qytetar\u00ebve beratas mori pjes\u00eb edhe z\u00ebvend\u00ebskryeministri, z. Niko Peleshi, deputet\u00eb e autoritete vendore etj.<\/span><\/span><\/p>\n

    N\u00eb Fier<\/strong><\/span>, sh\u00ebrbesat u kryen n\u00eb kish\u00ebn e Sh\u00ebn Gjergjit. Pastaj klerik\u00eb e besimtar\u00eb u drejtuan p\u00ebr tek shat\u00ebrvani i qytetit. Kryqi u hodh n\u00eb uj\u00eb nga at\u00eb Ilia Bita.  Me gjith\u00eb temperaturat e ul\u00ebta, disa te rinj  u hodh\u00ebn ne uj\u00eb p\u00ebr ta marr\u00eb kryqin dhe fitues ishte Athanas Davidhi.<\/span><\/span><\/p>\n

    N\u00eb Vlor\u00eb<\/strong><\/span>, \u00ebsht\u00eb zhvilluar ceremonia e hedhjes s\u00eb kryqit n\u00eb det. Ajo nisi me mesh\u00ebn e mbajtur n\u00eb kish\u00ebn e Sh\u00ebn Theodhor\u00ebve nga At Konstandin Prifti. M\u00eb pas besimtar\u00ebt u zhvendos\u00ebn n\u00eb zon\u00ebn e Ujit t\u00eb Ftoht\u00eb, ku u b\u00eb edhe hedhja e kryqit n\u00eb det, ku u kap nga Vangjel Ndine.<\/span><\/span><\/p>\n

    <\/span>N\u00ebSelenic\u00eb<\/strong><\/span> <\/span>prej shum\u00eb vitesh kryqi hidhet n\u00eb lumin Vjos\u00eb. Edhe sivjet, pas sh\u00ebrbes\u00ebs s\u00eb kryer n\u00eb kish\u00ebn e Sh\u00ebn Athanasit, besimtar\u00ebt shkuan pran\u00eb lumit, ku u hodh kryqi u hodh nga at\u00eb Spiro Bulika. Kryqi u kap nga Ko\u00e7i Bombaj.<\/span><\/span><\/p>\n

    Shum\u00eb banor\u00eb<\/span> n\u00eb qytetin e Sarand\u00ebs<\/strong><\/span> <\/span>dhe fshatrat p\u00ebrreth u b\u00ebn\u00eb pjes\u00eb e sh\u00ebrbesave.Liturgjia Hyjnore n\u00eb kish\u00ebn e Sh\u00ebn Harallambit, q\u00eb u kryesua nga Mitropoliti, Hir\u00ebsi Dhimitri, \u00ebsht\u00eb pasuar me procesionin n\u00eb rrug\u00ebn drejt sh\u00ebtitores buz\u00eb detit, ku Hir\u00ebsia e Tij hodhi kryqin n\u00eb uj\u00eb. Disa t\u00eb rinj sfiduan temperaturat e ul\u00ebta t\u00eb Jonit, duke u hedhur n\u00eb uj\u00eb. Kryqi u kap nga 17-vje\u00e7ari Savo Theodhori. <\/span><\/span><\/p>\n

    <\/span>Duke sfiduar temperaturat e ul\u00ebta dhe ujin e ftoht\u00eb t\u00eb lumit Drino,<\/span> n\u00eb Gjirokast\u00ebr<\/strong><\/span>, 34-vje\u00e7ari Llukan Todri kapi kryqin e hedhur nga at\u00eb Theodhori Nikolla.<\/span><\/span><\/p>\n

 <\/p>\n

    Kremtohet Uji i Bekuar n\u00eb Tiran\u00eb dhe rrethe, video:<\/strong><\/span><\/p>\n

\n

\n
\n