{"id":58566,"date":"2022-03-21T18:30:35","date_gmt":"2022-03-21T17:30:35","guid":{"rendered":"https:\/\/orthodoxalbania.org\/2020\/?p=58566"},"modified":"2026-05-21T22:21:57","modified_gmt":"2026-05-21T20:21:57","slug":"doli-ne-qarkullim-botimi-i-plotesuar-liber-i-sherbesave-te-shenjta-te-kishes-orthodhokse","status":"publish","type":"post","link":"https:\/\/orthodoxalbania.org\/2026\/2022\/03\/21\/doli-ne-qarkullim-botimi-i-plotesuar-liber-i-sherbesave-te-shenjta-te-kishes-orthodhokse\/","title":{"rendered":"Doli n\u00eb qarkullim botimi i plot\u00ebsuar \u201c Lib\u00ebr i Sh\u00ebrbesave t\u00eb Sh\u00ebnjta t\u00eb Kish\u00ebs Orthodhokse\u201d."},"content":{"rendered":"

Doli n\u00eb qarkullim botimi i plot\u00ebsuar \u201c Lib\u00ebr i Sh\u00ebrbesave t\u00eb Sh\u00ebnjta t\u00eb Kish\u00ebs Orthodhokse\u201d.<\/strong><\/h4>\n

Me bekimin e Fortlumturis\u00eb s\u00eb Tij, Kryepiskopit t\u00eb Tiran\u00ebs dhe t\u00eb Gjith\u00eb Shqip\u00ebris\u00eb, Prof. Dr. Imzot Anastasit, u botua teksti liturgjik: \u201cLib\u00ebr i Sh\u00ebrbesave t\u00eb Shenjta t\u00eb Kish\u00ebs Orthodhokse\u201d, i cili \u00ebsht\u00eb nj\u00eb nga librat m\u00eb t\u00eb domosdosh\u00ebm e m\u00eb t\u00eb p\u00ebrdorsh\u00ebm p\u00ebr klerin ton\u00eb dhe p\u00ebr Kish\u00ebn.<\/p>\n

Ky lib\u00ebr \u00ebsht\u00eb ribotim i p\u00ebrmir\u00ebsuar dhe i plot\u00ebsuar i Librit t\u00eb Sh\u00ebrbesave t\u00eb vitit 1994, i gjashti n\u00eb radh\u00eb q\u00eb prej botimit t\u00eb par\u00eb t\u00eb vitit 1909, p\u00ebrkthyer p\u00ebr her\u00eb t\u00eb par\u00eb nga greqishtja n\u00eb shqip prej t\u00eb p\u00ebrndershmit At\u00eb Theofan S. Noli, botuar n\u00eb Boston Mass. t\u00eb Amerik\u00ebs.<\/p>\n

N\u00eb k\u00ebt\u00eb botim t\u00eb p\u00ebrmir\u00ebsuar, jan\u00eb marr\u00eb parasysh botimet e m\u00ebparshme, si dhe jan\u00eb b\u00ebr\u00eb plot\u00ebsime t\u00eb reja t\u00eb nevojshme, q\u00eb botohen p\u00ebr her\u00eb t\u00eb par\u00eb: Rregullat tipikonale n\u00eb Agripni, n\u00eb bashk\u00ebmeshimin prift\u00ebror, n\u00eb pjes\u00ebmarrjen e kryepriftit n\u00eb sh\u00ebrbesa, Udh\u00ebzime p\u00ebr shprehjet p\u00ebrkujtuese kremtuese. Gjithashtu, botimi \u00ebsht\u00eb plot\u00ebsuar me udh\u00ebzime shtes\u00eb brenda sh\u00ebrbesave ekzistuese si dhe me sh\u00ebrbesa t\u00eb reja (si Mbr\u00ebm\u00ebsoret e M\u00ebngjesoret e p\u00ebrditshme, e t\u00eb kremteve dhe e Kreshm\u00ebs s\u00eb Madhe).<\/p>\n

Po ashtu, p\u00ebrmbajtja \u00ebsht\u00eb pasuruar me Hyrtoret e t\u00eb kremteve zot\u00ebrore, P\u00ebrl\u00ebshore ngjall\u00ebsore dhe shenjtor\u00ebsh, Shkurtore t\u00eb p\u00ebrditshme, zot\u00ebrore e hyjlind\u00ebsore, D\u00ebrgimsore t\u00eb p\u00ebrditshme, Aliluaret e t\u00eb dielave, P\u00ebrl\u00ebshimet e t\u00eb kremteve zot\u00ebrore, tekste t\u00eb cilat gjendeshin t\u00eb shp\u00ebrndara n\u00eb botimet e m\u00ebparshme.<\/p>\n

S\u00eb fundi, \u00ebsht\u00eb b\u00ebr\u00eb p\u00ebrpjekje p\u00ebr t\u00eb nj\u00ebtrajt\u00ebsuar variante termash, himnesh dhe sh\u00ebnimesh t\u00eb botimeve t\u00eb deritanishme. N\u00eb disa himne, p\u00ebr arsye t\u00eb muzik\u00ebs, jan\u00eb l\u00ebn\u00eb shenja pik\u00ebsimi q\u00eb mund t\u00eb bien ndesh me rregullat e drejtshkrimit.<\/p>\n

P\u00ebr t\u00eb realizuar pasurimin dhe plot\u00ebsimin e k\u00ebtij botimi, p\u00ebrve\u00e7 botimeve liturgjike ekzistuese n\u00eb shqip, jan\u00eb p\u00ebrdorur edhe p\u00ebrkthime t\u00eb posa\u00e7me.<\/p>\n

\n

 <\/p>\n

Foto Album:<\/em><\/p>\n

 <\/p>\n

 <\/p>\n

\"Lib\u00ebr<\/a>