{"id":26788,"date":"2020-11-03T15:46:01","date_gmt":"2020-11-03T14:46:01","guid":{"rendered":"https:\/\/orthodoxalbania.org\/2020\/?p=26788"},"modified":"2026-05-21T22:20:09","modified_gmt":"2026-05-21T20:20:09","slug":"kishes-sone-i-kthehet-pronesia-mbi-token-e-kishes-se-shen-prokopit","status":"publish","type":"post","link":"https:\/\/orthodoxalbania.org\/2026\/2020\/11\/03\/kishes-sone-i-kthehet-pronesia-mbi-token-e-kishes-se-shen-prokopit\/","title":{"rendered":"Kish\u00ebs son\u00eb i kthehet pron\u00ebsia mbi tok\u00ebn e Kish\u00ebs s\u00eb Sh\u00ebn Prokopit."},"content":{"rendered":"

<\/h4>\n

Kish\u00ebs son\u00eb i kthehet pron\u00ebsia mbi tok\u00ebn e Kish\u00ebs s\u00eb Sh\u00ebn Prokopit.<\/strong><\/h4>\n

 <\/p>\n

Shum\u00eb pak vjet pasi kishte mbaruar s\u00eb nd\u00ebrtuari, n\u00eb fillim t\u00eb viteve \u201860, Kisha e Sh\u00ebn Prokopit n\u00eb Tiran\u00eb u shkat\u00ebrrua nga regjimi komunist, i cili tjet\u00ebrsoi edhe pron\u00ebsin\u00eb e saj. Ajo u prish pjes\u00ebrisht dhe u p\u00ebrshtat n\u00eb lokal, deri n\u00eb fillim t\u00eb viteve \u201990. Me k\u00ebmb\u00ebnguljen e Komuntetit Orthodhoks, ajo u kthye si godin\u00eb dhe ka sh\u00ebrbyer deri m\u00eb sot e p\u00ebrshtatur si kish\u00eb.<\/p>\n

Prej vitesh \u00ebsht\u00eb diskutuar p\u00ebr rind\u00ebrtimin e saj, q\u00eb ka qen\u00eb nj\u00eb synim i p\u00ebrhersh\u00ebm i Kryepiskopit Anastas, por pengonte mungesa e pron\u00ebsis\u00eb mbi truallin e saj.<\/p>\n

Tashm\u00eb, besimtar\u00ebt mor\u00ebn e lajmin e g\u00ebzuesh\u00ebm t\u00eb kthimit t\u00eb truallit, me vendim unanim t\u00eb K\u00ebshillit Bashkiak. M\u00eb par\u00eb trualli i ishte kaluar nga Qeveria n\u00eb pron\u00ebsi t\u00eb Bashkis\u00eb Tiran\u00eb.<\/p>\n

Kryetari i Bashkis\u00eb, Z. Erion Veliaj, vizitoi Selin\u00eb e Sinodit t\u00eb Shenjt\u00eb dhe i dor\u00ebzoi Kryepiskopit t\u00eb Tiran\u00ebs, Durr\u00ebsit dhe t\u00eb Gjith\u00eb Shqip\u00ebrs\u00eb, Anastasit, dokumentin q\u00eb i jep Kish\u00ebs son\u00eb pron\u00ebsin\u00eb e tok\u00ebs mbi t\u00eb cil\u00ebn \u00ebsht\u00eb ngritur Kisha e Sh\u00ebn Prokopit. Ky veprim hap p\u00ebrfundimisht rrug\u00ebn p\u00ebr rind\u00ebrtimin e saj.<\/p>\n

\u201cBesoj se \u00ebsht\u00eb nj\u00eb bekim i madh p\u00ebr t\u00eb gjith\u00eb, e jo vet\u00ebm p\u00ebr ju q\u00eb sh\u00ebrbeni n\u00eb Kish\u00ebn e Sh\u00ebn Prokopit, apo komunitetin ortodoks. Per\u00ebndia na ka dh\u00ebn\u00eb vullnetin t\u00eb sh\u00ebrbejm\u00eb me dinjitet dhe ta b\u00ebjm\u00eb at\u00eb si duhet. Mezi pres t\u00eb shihemi bashk\u00eb dit\u00ebn q\u00eb do t\u00eb nisin punimet. Ai vend do jet\u00eb nj\u00eb bekim me nd\u00ebrtes\u00ebn e re por t\u00eb vjet\u00ebr\u201d, u shpreh mes t\u00eb tjerash Z. Veliaj, gjat\u00eb dor\u00ebzimit t\u00eb kontrat\u00ebs s\u00eb dhurimit. Ai theksoi se kishte dashur t\u00eb vinte vet\u00eb p\u00ebr dor\u00ebzimin, si plot\u00ebsim t\u00eb premtimit t\u00eb dh\u00ebn\u00eb.<\/p>\n

Kryepiskopi Anastas, duke i shprehur mir\u00ebnjohjen e tij Z. Veliaj, e p\u00ebrg\u00ebzoi n\u00eb ve\u00e7anti at\u00eb p\u00ebr transformimin q\u00eb po kryen n\u00eb Tiran\u00eb. \u201cP\u00ebrg\u00ebzime p\u00ebr pun\u00ebn k\u00ebtu n\u00eb Tiran\u00eb,\u201d tha nd\u00ebr t\u00eb tjera ai.<\/p>\n

Kisha e Sh\u00ebn Prokopit u nd\u00ebrtua n\u00eb vitin 1780 dhe shenjtori konsiderohet si mbrojt\u00ebsi i qytetit t\u00eb Tiran\u00ebs.<\/p>\n

 <\/p>\n

 <\/p>\n