{"id":23258,"date":"2020-05-06T20:14:30","date_gmt":"2020-05-06T18:14:30","guid":{"rendered":"https:\/\/orthodoxalbania.org\/2020\/?p=23258"},"modified":"2026-05-21T22:19:33","modified_gmt":"2026-05-21T20:19:33","slug":"takim-online-i-kryeministrit-rama-me-kryetaret-e-komuniteteve-fetare","status":"publish","type":"post","link":"https:\/\/orthodoxalbania.org\/2026\/2020\/05\/06\/takim-online-i-kryeministrit-rama-me-kryetaret-e-komuniteteve-fetare\/","title":{"rendered":"Takim online i\u00a0Kryeministrit Rama me kryetar\u00ebt e komuniteteve fetare."},"content":{"rendered":"

<\/h4>\n

Takim online i\u00a0Kryeministrit Rama me kryetar\u00ebt e komuniteteve fetare<\/strong><\/h4>\n

\u00a0 \u00a0 Me k\u00ebrkes\u00ebn e Bordit t\u00eb Presidenc\u00ebs s\u00eb K\u00ebshillit Nd\u00ebrfetar t\u00eb Shqip\u00ebris\u00eb u zhvillua sot, 6 maj 2020 nj\u00eb takim online me Kryeministrin, z. Edi Rama. N\u00eb t\u00eb u fol p\u00ebr rihapjen e objekteve t\u00eb kultit, pas mbylljes p\u00ebr shkak t\u00eb pandemis\u00eb s\u00eb Covid 19.<\/p>\n

\u00a0 \u00a0N\u00eb k\u00ebt\u00eb takim merrni pjes\u00eb krer\u00ebt e pes\u00eb komuniteteve fetare; Kryetari i Komuniteti Mysliman Shqiptar, H. Bujar Spahiu, Kryepiskopi i Kish\u00ebs Orthodhokse Autoqefale t\u00eb Shqip\u00ebris\u00eb Anastasi; Kryegjyshi Bot\u00ebror Bektashian, H. Dede Edmond Brahimaj; Kryetari i Konferenc\u00ebs Ipeshkvnore Katolike, Mons. George Frendo, Kryetari i V\u00ebllaz\u00ebris\u00eb Ungjillore, Pastor Ylli Doci; si dhe Sekretari i P\u00ebrgjithsh\u00ebm i K\u00ebshillit Nd\u00ebrfetar, Dr. Genti Kruja.<\/p>\n

\u00a0 \u00a0N\u00eb fillim Kryeministri fal\u00ebnderoi komunitetet fetare dhe t\u00eb gjith\u00eb drejtuesit e tyre, p\u00ebr bashk\u00ebpunimin lidhur me k\u00ebt\u00eb situat\u00eb t\u00eb v\u00ebshtir\u00eb, si dhe p\u00ebr sakrificat e nd\u00ebrmarra n\u00eb dit\u00eb festash t\u00eb r\u00ebnd\u00ebsishme fetare p\u00ebr secilin komunitet, lidhur me pezullimin e p\u00ebrkohsh\u00ebm t\u00eb ritualeve n\u00eb objektet e kultit.<\/p>\n

\u00a0 \u00a0 Lider\u00ebt e komuniteteve fetare shpreh\u00ebn mendimet e tyre, duke v\u00ebn\u00eb theksin n\u00eb r\u00ebnd\u00ebsin\u00eb, q\u00eb i jep feja sh\u00ebndetit dhe jet\u00ebs s\u00eb njeriut dhe tek masat e marra q\u00eb n\u00eb fillim nga ana e k\u00ebtyre komuniteteve. Nd\u00ebrsa tani, me p\u00ebrmir\u00ebsimin e situat\u00ebs sh\u00ebndet\u00ebsore, si vendimeve nga qeveria shqiptare p\u00ebr rihapjen e aktiviteteve t\u00eb ndryshme t\u00eb jet\u00ebs s\u00eb p\u00ebrditshme edhe komunitetet fetare kan\u00eb marr\u00eb masat p\u00ebr nj\u00eb rihapje graduale t\u00eb objekteve t\u00eb kultit, kishave, xhamive e teqeve, n\u00eb bashk\u00ebpunim me organet kompetente dhe ekspert\u00ebt e fush\u00ebs.<\/p>\n

\u00a0 \u00a0 Kryepiskopi Anastas tha gjat\u00eb k\u00ebtij diskutimi se \u201cK\u00ebrkesa m\u00eb e madhe q\u00eb kemi \u00ebsht\u00eb t\u00eb kemi vendet e lutjes dhe adhurimit dhe t\u00eb na jepni drejtimin t\u00eb kujdesemi p\u00ebr k\u00ebt\u00eb gj\u00eb, t\u00eb mbajm\u00eb distanc\u00ebn mes njer\u00ebzve. Vendet e adhurimit ofrojn\u00eb shpres\u00eb dhe g\u00ebzim. T\u2019ua japin njer\u00ebzve k\u00ebt\u00eb mund\u00ebsi; e p\u00ebrs\u00ebris duke iu p\u00ebrmbajtur udh\u00ebzimeve t\u00eb dh\u00ebna deri tani. Komunitetet fetare kan\u00eb dh\u00ebn\u00eb shembull t\u00eb p\u00ebrul\u00ebsis\u00eb dhe jemi gati p\u00ebr t\u00eb vazhduar me k\u00ebt\u00eb, gjithmon\u00eb n\u00eb bashk\u00ebpunim t\u00eb mir\u00eb me shoq\u00ebrin\u00eb dhe n\u00eb solidaritet me gjith\u00eb popullin\u201d.<\/p>\n

\u00a0 \u00a0 Kryetari i Komunitetit Mysliman Shqiptar, H. Bujar Spahiu u shpreh \u201cN\u00eb kuad\u00ebr t\u00eb hapjes graduale q\u00eb po merret n\u00eb kushtet e pandemis\u00eb k\u00ebrkuam k\u00ebt\u00eb takim p\u00ebr t\u00eb diskutuar rreth hapjes graduale t\u00eb objekteve t\u00eb kulteve, duke respektuar rregullat e distancimit social. Pra, t\u00eb na lejohet t\u00eb kryejm\u00eb adhurimet n\u00eb objektet tona t\u00eb kultit\u201d<\/p>\n

\u00a0 \u00a0 Mons George Frendo tha \u201cJu p\u00ebrg\u00ebzoj p\u00ebr masat n\u00eb radh\u00eb t\u00eb par\u00eb, pasi si\u00e7 e keni th\u00ebn\u00eb edhe ju vet\u00eb do t\u00eb kishim pasoja m\u00eb t\u00eb r\u00ebnda, por un\u00eb bashkohem me \u00e7far\u00eb u tha m\u00eb par\u00eb, se strukturat tona lejojn\u00eb respektimin e masave, pra t\u00eb mos japim dor\u00ebn e t\u00eb shmangim kontaktet fizike. D\u00ebshirojm\u00eb t\u00eb hapet m\u00eb shum\u00eb, t\u00eb kemi leje q\u00eb t\u00eb b\u00ebhen takime fetare, si mesha apo kremtime, duke shmangur \u00e7do rrezik\u201d.<\/p>\n

\u00a0 \u00a0 \u201cI mor\u00ebm masat ashtu si\u00e7 keni udh\u00ebzuar ju, as Sulltan Novruzin nuk e festuam. I fal\u00ebnderoj v\u00ebllez\u00ebrit e mi p\u00ebr k\u00ebt\u00eb propozim dhe bashkohem me t\u00eb\u201d, tha m\u00eb pas H. Dede Edmond Brahimaj.<\/p>\n

\u00a0 \u00a0Nga ana e tij kryeministri Rama shtoi: \u201cAjo q\u00eb keni b\u00ebr\u00eb \u00ebsht\u00eb fantastike; ndihma q\u00eb keni dh\u00ebn\u00eb \u00ebsht\u00eb e pa\u00e7muar. Keni p\u00ebrcjell\u00eb nj\u00eb mesazh shum\u00eb t\u00eb qart\u00eb p\u00ebr popullin shqiptar. Sa i p\u00ebrket shqet\u00ebsimit tuaj, un\u00eb bashkohem me ju, q\u00eb n\u00eb kuad\u00ebr t\u00eb masave p\u00ebr leht\u00ebsimin e nd\u00ebrveprimeve dhe jet\u00ebs s\u00eb p\u00ebrditshme sociale \u00ebsht\u00eb e nevojshme t\u00eb adresojm\u00eb edhe situat\u00ebn aspak t\u00eb leht\u00eb q\u00eb kjo luft\u00eb ka krijuar mbi komunitetet tuaja dhe t\u00eb leht\u00ebsojm\u00eb pengesat e m\u00ebdha n\u00eb ushtrimin e aktiviteteve tuaja.<\/p>\n

\u00a0 \u00a0Kjo \u00ebsht\u00eb nj\u00eb gj\u00eb q\u00eb duhet b\u00ebr\u00eb n\u00eb m\u00ebnyr\u00eb graduale. Kjo k\u00ebrkon nj\u00eb bashk\u00ebbisedim me ju se praktikat jan\u00eb t\u00eb ndryshme nga komuniteti n\u00eb komunitet. Ndryshe nga aktivitetet e tjera t\u00eb biznesit n\u00eb rastin e komuniteteve fetare duhet b\u00ebr\u00eb bashk\u00ebrisht. Nga sot apo nes\u00ebr ju duhet t\u00eb jeni disponib\u00ebl p\u00ebr t\u2019u vendosur n\u00eb kontakt me personat q\u00eb hartojn\u00eb masat leht\u00ebsuese, p\u00ebr t\u00eb pasur nj\u00eb konsultim konkret, se si mund t\u00eb hartohet nj\u00eb kalendar gradual, deri n\u00eb normalizimin e plot\u00eb. N\u00ebse do hartojm\u00eb nj\u00eb kalendar t\u00eb arsyesh\u00ebm, besoj q\u00eb m\u00eb 18 maj, kur do t\u00eb jet\u00eb konfiguruar gjith\u00eb projekti i faz\u00ebs s\u00eb dyt\u00eb, t\u00eb mund t\u00eb japim edhe disa indikacione konkrete p\u00ebr institucionet fetare\u201d.<\/p>\n

\u00a0 \u00a0Menj\u00ebher\u00eb pas mbledhjes, grupi i pun\u00ebs nga qeveria ka kontaktuar me K\u00ebshillin Nd\u00ebrfetar dhe komunitet fetare, p\u00ebr t\u00eb p\u00ebrcaktuar dhe diskutuar rreth kalendarit dhe propozimeve p\u00ebr rihapjen e objekteve t\u00eb kultit.<\/p>\n

 <\/p>\n