64 vjet m\u00eb par\u00eb, p\u00ebr kolendra, duke gdhir\u00eb 24 dhjetori 1928, n\u00eb qytetin e Durr\u00ebsit u k\u00ebnduar sipas melodis\u00eb kish\u00ebtare bizantine t\u00eb D\u00ebrgim\u00ebsores “Ju gra, d\u00ebgjoni” (Gjineqes akutisthite), nj\u00eb k\u00ebng\u00eb e re p\u00ebr “Krishtlindjet”. Kjo k\u00ebng\u00eb pati jehon\u00eb t\u00eb madhe dhe u p\u00ebrhap me shpejt\u00ebsi dhe u b\u00eb tradicionale n\u00eb familjet orthodhokse jo vet\u00ebm n\u00eb qytetin e Durr\u00ebsit, por edhe n\u00eb Tiran\u00eb, Elbasan etj., si dhe nd\u00ebr orthodhoksit shqiptar\u00eb t\u00eb Bukureshtit e nd\u00ebr student\u00ebt Calabrezo-shqiptar\u00eb n\u00eb Grotta Ferrata e Italis\u00eb. K\u00ebnga kujtohet e k\u00ebndohet edhe sot dhe njihet m\u00eb tep\u00ebr me emrin “Mir\u00ebm\u00ebngjes, zonja, zot\u00ebrinj”.<\/p>\n
Autori i saj ishte Aleks Jan Pjetri, nga Durr\u00ebsi, nj\u00ebri nga qytetet e para t\u00eb Evrop\u00ebs q\u00eb p\u00ebrqafoi krishterimin q\u00eb n\u00eb shekullin e par\u00eb pas Krishtit. Po kush ishte Aleksi. Shum\u00eb vet\u00eb, t\u00eb moshuarit, sidomos n\u00eb qytetin e Durr\u00ebsit e t\u00eb Tiran\u00ebs e kujtojn\u00eb edhe sot me respekt t\u00eb thell\u00eb at\u00eb si nj\u00ebrin nd\u00ebr pionier\u00ebt e par\u00eb e aktiv\u00eb t\u00eb Autoqefalis\u00eb s\u00eb Kish\u00ebs Orthodhokse Shqiptare. Ai lindi me 17 mars 1898 n\u00eb qytetin e Durr\u00ebsit, n\u00eb nj\u00eb familje pun\u00ebtore. N\u00eb qytetin e lindjes kreu shkoll\u00ebn qytet\u00ebse greqishte me shtat\u00eb klas\u00eb, n\u00eb vitin 1914. M\u00ebsues dhe edukator i tij kryesor ishte Perikli Spiru. N\u00eb shkoll\u00eb u shqua si nj\u00eb nga m\u00eb t\u00eb dalluarit. N\u00eb koh\u00ebn e lir\u00eb m\u00ebsonte me zell t\u00eb ve\u00e7ant\u00eb gjuh\u00ebn amtare shqipe. K\u00ebshtu n\u00eb vitin 1908-1909 duke qen\u00eb vet\u00eb ende i vog\u00ebl, kontribuoi n\u00eb Klubin e Shqipes n\u00eb Durr\u00ebs duke t\u00ebrhequr e duke m\u00ebsuar bashk\u00ebmoshatar\u00ebt e vet n\u00eb gjuh\u00ebn e \u00ebmb\u00ebl shqipe. M\u00eb 1920, me disa bashk\u00ebqytetar\u00eb orthodhoks\u00eb, myslyman\u00eb e katolik\u00eb riformuan Band\u00ebn muzikore t\u00eb Bashkis\u00eb s\u00eb Durr\u00ebsit. Pes\u00eb vjet m\u00eb pas filloi veprimtarin\u00eb botuese, me nj\u00eb nj\u00eb shkrim p\u00ebr rinin\u00eb e qyteteve Durr\u00ebs e Vlor\u00eb, botuar n\u00eb gazet\u00ebn “Skenderbeu”, Nr.23, 2 mars 1925, q\u00eb nj\u00eb muaj m\u00eb von\u00eb do t\u00eb pasohej me p\u00ebrkthimin e disa k\u00ebng\u00ebve popullore e k\u00ebshillave p\u00ebr rinin\u00eb e botuara si flet\u00eb volante n\u00ebn titullin “Shkatht\u00ebsia praktike”. Gjithashtu ai adaptoi e botoi komedin\u00eb “Karagjozi eg\u00ebrsir\u00ebzbut\u00ebs”, e cila u vu n\u00eb sken\u00eb m\u00eb 1932 n\u00eb Durr\u00ebs, Tiran\u00eb e Kavaj\u00eb; nd\u00ebrsa m\u00eb 1934 botoi librin “Anthollogji dashtunie”. Si atdhetar i flakt\u00eb ai bashk\u00ebpunoi me Biblotek\u00ebn Komb\u00ebtare e Muzeumin q\u00eb n\u00eb dit\u00ebt e para t\u00eb krijimit t\u00eb tyre duke u dhuruar libra t\u00eb vjet\u00ebr, dor\u00ebshkrime historike, monedha antike etj.<\/p>\n
N\u00eb m\u00ebnyr\u00eb t\u00eb ve\u00e7ant\u00eb mjaft e gjer\u00eb \u00ebsht\u00eb veprimtaria e tij fetare p\u00ebr mbar\u00ebvajtjen e Kish\u00ebs son\u00eb Orthodhokse. M\u00eb 1911, n\u00eb mosh\u00ebn 13-vje\u00e7are Aleksi u dor\u00ebzua Lexues (Anagnost) n\u00eb Kish\u00ebn e Durr\u00ebsit. Muzik\u00ebn bizantine ai e m\u00ebsoi nga kryepsallti Nako (Janaq) Miho, q\u00eb kishte mbaruar konservatorin n\u00eb Stamboll. Duke pasur nj\u00eb z\u00eb t\u00eb \u00ebmb\u00ebl melodioz e t\u00eb persosur, dhe duke njohur e zot\u00ebruar mir\u00eb gjuh\u00ebn shqipe, si i pari psalt i Kish\u00ebs Orthodhokse n\u00eb Durr\u00ebs (nga tetori 1926, deri n\u00eb shkurt 1930) Aleksi arriti t\u00eb p\u00ebrshtat\u00eb muzik\u00ebn bizantine tradicionale kish\u00ebtare n\u00eb psalmet. Madje q\u00eb para Autoqefalis\u00eb s\u00eb Kish\u00ebs son\u00eb, ai k\u00ebndonte shqip dhe apostullin.<\/p>\n
Aleks Pjetri formoi dhe organizoi t\u00eb parin kor kishtar shqip, krijoi arkivin e Kish\u00ebs, dha m\u00ebsime fetare, morale e edukative n\u00eb shkoll\u00eb, sh\u00ebrbeu si m\u00ebsues besimi, kryepsalt e organizator kori n\u00eb Shkod\u00ebr m\u00eb 1930 e m\u00eb pas n\u00eb Kavaj\u00eb; u end si misionar n\u00eb qytete e fshatra t\u00eb ndryshme n\u00eb dioqezat e Beratit, Kor\u00e7\u00ebs, n\u00eb Pogradec e Sh\u00ebn Naum, n\u00eb Vlor\u00eb, Fier e Elbasan etj. N\u00eb vitet 1917 dhe 1922-25 sh\u00ebrbeu si psalt pa asnj\u00eb shp\u00ebrblim n\u00eb dy kishat orthodhokse t\u00eb Tiran\u00ebs, nd\u00ebrsa m\u00eb 1929 themeloi n\u00eb Tiran\u00eb Korin e Kish\u00ebs, drejtimin e t\u00eb cilit m\u00eb von\u00eb ia la profesorit rus orthodhoks Evgjeni Kiriev. N\u00eb k\u00ebto vite ai dha edhe m\u00ebsime fetare-morale e edukative p\u00ebr nx\u00ebn\u00ebsit orthodhoks\u00eb n\u00eb shkollat e Tiran\u00ebs. Po k\u00ebt\u00eb vit botoi broshur\u00ebn “Psalme dhe Hymne” (p\u00ebr Korin Kish\u00ebtar dhe \u00e7do t\u00eb krishtere orthodhoks).<\/p>\n
P\u00ebrkushtimin e tij ndaj Kish\u00ebs Orthodhokse Aleks Pjetri e vazhdoi ta tregonte edhe pas vitit 1945. N\u00eb k\u00ebt\u00eb vit, me iniciativ\u00ebn e tij ai formoi dhe organizoi t\u00eb parin Kor Kish\u00ebtar bizantin tradicional shqip n\u00eb kryeqytet, nd\u00ebrkoh\u00eb q\u00eb nga ky vit deri m\u00eb 15 janar 1949 sh\u00ebrbeu si kryepsalt n\u00eb katedralen e Tiran\u00ebs. Ai kishte p\u00ebrgatitur p\u00ebr botim edhe librin “Psalme” (p\u00ebr korist\u00ebt e Kish\u00ebs Orthodhokse), “Lutra e Zotit ton\u00eb Iisu Krisht” (p\u00ebrkthim e komentime) dhe “Dashuria ungjillore” (p\u00ebrpunuar nga Shkrimi i Shenjt\u00eb), t\u00eb cilat p\u00ebr fat t\u00eb keq n\u00eb rrethanat e reja q\u00eb u krijuan me vendosjen e pushtetit komunist, nuk e pan\u00eb dot drit\u00ebn e botimit, dhe madje nuk dihet as fati i dor\u00ebshkrimeve.<\/p>\n
P\u00ebr t’u theksuar \u00ebsht\u00eb se megjith\u00ebse i varf\u00ebr vet\u00eb, shumic\u00ebn e veprimtarive n\u00eb dobi t\u00eb Kish\u00ebs, Aleksi e b\u00ebri falas, pa asnj\u00eb lloj shp\u00ebrblimi, shpesh her\u00eb n\u00eb luft\u00eb me elemente konservatore e shpirtvegj\u00ebl, t\u00eb cil\u00ebt n\u00eb mosh\u00ebn e pleq\u00ebris\u00eb e lan\u00eb pa pension. Vdiq n\u00eb qytetin e lindjes m\u00eb 1961, i varf\u00ebr materialisht, por me nj\u00eb pasuri t\u00eb madhe shpirt\u00ebrore, duke l\u00ebn\u00eb pas vepra t\u00eb bukura e t\u00eb dobishme n\u00eb t\u00eb mir\u00eb t\u00eb Kish\u00ebs son\u00eb Orthodhokse. Si mbyllje do t\u00eb d\u00ebshironim t\u00eb citonim ish-Kryepiskopin e gjith\u00eb Shqip\u00ebris\u00eb Kristoforin, i cili m\u00eb 14.4.1948 shkruante se “…z. Aleks Pjetri, Kryepsalt (K\u00ebng\u00ebtar i par\u00eb) i Kish\u00ebs Kathedrale t\u00eb Tiran\u00ebs, njeri i ndersh\u00ebm, shpres\u00ebtar i kulluar, me karakter t\u00eb mir\u00eb, me nd\u00ebrgjegje t\u00eb past\u00ebr, me zell fetar, me ndjenja patriotike t\u00eb kulluara dhe pun\u00ebtor i palodhur i Kish\u00ebs son\u00eb, gj\u00eb t\u00eb cil\u00ebn e ka provuar qartazi me veprimtarin\u00eb e tij dobiprur\u00ebse t\u00eb pareshtur fetare e komb\u00ebtare, ka sh\u00ebrbyer n\u00eb shum\u00eb qytete dhe fshatra t\u00eb Shqip\u00ebris\u00eb q\u00eb n\u00eb vitin 1911 deri m\u00eb sot si kryepsalt, m\u00ebsues feje, predikues, drejtor koresh kish\u00ebtare bizantine etj, etj.<\/p>\n
P\u00ebr 28 vjet me radh\u00eb i ka sjell\u00eb Kish\u00ebs son\u00eb sh\u00ebrbime t\u00eb shum\u00ebllojshme dhe t\u00eb pa\u00e7mueshme, pa asnj\u00eb shp\u00ebrblim material.<\/p>\n
Si kryepsalt \u00ebsht\u00eb i vetmi q\u00eb shquhet nd\u00ebr kishat orthodhokse t\u00eb Shqip\u00ebris\u00eb dhe \u00ebsht\u00eb i kategoris\u00eb s\u00eb par\u00eb, duke kryer me t\u00eb v\u00ebrtet\u00eb nj\u00eb detyr\u00eb delikate dhe tep\u00ebr t\u00eb r\u00ebnd\u00eb”.<\/p>\n
THOMA QENDRO<\/p>\n","protected":false},"excerpt":{"rendered":"
Portret biografik i Aleks Pjetrit (1898-1961), kryepsalti i Kish\u00ebs Orthodhokse t\u00eb Shqip\u00ebris\u00eb, themelues i korit t\u00eb par\u00eb kish\u00ebtar bizantin shqip dhe pionier i Autoqefalis\u00eb. Autor i k\u00ebng\u00ebs s\u00eb famshme t\u00eb Krishtlindjes ‘Mir\u00ebm\u00ebngjes, zonja, zot\u00ebrinj’. Vdiq n\u00eb varf\u00ebri por la pasuri t\u00eb madhe shpirt\u00ebrore.<\/p>\n","protected":false},"template":"","meta":{"_acf_changed":false,"inline_featured_image":false,"nentitulli":"T\u00eb njohim traditat tona","numri":"3 (3)","viti":"1992","muaji":"Dhjetor","muaji_numer":"12","dita":"","faqet":"[5]","fjale_kyce":"[\"Aleks Pjetri\", \"Durr\u00ebs\", \"kryepsalt\", \"muzik\u00eb bizantine\", \"Autoqefali\", \"Kisha Orthodhokse\", \"Kor Kish\u00ebtar\", \"Thoma Qendro\", \"tradita\", \"Mir\u00ebm\u00ebngjes zonja zot\u00ebrinj\", \"Kristofor\"]","permbledhje":"Portret biografik i Aleks Pjetrit (1898-1961), kryepsalti i Kish\u00ebs Orthodhokse t\u00eb Shqip\u00ebris\u00eb, themelues i korit t\u00eb par\u00eb kish\u00ebtar bizantin shqip dhe pionier i Autoqefalis\u00eb. Autor i k\u00ebng\u00ebs s\u00eb famshme t\u00eb Krishtlindjes 'Mir\u00ebm\u00ebngjes, zonja, zot\u00ebrinj'. Vdiq n\u00eb varf\u00ebri por la pasuri t\u00eb madhe shpirt\u00ebrore.","autori":"Thoma Qendro","kategoria":"Portret \/ Histori","kryeredaktor":""},"ngjallja_kategoria":[9275],"ngjallja_autori":[9276],"ngjallja_viti":[9182],"ngjallja_kryeredaktor":[],"class_list":["post-82514","ngjallja_article","type-ngjallja_article","status-publish","hentry","ngjallja_kategoria-portret-histori","ngjallja_autori-thoma-qendro","ngjallja_viti-9182"],"acf":[],"yoast_head":"\n