{"id":9116,"date":"2019-12-02T21:38:28","date_gmt":"2019-12-02T21:38:28","guid":{"rendered":""},"modified":"2020-04-07T00:36:17","modified_gmt":"2020-04-06T22:36:17","slug":"dhimbje-shprese-dhe-solidaritet-kryepiskopi-anastas-shkoi-perseri-ne-durresin-e-goditur-nga-termeti","status":"publish","type":"post","link":"https:\/\/orthodoxalbania.org\/2020\/2019\/12\/02\/dhimbje-shprese-dhe-solidaritet-kryepiskopi-anastas-shkoi-perseri-ne-durresin-e-goditur-nga-termeti\/","title":{"rendered":"Dhimbje, shpres\u00eb dhe solidaritet, Kryepiskopi Anastas shkoi p\u00ebrs\u00ebri n\u00eb Durr\u00ebsin e goditur nga t\u00ebrmeti"},"content":{"rendered":"

\n\t– Dhimbje, shpres\u00eb dhe solidaritet, Kryepiskopi Anastas shkoi p\u00ebrs\u00ebri n\u00eb Durr\u00ebsin e goditur nga t\u00ebrmeti –<\/span><\/p>\n

\n\tSot, e diel, 1 dhjetor 2019, Kryepiskopi i Tiran\u00ebs, Durr\u00ebsit dhe i Gjith\u00eb Shqip\u00ebris\u00eb, Anastasi, shkoi n\u00eb qytetin e Durr\u00ebsit, q\u00eb u godit tep\u00ebr r\u00ebnd\u00eb nga fatkeq\u00ebsit\u00eb q\u00eb solli t\u00ebrmeti shkat\u00ebrrues i dat\u00ebs 26 n\u00ebntor. Aty ai kreu Liturgjin\u00eb Hyjnore n\u00eb Kish\u00ebn e Apostull Pavlit dhe Sh\u00ebn Astit, t\u00eb qytetit, ku jan\u00eb strehuar t\u00eb d\u00ebmtuar nga t\u00ebrmeti. Bashk\u00eb me Kryepiskopin meshuan Episkopi i Bylisit, Asti dhe klerik\u00eb t\u00eb qytetit.<\/span><\/p>\n

\tKjo \u00ebsht\u00eb hera e dyt\u00eb q\u00eb Fortlumturia e Tij shkon n\u00eb Durr\u00ebs, pas vizit\u00ebs s\u00eb dat\u00ebs 26 n\u00ebntor, ku u njoh nga af\u00ebr me gjendjen e r\u00ebnd\u00eb t\u00eb krijuar nga t\u00ebrmeti dhe shprehu gatishm\u00ebrin\u00eb e Kish\u00ebs son\u00eb per t\u00eb kontribuar konkretisht p\u00ebr njer\u00ebzit q\u00eb humb\u00ebn gjith\u00e7ka, si\u00e7 edhe po ndodh.<\/span><\/p>\n

\n\tN\u00eb omelin\u00eb e mbajtur, Kryepiskopi Anastas iu drejtua popullit me fjal\u00eb at\u00ebrore dhe shprese:<\/span>
\n\tN\u00eb dit\u00ebt q\u00eb shkuam p\u00ebrjetuam hijen e vdekjes\u2026 Dua t\u00eb them se mes k\u00ebsaj dhimbje kaq t\u00eb madhe \u00ebsht\u00eb edhe solidariteti i mrekulluesh\u00ebm, q\u00eb u shfaq n\u00eb m\u00ebnyr\u00eb t\u00eb vazhdueshme gjat\u00eb gjith\u00eb k\u00ebtyre dit\u00ebve. Jo vet\u00ebm nga qytetar\u00ebt k\u00ebtu, por edhe nga qytetet e tjera dhe ajo q\u00eb \u00ebsht\u00eb m\u00eb e r\u00ebnd\u00ebsishme, solidariteti q\u00eb u shfaq nga banor\u00ebt e rajonit ton\u00eb\u2026 t\u00eb cil\u00ebt vrapuan t\u00eb jepnin mb\u00ebsht\u00ebtjen e tyre n\u00eb k\u00ebto dit\u00eb t\u00eb v\u00ebshtira. Nuk erdh\u00ebn thjesht p\u00ebr t\u00eb na ngush\u00eblluar, por p\u00ebr t\u00eb na ndihmuar. Sjell n\u00eb mendjen time grupet e shp\u00ebtimit q\u00eb duke rrezikuar jet\u00ebn shp\u00ebtuan jet\u00eb. U jemi mir\u00ebnjoh\u00ebs t\u00eb gjith\u00eb atyre\u2026<\/span><\/p>\n

\n\tKam marr\u00eb letra nga pothuaj t\u00eb gjith\u00eb kryetar\u00ebt e Kishave Autoqefale dhe Patriarkanave n\u00eb bot\u00eb. Kjo tregon se jemi nj\u00eb kish\u00eb, nj\u00eb trup, dhe kur d\u00ebmtohet nj\u00eb pjes\u00eb e trupit ndiejn\u00eb dhimbje dhe reagojn\u00eb t\u00eb gjith\u00eb.<\/span>
\n\tSic e vut\u00eb re, n\u00eb k\u00ebt\u00eb tronditje t\u00eb madhe kasha k\u00ebtu nuk p\u00ebsoi gj\u00eb, k\u00ebshtu edhe n\u00eb sh\u00ebnVlash. Nuk flas vet\u00ebm p\u00ebr ndihm\u00ebn e Per\u00ebndis\u00eb dhe p\u00ebr ata q\u00eb i nd\u00ebrtuan. Q\u00eb kur nis\u00ebm t\u00eb nd\u00ebrtonim u p\u00ebrpoq\u00ebm q\u00eb \u00e7do gj\u00eb t\u00eb ishte n\u00eb p\u00ebrputhje me shkenc\u00ebn e nd\u00ebrtimit.<\/span><\/p>\n

\n\tDuhet t\u00eb b\u00ebni p\u00ebrpjekje t\u00eb m\u00ebdha q\u00eb t\u00eb mos na kap\u00eb paniku q\u00eb vjen v\u00ebrdall\u00eb k\u00ebto dit\u00eb. Sa t\u00eb jet\u00eb e mundur, me m\u00eb shum\u00eb qet\u00ebsi t\u00eb p\u00ebrballemi me problemet, me m\u00eb shum\u00eb paqe, sepse si\u00e7 degjuam dhe n\u00eb Apostullin e sot\u00ebm, Krishti \u00ebsht\u00eb paqja jon\u00eb dhe nuk do t\u00eb na braktis\u00eb edhe n\u00eb k\u00ebt\u00eb or\u00eb t\u00eb v\u00ebshtir\u00eb t\u00eb jet\u00ebs son\u00eb. Le t\u00eb fuqizohet shpresa n\u00eb mendjet tona. Kjo shpres\u00eb mb\u00ebshtetet n\u00eb faktin se nuk jemi vet\u00ebm, sepse pam\u00eb solidaritetin e v\u00ebllez\u00ebrve tan\u00eb, por p\u00ebr m\u00eb tep\u00ebr sepse Per\u00ebndia \u00ebsht\u00eb bashkudh\u00ebtar me ne n\u00eb \u00e7do hap t\u00eb jet\u00ebs son\u00eb. Le t\u00eb p\u00ebrpiqemi dhe t\u00eb mendojm\u00eb se si do t\u2019i rind\u00ebrtojm\u00eb k\u00ebto nd\u00ebrtesa n\u00eb m\u00ebnyr\u00eb t\u00eb rregullt. Nuk \u00ebsht\u00eb moment tani p\u00ebr kritik\u00eb p\u00ebr gabimet e t\u00eb shkuar\u00ebs apo p\u00ebr ata q\u00eb vun\u00eb p\u00ebrpara fitimin n\u00eb vend t\u00eb siguris\u00eb.<\/span><\/p>\n

\n\tT\u00eb mos p\u00ebrs\u00ebrisim t\u00eb nj\u00ebjtat gabime. Nuk mund t\u00eb jemi indiferent\u00eb p\u00ebrpara t\u00eb v\u00ebrtet\u00ebs shkencore. Nuk mund t\u00eb jemi indiferent\u00eb p\u00ebrpara drejt\u00ebsis\u00eb sociale p\u00ebrshkak t\u00eb fitimeve t\u00eb padrejta t\u00eb disave. Do t\u00eb duhet q\u00eb t\u00eb gjith\u00eb t\u00eb b\u00ebjm\u00eb p\u00ebrpjekje p\u00ebr t\u00eb v\u00ebrtet\u00ebn, p\u00ebr dashurin\u00eb dhe v\u00ebllaz\u00ebrimin mes nesh.<\/span><\/p>\n

\n\tMendoj se caste t\u00eb tilla q\u00eb na tronditin b\u00ebjn\u00eb t\u00eb lul\u00ebzojn\u00eb nga Brenda njeriut disa fuqi mistike; dashuria, solidariteti, ngroht\u00ebsia. Dua q\u00eb t\u00eb kujdesemi q\u00eb t\u2019i ruajm\u00eb ato dhe t\u00eb mos na bien p\u00ebrs\u00ebri n\u00eb gjum\u00eb. Duhen t\u00eb fuqizohen, dhe t\u00eb rritet mire kuptimi i nd\u00ebrsjell\u00eb. Vet\u00ebm k\u00ebshtu rajoni i Ballkanit do p\u00ebrparoj\u00eb dhe do t\u00eb zhvillohet\u2026<\/span><\/p>\n

\n\tN\u00eb em\u00ebr t\u00eb shtabit t\u00eb emergjenc\u00eb t\u00eb ngritur nga Kisha jon\u00eb foli at\u00eb Gjerasim \u00c7akalli, i cili p\u00ebrshkroi pun\u00ebn e b\u00ebr\u00eb dhe fal\u00ebnd\u00ebroi Kryepiskopin p\u00ebr mb\u00ebshtetjen e gjithanshme dhe t\u00eb vazhdueshme.<\/span><\/p>\n

\n\tEdhe Kryepiskopi Anastas fal\u00ebnd\u00ebroi ve\u00e7an\u00ebrisht klerik\u00ebt dhe t\u00eb rinjt\u00eb orthodhoks\u00eb t\u00eb cil\u00ebt q\u00eb n\u00eb \u00e7astet e para e derim\u00eb sot u kan\u00eb sh\u00ebrbyer atyre q\u00eb humb\u00ebn \u00e7do gj\u00eb nga t\u00ebrmeti, pa asnj\u00eb lloj dallimi. Ai theksoi edhe faktin se kasha i hapi dyert e t\u00eb gjitha strukturave t\u00eb veta q\u00eb n\u00eb \u00e7astet e para pas fatkeq\u00ebsis\u00eb.<\/span><\/p>\n

\n\tM\u00eb pas, Kryepiskopi Anastas vizitoi nga af\u00ebr t\u00eb d\u00ebmtuarit nga t\u00ebrmeti q\u00eb jan\u00eb strehuar prej disa dit\u00ebsh n\u00eb mjediset e Manastirit t\u00eb Sh\u00ebnVlashit, Akademis\u00eb Teologjike dhe Skitit t\u00eb Miroprur\u00ebseve. 167 personat q\u00eb ndodhen aty kan\u00eb t\u00eb siguruar fjetjen, ushqimin e gatuar n\u00eb mens\u00ebn e Akademis\u00eb teologjike dhe gjith\u00e7ka kan\u00eb nevoj\u00eb. Kryepiskopi Anastas drekoi me t\u00eb gjith\u00eb ata. P\u00ebrve\u00e7 personelit, personave t\u00eb strehuar aty u sh\u00ebrbejn\u00eb vullnetarisht student t\u00eb Ku \u201cLogos\u201d, an\u00ebtar\u00eb t\u00eb Lidhjes s\u00eb Rinis\u00eb Orthodhokse dhe klerik\u00eb. Gjithashtu, n\u00eb kuadrin e mobilizimit n\u00eb t\u00eb gjitha kishat e vendit p\u00ebr t\u00eb mbledhur ndihma, sidomos nga rinia orthodhokse, n\u00eb Manastir kan\u00eb ardhur ndihma nga Kryepiskopata dhe Mitropolit\u00eb.<\/span><\/p>\n

\n\t <\/p>\n

\n\t