{"id":9088,"date":"2019-11-09T20:22:20","date_gmt":"2019-11-09T20:22:20","guid":{"rendered":""},"modified":"2020-04-07T00:36:20","modified_gmt":"2020-04-06T22:36:20","slug":"u-zhvillua-asambleja-kleriko-laike-e-kishes-orthodhokse-autoqefale-te-shqiperise-2","status":"publish","type":"post","link":"https:\/\/orthodoxalbania.org\/2020\/2019\/11\/09\/u-zhvillua-asambleja-kleriko-laike-e-kishes-orthodhokse-autoqefale-te-shqiperise-2\/","title":{"rendered":"U zhvillua Asambleja Kleriko – Laike e Kish\u00ebs Orthodhokse Autoqefale t\u00eb Shqip\u00ebris\u00eb"},"content":{"rendered":"

Sot, n\u00eb dat\u00ebn 9 n\u00ebntor 2019, n\u00eb mjediset e Qendr\u00ebs Kulturore t\u00eb katedrales \u201cNgjallja e Krishtit\u201d, n\u00eb Tiran\u00eb, u mbajt Asambleja Kleriko \u2013 Laike e Kish\u00ebs Orthodhokse Autoqefale t\u00eb Shqip\u00ebris\u00eb. N\u00eb veprimtari mor\u00ebn pjes\u00eb 310 klerik\u00eb dhe laik\u00eb: an\u00ebtar\u00ebt e Sinodit t\u00eb Shenjt\u00eb, n\u00ebn drejtimin e Kryepiskopit Anastas, K\u00ebshilli Kleriko-Laik dhe p\u00ebrfaq\u00ebsit\u00eb nga Kryepiskopata dhe 5 Mitropolit\u00eb (klerik\u00eb dhe laik\u00eb; burra, gra dhe p\u00ebrfaq\u00ebsues t\u00eb rinis\u00eb orthodhokse).<\/span><\/p>\n

Asambleja u \u00e7el n\u00eb Katedralen \u201cNgjallja e Krishtit\u201d, me Sh\u00ebrbes\u00ebn e Or\u00ebs s\u00eb tret\u00eb. Punimet u hap\u00ebn nga Kryepiskopi i Tiran\u00ebs, Durr\u00ebsit dhe i Gjith\u00eb Shqip\u00ebris\u00eb Anastasi, q\u00eb paraqiti programin e k\u00ebsaj Asambleje. N\u00eb kuadrin e p\u00ebrvjetorit t\u00eb 240-t\u00eb t\u00eb martirizimit t\u00eb Sh\u00ebn Kozmait t\u00eb Kolkondasit, Kryepiskopi foli p\u00ebr r\u00ebnd\u00ebsin\u00eb e vepr\u00ebs s\u00eb Sh\u00ebn Kozmait dhe kontributin e tij t\u00eb jasht\u00ebzakonsh\u00ebm p\u00ebr arsimimin dhe ngritjen shpirt\u00ebrore t\u00eb popullsis\u00eb s\u00eb krishter\u00eb orthodhokse n\u00eb koh\u00ebt m\u00eb t\u00eb v\u00ebshtira.<\/span><\/p>\n

Pasoi nj\u00eb dokumentar dedikuar k\u00ebtij shenjti, dhe n\u00eb vazhdim p\u00ebr figur\u00ebn dhe kontributin e tij n\u00eb vendin ton\u00eb foli prof. as. dr. Vasil Tushi.<\/span><\/p>\n

N\u00eb vazhdim t\u00eb seanc\u00ebs, p\u00ebrfaq\u00ebsues nga Kryepiskopata dhe Mitropolit\u00eb fol\u00ebn p\u00ebr vepr\u00ebn e edukimit t\u00eb krishter\u00eb orthodhoks (katekizmin), q\u00eb b\u00ebhet n\u00eb dioqezat e tyre, me f\u00ebmij\u00ebt, t\u00eb rinjt\u00eb, grat\u00eb orthodhokse etj., duke paraqitur r\u00ebnd\u00ebsin\u00eb, pun\u00ebn e palodhur t\u00eb katekist\u00ebve, pjes\u00ebmarrjen dhe shpenzimet financiare.<\/span><\/p>\n

N\u00eb seanc\u00ebn e dyt\u00eb, u fol p\u00ebr kontributin tep\u00ebr t\u00eb madh 25-vje\u00e7ar q\u00eb ka dh\u00ebn\u00eb Kisha jon\u00eb p\u00ebr arsimin e p\u00ebrgjithsh\u00ebm dhe at\u00eb t\u00eb lart\u00eb. Referuesit, drejtoresha e Fondacionit \u201cFryma e Dashuris\u00eb\u201d, znj. Pamela Barksdale, administratori i Kolegjit Universitar \u201cLogos\u201d, z. Naum Mile, dhjakon Kristi Xhaferri ekonomist n\u00eb Kryepiskopat\u00eb, paraqit\u00ebn ecurin\u00eb dhe zgjerimin n\u00eb vite t\u00eb k\u00ebtyre institucioneve arsimore, p\u00ebr 20 kopshtet, 3 shkollat 9-vje\u00e7are, 6 shkollat e mesme dhe 3 fakultetet me 9 departamente.<\/span><\/p>\n

N\u00eb vazhdim t\u00eb seanc\u00ebs, sipas nj\u00eb vendimi t\u00eb Sinodit t\u00eb Shenjt\u00eb, u prezantua nisma p\u00ebr kontributin financiar t\u00eb besimtar\u00ebve n\u00eb vepr\u00ebn arsimore t\u00eb Kish\u00ebs son\u00eb, n\u00ebp\u00ebrmjet nj\u00eb formulari-angazhim, q\u00eb do plot\u00ebsohet nga \u00e7do dhurues, nism\u00eb e cila u aprovua dhe nga Asambleja.<\/span><\/p>\n

N\u00eb seanc\u00ebn e tret\u00eb u fol p\u00ebr Cencusin e ardhsh\u00ebm, q\u00eb do t\u00eb b\u00ebhet n\u00eb vitin 2020 dhe problematikat q\u00eb ai ngre.<\/span><\/p>\n

<\/span><\/p>\n