{"id":69625,"date":"2026-03-15T12:32:00","date_gmt":"2026-03-15T11:32:00","guid":{"rendered":"https:\/\/orthodoxalbania.org\/2020\/?p=69625"},"modified":"2026-04-11T14:38:38","modified_gmt":"2026-04-11T12:38:38","slug":"e-diela-iii-e-kreshmes-se-madhe-falja-e-kryqit-te-nderuar-nga-kryepiskopi-joan-tirane-15-03-2026-tekst-video","status":"publish","type":"post","link":"https:\/\/orthodoxalbania.org\/2020\/2026\/03\/15\/e-diela-iii-e-kreshmes-se-madhe-falja-e-kryqit-te-nderuar-nga-kryepiskopi-joan-tirane-15-03-2026-tekst-video\/","title":{"rendered":"E diela III e Kreshm\u00ebs s\u00eb Madhe – Falja e Kryqit t\u00eb Nderuar, nga Kryepiskopi Joan, Tiran\u00eb, 15.03.2026 (Tekst &Video)"},"content":{"rendered":"
\n

<\/span>Predikimi i Fortlumturis\u00eb s\u00eb Tij, Joanit,<\/strong><\/span><\/h4>\n

<\/span>Kryepiskop i Tiran\u00ebs, Durr\u00ebsit dhe i Gjith\u00eb Shqip\u00ebris\u00eb<\/strong><\/span><\/h4>\n<\/div>\n
E diela III e Kreshm\u00ebs s\u00eb Madhe – Falja e Kryqit t\u00eb Nderuar Ungjilli sipas Markut 8:34-9:1<\/strong><\/div>\n
\n

<\/span>Katedralja \u201cNgjallja e Krishtit\u201d n\u00eb Tiran\u00eb<\/strong><\/span><\/h4>\n

<\/span>15 mars, 2026<\/strong><\/span><\/h4>\n<\/div>\n
<\/div>\n
<\/div>\n
\n
Kreshma \u00ebsht\u00eb koh\u00eb p\u00ebrpjekjesh dhe meditimi dhe Kisha na m\u00ebson q\u00eb ta ndjekim me v\u00ebmendje \u00e7do Liturgji Hyjnore dhe \u00e7do dit\u00eb t\u00eb Kreshm\u00ebs s\u00eb Madhe. T\u00eb diel\u00ebn e sotme Kisha ka vendosur Nderimin e Kryqit. P\u00ebrse e ka vendosur Faljen e Kryqit t\u00eb Nderuar, pik\u00ebrisht sot? Kushdo q\u00eb e vazhdon Kreshm\u00ebn, ashtu si\u00e7 e m\u00ebson Kisha jon\u00eb, pas tre jav\u00ebsh ndihet pak i lodhur. Sinaksari i sot\u00ebm thekson q\u00eb Kisha e ngre Kryqin, p\u00ebr t\u00eb na kujtuar p\u00ebr vepr\u00ebn shp\u00ebtimtare t\u00eb Zotit, p\u00ebr P\u00ebsimin e tij dhe p\u00ebr t\u00eb pasur ngush\u00ebllim, shpres\u00eb dhe kuraj\u00eb. Madje Sinaksari e p\u00ebrshkruan n\u00eb m\u00ebnyr\u00eb poetike. Ashtu si nj\u00eb njeri q\u00eb udh\u00ebton n\u00eb shkretir\u00eb, gjen nj\u00eb pem\u00eb plot me flet\u00eb dhe q\u00ebndron atje p\u00ebr t\u00eb pushuar dhe pi nga uji q\u00eb ndodhet pran\u00eb saj, n\u00eb t\u00eb nj\u00ebjt\u00ebn m\u00ebnyr\u00eb Kisha ngre Kryqin t\u00eb dh\u00ebn\u00eb shpres\u00eb t\u00eb madhe.<\/div>\n
P\u00ebrse Kisha thot\u00eb q\u00eb me an\u00eb t\u00eb Kryqit erdhi g\u00ebzimi n\u00eb bot\u00eb? Njer\u00ebzit sot nuk e duan Kryqin. Madje edhe t\u00eb krishter\u00ebt duan nj\u00eb Krishterim pa kryq, pa vuajtje, pa sakrifica, pa p\u00ebrpjekje. Nuk ka Krishterim pa Kryq. N\u00ebse nuk e pranojm\u00eb Kryqin, nuk jemi t\u00eb krishter\u00eb t\u00eb v\u00ebrtet\u00eb. Kryqi mund t\u00eb duket shum\u00eb i v\u00ebshtir\u00eb, por ai \u00ebsht\u00eb mjekim. Prandaj dhe Zoti n\u00eb Ungjillin e sot\u00ebm na thot\u00eb nj\u00eb m\u00ebsim shum\u00eb t\u00eb r\u00ebnd\u00ebsish\u00ebm p\u00ebr gjith\u00ebsecilin nga ne. Edhe kur i dim\u00eb fjal\u00ebt e Ungjillit, Zoti na i kujton p\u00ebrs\u00ebri duke th\u00ebn\u00eb: \u201cKush t\u00eb doj\u00eb t\u00eb vij\u00eb pas meje, le t\u00eb mohoj\u00eb veten e tij, edhe le t\u00eb ngrej\u00eb kryqin e tij, edhe le t\u00eb m\u00eb vij\u00eb pas\u201d.<\/div>\n
\u00c7far\u00eb thon\u00eb k\u00ebto fjal\u00eb p\u00ebr ne sot?<\/div>\n
S\u00eb pari \u00ebsht\u00eb shum\u00eb e r\u00ebnd\u00ebsishme t\u00eb kuptojm\u00eb q\u00eb Zoti nuk na detyron, por thot\u00eb \u2018kush t\u00eb doj\u00eb\u2019. Zoti respekton vullnetin e lir\u00eb t\u00eb \u00e7do njeriu. Ne jemi krijuar nga Zoti t\u00eb lir\u00eb, dhe po ashtu jemi t\u00eb lir\u00eb edhe p\u00ebr t\u00eb m\u00ebkatuar, ndon\u00ebse m\u00ebkati na shkat\u00ebrron. Zoti na ka krijuar qenie t\u00eb lira dhe kjo \u00ebsht\u00eb ngjashm\u00ebria dhe ikona e Per\u00ebndis\u00eb q\u00eb ndodhet tek ne; qenie dhe persona t\u00eb lir\u00eb p\u00ebr t\u00eb vendosur realisht vet\u00eb se \u00e7far\u00eb duam t\u00eb b\u00ebjm\u00eb.<\/div>\n
Dhe e dyta q\u00eb p\u00ebrmend Ungjilli \u00ebsht\u00eb: \u201ct\u00eb mohoj\u00eb veten e tij\u201d. K\u00ebto jan\u00eb fjal\u00eb q\u00eb njer\u00ebzit mund t\u2019i lexojn\u00eb shpeshher\u00eb, por nuk ndalen n\u00eb to.<\/div>\n
P\u00ebrse Zoti na thot\u00eb q\u00eb t\u00eb mohojm\u00eb veten ton\u00eb? Pik\u00ebrisht, sepse Ai e jep Kryqin si mjekim dhe e di q\u00eb vetja jon\u00eb \u00ebsht\u00eb e deformuar. Nj\u00eb shenjtor i madh i Kish\u00ebs son\u00eb i interpreton k\u00ebshtu k\u00ebto fjal\u00eb: Kur Adami m\u00ebkatoi, vetja e tij u prish dhe u deformua dhe ai nuk ishte m\u00eb vetja reale. Zoti na k\u00ebrkon ta mohojm\u00eb veten, dometh\u00ebn\u00eb t\u00eb mohojm\u00eb at\u00eb pseudoveten q\u00eb kemi brenda nesh. Sepse \u00e7do njeri pa p\u00ebrjashtim krijon nj\u00eb pseudovete: at\u00eb q\u00eb ai do q\u00eb t\u00eb jet\u00eb ose at\u00eb q\u00eb ai do q\u00eb t\u00eb tjer\u00ebt t\u00eb shohin tek ai. Kjo nuk \u00ebsht\u00eb vetja e v\u00ebrtet\u00eb, por \u00ebsht\u00eb vetja e lidhur me krenarin\u00eb. Shpeshher\u00eb, kur njer\u00ebzit e kan\u00eb mendjen se \u00e7far\u00eb do t\u00eb thon\u00eb t\u00eb tjer\u00ebt p\u00ebr ta, kjo tregon q\u00eb ka krenari shum\u00eb t\u00eb madhe brenda tyre. Zoti na k\u00ebrkon q\u00eb ta heqim k\u00ebt\u00eb krenari. N\u00ebse nuk shk\u00ebputemi nga pasionet e bot\u00ebs dhe nga t\u00eb gjitha k\u00ebnaq\u00ebsit\u00eb q\u00eb mund t\u00eb jap\u00eb ajo, nuk mund ta pranojm\u00eb Kryqin. P\u00ebrkundrazi, ai do t\u00eb b\u00ebhet barr\u00eb jasht\u00ebzakonisht e r\u00ebnd\u00eb p\u00ebr ne. N\u00ebse shk\u00ebputemi prej tyre dhe e mohojm\u00eb pseudoveten, Kryqi do t\u00eb jet\u00eb g\u00ebzim shum\u00eb i madh. Prandaj edhe troparet e Kish\u00ebs son\u00eb thon\u00eb: “Me an\u00eb t\u00eb Kryqit erdhi g\u00ebzimi n\u00eb bot\u00eb”.<\/div>\n
Si erdhi g\u00ebzimi n\u00eb bot\u00eb me an\u00eb t\u00eb Kryqit? Le t\u00eb meditojm\u00eb rreth k\u00ebtyre fjal\u00ebve t\u00eb cilat i d\u00ebgjojm\u00eb shpeshher\u00eb dhe nuk ndalojm\u00eb t\u2019i kuptojm\u00eb. Kryqi ishte instrument vdekjeje, madje i vdekjes shum\u00eb t\u00eb tmerrshme. Pik\u00ebrisht, n\u00ebp\u00ebrmjet Kryqit Zoti e mundi vdekjen. Gjithsecili nga ne n\u00ebp\u00ebrmjet Kryqit, mund ta mund\u00eb vdekjen, duke vdek\u00ebsuar t\u00eb gjitha pasionet q\u00eb e shkat\u00ebrrojn\u00eb at\u00eb. Shum\u00eb gj\u00ebra q\u00eb mund t\u00eb duken t\u00eb gjalla tek ne, nuk jan\u00eb t\u00eb gjalla. Dhe shum\u00eb gj\u00ebra q\u00eb mund t\u00eb duken t\u00eb vdekura, nuk jan\u00eb t\u00eb vdekura, por t\u00eb gjalla. Sa m\u00eb shum\u00eb i vdek\u00ebsojm\u00eb pasionet e ndryshme q\u00eb kemi, aq m\u00eb tep\u00ebr fuqizohet Kryqi brenda shpirtit ton\u00eb. Prandaj Zoti na thot\u00eb q\u00eb ta mohojm\u00eb veten ton\u00eb dhe t\u00eb marrim Kryqin. T\u00eb mohojm\u00eb veten ton\u00eb do t\u00eb thot\u00eb t\u00eb mohojm\u00eb \u00e7far\u00ebdolloj lig\u00ebsie q\u00eb kemi n\u00eb shpirt: Inatet, m\u00ebrit\u00eb, zilit\u00eb, \u00e7mirat dhe gjith\u00e7ka tjet\u00ebr q\u00eb e shkat\u00ebrron njeriun. Kjo \u00ebsht\u00eb pseudovetja. Prandaj dhe Zoti na k\u00ebrkon q\u00eb fillimisht ta mohojm\u00eb veten ton\u00eb dhe t\u00eb shk\u00ebputemi nga \u00e7far\u00ebdolloj d\u00ebshire t\u00eb shtremb\u00ebruar q\u00eb kemi. Dhe n\u00ebse shk\u00ebputemi prej tyre, Kryqi do t\u00eb b\u00ebhet i leht\u00eb. Si\u00e7 thot\u00eb sh\u00ebn Joan Damaskini q\u00eb Kryqi \u00ebsht\u00eb mister. N\u00ebse e kund\u00ebrshtojm\u00eb at\u00eb, ai kthehet n\u00eb nj\u00eb kryq hekuri q\u00eb na d\u00ebrrmon dhe na hap dyert e Ferrit. N\u00ebse e marrim me d\u00ebshir\u00eb, si\u00e7 na porosit edhe Zoti, ai kthehet n\u00eb kryq t\u00eb art\u00eb, i cili hap dyert e Parajs\u00ebs. Sepse Kryqi \u00ebsht\u00eb mjekim, dhe mjekimi \u00ebsht\u00eb i hidhur, por sh\u00ebrimi \u00ebsht\u00eb i \u00ebmb\u00ebl. Prandaj Kryqi nuk \u00ebsht\u00eb q\u00ebllim n\u00eb vetvete, ai \u00ebsht\u00eb mjet n\u00ebp\u00ebrmjet t\u00eb cilit vjen g\u00ebzimi, n\u00ebp\u00ebrmjet t\u00eb cilit u mund vdekja. N\u00ebp\u00ebrmjet Kryqit, Zoti e mundi vdekjen dhe u ngjall. Ky mjet \u00ebsht\u00eb i r\u00ebnd\u00ebsish\u00ebm p\u00ebr gjithsecilin nga ne. Sa m\u00eb shum\u00eb i rezistojm\u00eb k\u00ebtij mjekimi, aq m\u00eb pak sh\u00ebrohemi. Njer\u00ebzit b\u00ebjn\u00eb \u00e7do lloj p\u00ebrpjekjeje p\u00ebr mjekimet fizike, shkojn\u00eb n\u00eb shum\u00eb mjek\u00eb, shpenzojn\u00eb t\u00eb gjitha parat\u00eb, vet\u00ebm q\u00eb t\u00eb sh\u00ebrohen. Megjithat\u00eb, p\u00ebr sh\u00ebrimin shpirt\u00ebror njer\u00ebzit nuk b\u00ebjn\u00eb p\u00ebrpjekje t\u00eb m\u00ebdha. N\u00ebse nuk b\u00ebjm\u00eb p\u00ebrpjekje p\u00ebr sh\u00ebrimin shpirt\u00ebror, at\u00ebher\u00eb \u00e7far\u00eb kuptim ka q\u00eb jemi t\u00eb krishter\u00eb? Prandaj dhe Zoti n\u00eb Ungjillin e sot\u00ebn vazhdon me fjal\u00ebt: \u201cKush t\u00eb doj\u00eb t\u00eb shp\u00ebtoj\u00eb jet\u00ebn e tij, do ta humbas\u00eb; po kush t\u00eb humbas\u00eb jet\u00ebn e tij p\u00ebr hirin tim dhe t\u00eb ungjillit, ky do ta shp\u00ebtoj\u00eb\u201d.<\/div>\n
\u00c7far\u00eb do t\u00eb thon\u00eb k\u00ebto fjal\u00eb p\u00ebr gjithsecilin nga ne? \u00cbsht\u00eb e qart\u00eb m\u00ebnyra sesi njer\u00ebzit i shikojn\u00eb t\u00eb tjer\u00ebt. Kushdo q\u00eb ka pasuri, pozit\u00eb apo fam\u00eb quhet i suksessh\u00ebm. N\u00eb t\u00eb v\u00ebrtet\u00eb, i suksessh\u00ebm \u00ebsht\u00eb vet\u00ebm ai njeri q\u00eb \u00ebsht\u00eb i suksessh\u00ebm n\u00eb syt\u00eb e Zotit, jo n\u00eb syt\u00eb e njer\u00ebzve. Edhe pse mund t\u00eb grumbullojm\u00eb gj\u00ebra pafund, nuk e kemi fituar jet\u00ebn, por e kemi humbur at\u00eb. Njer\u00ebzit b\u00ebjn\u00eb lloj-lloj gj\u00ebrash me korrupsion, me vjedhje, q\u00eb t\u00eb grumbullojn\u00eb pasuri, dhe kujtojn\u00eb se e kan\u00eb fituar jet\u00ebn. Madje shum\u00eb njer\u00ebz rrotull tyre u kan\u00eb zili kur shohin sa t\u00eb pasur jan\u00eb, sa makina t\u00eb bukura kan\u00eb, sa pushtet dhe t\u00eb tjera si k\u00ebto. N\u00eb fakt, ata jan\u00eb t\u00eb humbur, sepse, n\u00ebse nuk je i pasur te Zoti, n\u00eb t\u00eb v\u00ebrtet\u00eb nuk je i pasur, thjesht ke pseudopasuri. Ato q\u00eb kemi grumbulluar jan\u00eb gj\u00ebra q\u00eb shum\u00eb shpejt t\u00eb gjith\u00eb do t\u2019i l\u00ebm\u00eb. I pasur n\u00eb Zotin \u00ebsht\u00eb pik\u00ebrisht ai njeri q\u00eb duket se e ka humbur jet\u00ebn. Prandaj thot\u00eb Zoti: Ai q\u00eb do ta fitoj\u00eb jet\u00ebn e tij sipas bot\u00ebs, do ta humbas\u00eb dhe ai q\u00eb do ta humbas\u00eb p\u00ebr Ungjillin dhe p\u00ebr Zotin, do ta fitoj\u00eb.<\/div>\n
Pjesa e dyt\u00eb e k\u00ebtyre fjal\u00ebve \u00ebsht\u00eb shum\u00eb e r\u00ebnd\u00ebsishme p\u00ebr gjithsecilin nga ne, sepse thekson q\u00eb m\u00ebsimi i Zotit \u00ebsht\u00eb m\u00eb i thell\u00eb se ato q\u00eb b\u00ebjm\u00eb zakonisht. Duke na th\u00ebn\u00eb sot: \u2018Ai q\u00eb do ta humbas\u00eb jet\u00ebn p\u00ebr Ungjillin tim\u2019, Zoti k\u00ebrkon q\u00eb t\u00eb jemi predikues t\u00eb Ungjillit t\u00eb Tij, t\u00eb hapim Lajmin e Mir\u00eb kudo, duke iu treguar t\u00eb gjith\u00ebve q\u00eb ka nj\u00eb mjekim dhe q\u00eb ky mjekim \u00ebsht\u00eb Kryqi dhe jo vrapimet pas d\u00ebshirave t\u00eb bot\u00ebs. Ne mbledhim pasuri dhe grumbullojm\u00eb gj\u00ebra, duke e ditur q\u00eb nj\u00eb dit\u00eb t\u00eb gjitha do t\u2019i l\u00ebm\u00eb; dikush m\u00eb shpejt dhe dikush m\u00eb von\u00eb. N\u00ebse fitojm\u00eb Zotin, i kemi fituar t\u00eb gjitha; n\u00ebse fitojm\u00eb t\u00eb gjith\u00eb bot\u00ebn, e kemi humbur shpirtin ton\u00eb. At\u00ebher\u00eb \u00e7far\u00eb dobie do t\u00eb keni, na thot\u00eb Zoti, dhe \u00e7far\u00eb do t\u00eb jepni n\u00eb k\u00ebmbim t\u00eb shpirtit?!<\/div>\n
Kreshma e Madhe \u00ebsht\u00eb periudh\u00eb n\u00eb t\u00eb cil\u00ebn duhet t’i marrim seriozisht k\u00ebto fjal\u00eb. Ato i d\u00ebgjojm\u00eb \u00e7do vit, nganj\u00ebher\u00eb, dy apo tre her\u00eb n\u00eb vit dhe p\u00ebrs\u00ebri i harrojm\u00eb. N\u00ebse nuk e marrim seriozisht mjekimin, nuk do t\u00eb sh\u00ebrohemi. \u00c7do njeri e di sesa me p\u00ebrpikm\u00ebri e ndjek mjekimin kur \u00ebsht\u00eb i s\u00ebmur\u00eb fizikisht, n\u00eb m\u00ebnyr\u00eb q\u00eb t\u00eb sh\u00ebrohet. Edhe pse mund t\u00eb jet\u00eb ila\u00e7i m\u00eb i hidhur, p\u00ebrs\u00ebri do ta pij\u00eb q\u00eb t\u00eb sh\u00ebrohet. Po p\u00ebr shp\u00ebtimin dhe sh\u00ebrimin e shpirtit, p\u00ebrse jemi kaq t\u00eb ngadalt\u00eb p\u00ebr ta pranuar mjekimin? Ose p\u00ebrse nuk e p\u00ebrdorim fare at\u00eb? Padyshim q\u00eb \u00e7do mjekim \u00ebsht\u00eb i hidhur, por kemi nevoj\u00eb p\u00ebr t’u sh\u00ebruar. Krishterimi beson q\u00eb njer\u00ebzit jan\u00eb qenie e r\u00ebn\u00eb. Njeriu ra nga gjendja e par\u00eb q\u00eb e krijoi Per\u00ebndia dhe p\u00ebr t’u ngritur i duhet pik\u00ebrisht t\u00eb sh\u00ebroj\u00eb shpirtin e tij. Q\u00eb t\u00eb sh\u00ebrojm\u00eb shpirtin na duhet mjekimi. Zoti vet\u00eb erdhi dhe mori mjekimin, pa pasur nevoj\u00eb p\u00ebr t\u00eb. N\u00ebse mjekimi p\u00ebr ne, q\u00eb jemi t\u00eb s\u00ebmur\u00eb dhe kemi nevoj\u00eb, do t\u00eb jet\u00eb shum\u00eb i hidhur, sa m\u00eb i fort\u00eb ishte p\u00ebr vet\u00eb Zotin, i cili nuk kishte nevoj\u00eb p\u00ebr t\u00eb, por e mori at\u00eb p\u00ebr t\u00eb na dh\u00ebn\u00eb shembull dhe p\u00ebr t\u00eb na treguar rrug\u00ebn e shp\u00ebtimit. Prandaj e diela e sotme \u00ebsht\u00eb shum\u00eb e r\u00ebnd\u00ebsishme. Duke nderuar Kryqin, nderojm\u00eb Misterin e thell\u00eb t\u00eb Krishterimit, sepse n\u00ebp\u00ebrmjet Kryqit erdhi g\u00ebzimi n\u00eb bot\u00eb. Amin.<\/div>\n<\/div>\n
<\/div>\n
\n
\n<\/div>\n

<\/span>Video<\/strong><\/em><\/span><\/h4>\n