{"id":69499,"date":"2026-01-31T20:40:57","date_gmt":"2026-01-31T19:40:57","guid":{"rendered":"https:\/\/orthodoxalbania.org\/2020\/?p=69499"},"modified":"2026-03-09T13:47:30","modified_gmt":"2026-03-09T12:47:30","slug":"njoftim-rikthehen-10-ikonat-e-vjedhura-ne-vendin-e-tyre","status":"publish","type":"post","link":"https:\/\/orthodoxalbania.org\/2020\/2026\/01\/31\/njoftim-rikthehen-10-ikonat-e-vjedhura-ne-vendin-e-tyre\/","title":{"rendered":"NJOFTIM –\u00a0Rikthehen 10 ikonat e vjedhura \u201cn\u00eb vendin e tyre\u201d"},"content":{"rendered":"

NJOFTIM –\u00a0Rikthehen 10 ikonat e vjedhura \u201cn\u00eb vendin e tyre\u201d<\/strong><\/h4>\n
<\/div>\n
<\/div>\n
Fortlumturia e tij, Kryepiskopi i Tiran\u00ebs, Durr\u00ebsit dhe Gjith\u00eb Shqip\u00ebris\u00eb, \u2020 Joani, u prit nga Ministri i Kultur\u00ebs, Turizmit dhe Sporteve z. Blendi Gonxhja, i cili i dor\u00ebzoi 10 ikonat e kish\u00ebs s\u00eb Fjetjes s\u00eb Hyjlind\u00ebses t\u00eb Labov\u00ebs s\u00eb Kryqit<\/div>\n
Gjat\u00eb takimit, n\u00eb fjal\u00ebn e tij, Ministri z. Blendi Gonxhja theksoi: Sot kam k\u00ebnaq\u00ebsin\u00eb t\u00eb mir\u00ebpres nj\u00eb vizitor t\u00eb ve\u00e7ant\u00eb n\u00eb Ministrin\u00eb ton\u00eb, Fortlumturin\u00eb e tij, Kryepiskopin Joan. P\u00ebr nj\u00eb arsye sa kulturore dhe shpirt\u00ebrore. Fal\u00eb nj\u00eb operacioni t\u00eb suksessh\u00ebm t\u00eb Policis\u00eb s\u00eb Shtetit dhe bashk\u00ebpunimit t\u00eb ngusht\u00eb nd\u00ebrinstitucional, u b\u00eb i mundur shp\u00ebtimi nga trafikimi i pasurive me vlera kulturore komb\u00ebtare. Ekspert\u00ebt identifikuan 10 ikona t\u00eb vjedhura nga kisha \u201cFjetja e Sh\u00ebn M\u00ebris\u00eb\u201d n\u00eb Labov\u00ebn e Kryqit, t\u00eb cilat sot po i rikthehen Kish\u00ebs Orthodhokse pas 14 vitesh munges\u00eb. Jo vet\u00ebm u \u201cshp\u00ebtuan\u201d nga trafikimi pasurit\u00eb kulturore, por \u00ebsht\u00eb edhe nj\u00eb shembull shum\u00eb dometh\u00ebn\u00ebs suksesi, i cili d\u00ebshmon qart\u00eb sesa jetik \u00ebsht\u00eb regjistrimi i pasurive kulturore si mjeti i vet\u00ebm dhe i besuesh\u00ebm p\u00ebr identifikimin e origjin\u00ebs s\u00eb tyre, n\u00eb rastet kur ato rrezikojn\u00eb t\u00eb trafikohen apo humbasin. Ky rikthim nuk \u00ebsht\u00eb vet\u00ebm nj\u00eb akt ligjor, por nj\u00eb akt drejt\u00ebsie historike dhe shpirt\u00ebrore. Bashk\u00ebpunimi me Policin\u00eb e Shtetit dhe me Kryepiskopin dhe t\u00eb gjitha komunitetet e tjera fetare, do t\u00eb vijoj\u00eb pa nd\u00ebrprerje, me q\u00ebllim gjetjen dhe rikthimin e objekteve t\u00eb tjera t\u00eb deklaruara t\u00eb humbura, n\u00eb nj\u00eb angazhim t\u00eb pa kompromis p\u00ebr mbrojtjen e trash\u00ebgimis\u00eb son\u00eb kulturore. Q\u00ebllimi yn\u00eb \u00ebsht\u00eb i qart\u00eb, t\u00eb mbrojm\u00eb trash\u00ebgimin\u00eb ton\u00eb kulturore, ta restaurojm\u00eb dhe t\u2019i japim identitetin e merituar vendit ton\u00eb n\u00eb k\u00ebt\u00eb mozaik unikal t\u00eb trash\u00ebgimis\u00eb kulturore.<\/div>\n
\u201cJam i g\u00ebzuar q\u00eb ndodhem k\u00ebtu, p\u00ebr rikthimin e nj\u00eb pjese shum\u00eb t\u00eb r\u00ebnd\u00ebsishme t\u00eb trash\u00ebgimis\u00eb son\u00eb kulturore, – tha n\u00eb fjal\u00ebn e tij Kryepiskopi Joan. Dua t\u00eb fal\u00ebnderoj t\u00eb gjith\u00eb ata njer\u00ebz q\u00eb i gjet\u00ebn dhe i mblodh\u00ebn 10 ikona shum\u00eb t\u00eb bukura dhe shum\u00eb t\u00eb r\u00ebnd\u00ebsishme p\u00ebr historin\u00eb ton\u00eb, dhe sidomos jam shum\u00eb mir\u00ebnjoh\u00ebs ndaj Ministrit, i cili pati angazhimin, d\u00ebshir\u00ebn p\u00ebr t\u2019ia kthyer p\u00ebrs\u00ebri Kish\u00ebs Orthodhokse Autoqefale t\u00eb Shqip\u00ebris\u00eb. Ne jemi t\u00eb gjith\u00eb t\u00eb angazhuar p\u00ebr ta mbrojtur k\u00ebt\u00eb kultur\u00eb e k\u00ebt\u00eb identitet dhe kjo \u00ebsht\u00eb nj\u00eb nga pasaportat tona edhe p\u00ebr identitetin ton\u00eb europian, e t\u00eb kultur\u00ebs europiane. Besoj se bashk\u00ebpunimi do t\u00eb vazhdoj\u00eb edhe m\u00eb tej p\u00ebr t\u00eb mir\u00ebn e t\u00eb gjith\u00ebve. I fal\u00ebnderoj t\u00eb gjith\u00eb edhe nj\u00ebher\u00eb ata persona t\u00eb cil\u00ebt i gjet\u00ebn dhe i kthyen p\u00ebrs\u00ebri n\u00eb vendin e tyre k\u00ebto ikona kaq shum\u00eb t\u00eb r\u00ebnd\u00ebsishme\u201d.<\/div>\n
Biseda me Kryepiskopin Joan u ndal edhe n\u00eb pun\u00ebt e tjera konkrete t\u00eb Ministris\u00eb s\u00eb Turizmit, Kultur\u00ebs dhe Sportit, Institutit Komb\u00ebtar t\u00eb Trash\u00ebgimis\u00eb Kulturore dhe Drejtorive Rajonale, Institutit Komb\u00ebtar t\u00eb Regjistrimit t\u00eb Trash\u00ebgimis\u00eb Kulturore lidhur me restaurimin dhe ruajtjen e kishave dhe manastireve q\u00eb jan\u00eb monumente kulture. U diskutua harta e gjer\u00eb e pun\u00ebve n\u00eb territor si dhe mund\u00ebsit\u00eb e bashk\u00ebpunimit sa m\u00eb t\u00eb ngusht\u00eb p\u00ebr mbrojtjen m\u00eb efikase t\u00eb trash\u00ebgimis\u00eb. Fortlumturia e tij, Kryepiskopi Joan shprehu mir\u00ebnjohjen ndaj Ministrit p\u00ebr aktin e kthimit t\u00eb ikonave dhe p\u00ebr vijimin e pun\u00ebve t\u00eb tjera konkrete. S\u00eb bashku ritheksuan qe bashk\u00ebpunimi me t\u00eb gjitha komunitetet fetare, si mbart\u00ebse dhe kujdestare fizike dhe shpirt\u00ebrore t\u00eb objekteve fetare monument kulture ka vler\u00eb dhe r\u00ebnd\u00ebsi t\u00eb ve\u00e7ant\u00eb.<\/div>\n
<\/div>\n
\n
\n<\/div>\n