{"id":69192,"date":"2026-01-14T20:43:25","date_gmt":"2026-01-14T19:43:25","guid":{"rendered":"https:\/\/orthodoxalbania.org\/2020\/2026\/01\/14\/kryepiskopi-joan-ne-bruksel-takime-me-ambasadore-dhe-aktivitet-solemn-ne-parlamentin-evropian-per-kryepiskopin-e-lumur-anastas-3\/"},"modified":"2026-01-14T20:57:06","modified_gmt":"2026-01-14T19:57:06","slug":"kryepiskopi-joan-ne-bruksel-takime-me-ambasadore-dhe-aktivitet-solemn-ne-parlamentin-evropian-per-kryepiskopin-e-lumur-anastas-3","status":"publish","type":"post","link":"https:\/\/orthodoxalbania.org\/2020\/2026\/01\/14\/kryepiskopi-joan-ne-bruksel-takime-me-ambasadore-dhe-aktivitet-solemn-ne-parlamentin-evropian-per-kryepiskopin-e-lumur-anastas-3\/","title":{"rendered":"Kryepiskopi Joan n\u00eb Bruksel: Takime me ambasador\u00eb dhe Aktivitet solemn n\u00eb Parlamentin Evropian p\u00ebr Kryepiskopin e lumur Anastas"},"content":{"rendered":"

Forltumturia e tij, Imzot Joani, Kryepiskop i Tiran\u00ebs, Durr\u00ebsit dhe i Gjith\u00eb Shqip\u00ebris\u00eb<\/strong> zhvilloi sot, m\u00eb 14 janar 2026<\/strong>, n\u00eb Bruksel<\/strong> nj\u00eb s\u00ebr\u00eb takimesh t\u00eb r\u00ebnd\u00ebsishme, n\u00eb kuad\u00ebr t\u00eb vizit\u00ebs s\u00eb tij n\u00eb institucionet evropiane.<\/p>\n

Gjat\u00eb dit\u00ebs, Kryepiskopi Joan u takua me z. Ferit Hoxha<\/strong>, Ambasador i Republik\u00ebs s\u00eb Shqip\u00ebris\u00eb n\u00eb Bashkimin Evropian, Belgjik\u00eb dhe Luksemburg, si dhe P\u00ebrfaq\u00ebsues i P\u00ebrhersh\u00ebm n\u00eb Komitetin Politik dhe t\u00eb Siguris\u00eb. N\u00eb takim u diskutuan \u00e7\u00ebshtje t\u00eb r\u00ebnd\u00ebsishme lidhur me rrug\u00ebtimin evropian t\u00eb Shqip\u00ebris\u00eb<\/strong> dhe kapitujt negociues q\u00eb mbeten p\u00ebr t’u mbyllur. V\u00ebmendje e ve\u00e7ant\u00eb iu kushtua kapitullit q\u00eb trajton marr\u00ebdh\u00ebniet me komunitetet fetare<\/strong>, sidomos \u00e7\u00ebshtjet e statusit t\u00eb pronave dhe t\u00eb drejtave pron\u00ebsore t\u00eb tyre.<\/p>\n

Ambasadori Hoxha shprehu mir\u00ebnjohjen dhe k\u00ebnaq\u00ebsin\u00eb e tij p\u00ebr k\u00ebt\u00eb takim dhe premtoi komunikim t\u00eb vazhduesh\u00ebm p\u00ebr t\u00eb gjitha \u00e7\u00ebshtjet q\u00eb prekin Kish\u00ebn Orthodhokse t\u00eb Shqip\u00ebris\u00eb. Ai propozoi krijimin e kanaleve t\u00eb p\u00ebrhershme komunikimi p\u00ebr t\u00eb mir\u00ebn e komuniteteve fetare. N\u00eb m\u00ebnyr\u00eb t\u00eb ve\u00e7ant\u00eb, u theksua fakti se t\u00eb gjitha komunitetet fetare duhet t\u00eb mb\u00ebshteten nga Bashkimi Evropian, duke qen\u00eb se ato kontribuojn\u00eb n\u00eb m\u00ebnyr\u00eb t\u00eb \u00e7muar n\u00eb forcimin e vlerave themelore t\u00eb shoq\u00ebris\u00eb shqiptare dhe evropiane. Modeli shqiptar i harmonis\u00eb fetare<\/strong> p\u00ebrb\u00ebn shembull p\u00ebr t’u ndjekur jo vet\u00ebm p\u00ebr Evrop\u00ebn, por sidomos p\u00ebr Ballkanin, ku shpesh hasen tensione nd\u00ebrfetare.<\/p>\n

M\u00eb pas, Fortlumturia e Tij, Joani u prit nga\u00a0z. Ioannis Vrailas<\/strong>, P\u00ebrfaq\u00ebsues i P\u00ebrhersh\u00ebm i Greqis\u00eb n\u00eb Bashkimin Evropian. Ambasadori Vrailas theksoi mb\u00ebshtetjen e tij t\u00eb pal\u00ebkundur ndaj Kish\u00ebs Orthodhokse t\u00eb Shqip\u00ebris\u00eb, q\u00eb nga koha e Kryepiskopit t\u00eb ndjer\u00eb Anastas e deri n\u00eb vazhdim\u00ebsin\u00eb e denj\u00eb t\u00eb Fortlumturis\u00eb s\u00eb Tij, Kryepiskopit Joan. Ai siguroi se komunitetet fetare dhe pronat e tyre fetare do t\u00eb jen\u00eb gjithmon\u00eb prioritet n\u00eb rrug\u00ebn e an\u00ebtar\u00ebsimit t\u00eb Shqip\u00ebris\u00eb n\u00eb Bashkimin Evropian.<\/p>\n

Aktivitet solemn n\u00eb Parlamentin Evropian<\/h2>\n

N\u00eb mbr\u00ebmje, n\u00eb Parlamentin Evropian<\/strong> u zhvillua Aktiviteti solemn me tem\u00eb “The Life, Work, and Legacy of the Late Archbishop Anastasios”<\/strong>. Fortlumturia e Tij, Imzot Joani, mbajti fjal\u00ebn kryesore, n\u00eb t\u00eb cil\u00ebn nderoi personalitetin e rrall\u00eb t\u00eb Kryepiskopit t\u00eb ndjer\u00eb Anastas.<\/p>\n

N\u00eb fjal\u00ebn e tij, ai vler\u00ebsoi figur\u00ebn e shquar t\u00eb paraardh\u00ebsit t\u00eb tij, i cili erdhi n\u00eb Shqip\u00ebri n\u00eb vitin 1992<\/strong>, kur Kisha Orthodhokse ishte pothuajse e shkat\u00ebrruar pas pes\u00eb dekadash persekutimi t\u00eb eg\u00ebr nga regjimi komunist. Me vizion, dashuri dhe sakrific\u00eb t\u00eb jasht\u00ebzakonshme, Kryepiskopi Anastas<\/strong> arriti ta ringjall\u00eb Kish\u00ebn nga hiri, duke nd\u00ebrtuar qindra kisha, duke hapur shkolla, spitale dhe qendra sociale, dhe duke formuar nj\u00eb brez t\u00eb ri klerik\u00ebsh dhe besimtar\u00ebsh.<\/p>\n

Forltumturi Joani theksoi se trash\u00ebgimia e Kryepiskopit Anastas nuk q\u00ebndron vet\u00ebm n\u00eb nd\u00ebrtesat e ngritura, por mbi t\u00eb gjitha n\u00eb shpirtrat e prekur dhe n\u00eb modelin e dialogut nd\u00ebrfetar<\/strong> q\u00eb ai vendosi n\u00eb Shqip\u00ebri – nj\u00eb model q\u00eb shihet sot si shembull p\u00ebr t\u00eb gjith\u00eb Evrop\u00ebn.<\/p>\n

Ky Aktivitet solemn dhe i nj\u00eb r\u00ebnd\u00ebsie t\u00eb ve\u00e7ant\u00eb ishte i pari q\u00eb Parlamenti Evropian organizon kushtuar jet\u00ebs dhe vepr\u00ebs s\u00eb nj\u00eb hierarku t\u00eb Kish\u00ebs Orthodhokse<\/strong>.<\/p>\n

Prania e eurodeputet\u00ebve nga grupe t\u00eb ndryshme politike, diplomat\u00ebve dhe p\u00ebrfaq\u00ebsuesve t\u00eb institucioneve evropiane d\u00ebshmoi vler\u00ebsimin e lart\u00eb nd\u00ebrkomb\u00ebtar p\u00ebr kontributin e jasht\u00ebzakonsh\u00ebm t\u00eb Kryepiskopit t\u00eb lumur Anastas dhe Kish\u00ebs Orthodhokse n\u00eb nd\u00ebrtimin e Shqip\u00ebris\u00eb demokratike dhe n\u00eb promovimin e vlerave evropiane.<\/p>\n

Panelist\u00ebt dhe p\u00ebrfaq\u00ebsuesit<\/h3>\n

N\u00eb panelin e k\u00ebtij Aktiviteti solemn mor\u00ebn pjes\u00eb:<\/p>\n