{"id":68219,"date":"2025-09-27T12:49:35","date_gmt":"2025-09-27T10:49:35","guid":{"rendered":"https:\/\/orthodoxalbania.org\/2020\/?p=68219"},"modified":"2025-09-27T18:23:10","modified_gmt":"2025-09-27T16:23:10","slug":"fronezimi-i-mitropolitit-te-ri-te-korces-anastasit-27-09-2025","status":"publish","type":"post","link":"https:\/\/orthodoxalbania.org\/2020\/2025\/09\/27\/fronezimi-i-mitropolitit-te-ri-te-korces-anastasit-27-09-2025\/","title":{"rendered":"Fron\u00ebzimi I Mitropolitit T\u00eb Ri T\u00eb Kor\u00e7\u00ebs, Anastasit,\u00a0 27.09.2025"},"content":{"rendered":"

<\/span>Fron\u00ebzimi I Mitropolitit T\u00eb Ri T\u00eb Kor\u00e7\u00ebs, Anastasit,\u00a0 27.09.2025<\/strong><\/span><\/h4>\n

 <\/p>\n

Kor\u00e7\u00eb, m\u00eb 27 Shtator 2025<\/em><\/p>\n

Plot g\u00ebzim shpirt\u00ebror dhe emocione u krye sot, n\u00eb or\u00ebn 11:00, fron\u00ebzimi i Hir\u00ebsis\u00eb s\u00eb Tij, Mitropolitit t\u00eb Kor\u00e7\u00ebs, z. Anastas, n\u00eb Katedralen e Ngjalljes s\u00eb Krishtit n\u00eb Kor\u00e7\u00eb.<\/p>\n

Sh\u00ebrbesa e Fron\u00ebzimit u zhvillua n\u00eb pranin\u00eb e Fortlumturis\u00eb s\u00eb Tij, Kryepiskopit t\u00eb Tiran\u00ebs, Durr\u00ebsit dhe t\u00eb Gjith\u00eb Shqip\u00ebris\u00eb, Imzot Joanit, an\u00ebtar\u00ebve t\u00eb Sinodit t\u00eb Shenjt\u00eb t\u00eb Kish\u00ebs Orthodhokse Autoqefale t\u00eb Shqip\u00ebris\u00eb, p\u00ebrfaq\u00ebsuesve t\u00eb autoriteteve lokale, klerik\u00ebve t\u00eb shumt\u00eb nga mbar\u00eb vendi dhe nj\u00eb numri t\u00eb madh besimtar\u00ebsh, q\u00eb e mbush\u00ebn p\u00ebrplot kish\u00ebn.<\/p>\n

Hir\u00ebsi Anastasi u zgjodh unanimisht Mitropolit i Kor\u00e7\u00ebs nga Sinodi i Shenjt\u00eb i Kish\u00ebs Orthodhokse Autoqefale t\u00eb Shqip\u00ebris\u00eb, n\u00eb kryesimin e Fortlumturis\u00eb s\u00eb Tij, Kryepiskopit Joan, m\u00eb 16 shtator 2025. Deri n\u00eb zgjedhjen e tij, Hir\u00ebsia sh\u00ebrbente si Episkop i Kruj\u00ebs dhe, nga 3 dhjetori i vitit t\u00eb kaluar, si Protosingjel i Kryepiskopat\u00ebs s\u00eb Tiran\u00ebs dhe Durr\u00ebsit.<\/p>\n

N\u00eb fjal\u00ebn e tij t\u00eb fron\u00ebzimit, Mitropoliti i ri shprehu mir\u00ebnjohje dhe nderim t\u00eb thell\u00eb ndaj Per\u00ebndis\u00eb, q\u00eb e denjoi p\u00ebr marrjen e p\u00ebrgjegj\u00ebsis\u00eb baritore t\u00eb Mitropolis\u00eb s\u00eb shenjt\u00eb t\u00eb Kor\u00e7\u00ebs. “Sot ndodhem p\u00ebrpara Per\u00ebndis\u00eb dhe p\u00ebrpara jush me nj\u00eb ndjenj\u00eb t\u00eb pap\u00ebrshkrueshme fal\u00ebnderimi dhe mir\u00ebnjohjeje”, theksoi ai, duke n\u00ebnvizuar se “\u00e7do fron\u00ebzim nuk \u00ebsht\u00eb kurr\u00eb akt i thjesht\u00eb njer\u00ebzor, por ngjarje e Kish\u00ebs, nj\u00eb gur i ri i vendosur n\u00eb tempullin e gjall\u00eb t\u00eb Trupit t\u00eb Krishtit”.<\/p>\n

Mitropoliti i ri iu referua gjer\u00ebsisht trash\u00ebgimis\u00eb historike dhe shpirt\u00ebrore t\u00eb Kor\u00e7\u00ebs, duke theksuar se “Kor\u00e7a \u00ebsht\u00eb quajtur shpesh ‘qyteti i drit\u00ebs dhe i kultur\u00ebs’. K\u00ebtu u hap\u00ebn shkolla, k\u00ebtu u formuan breza t\u00eb t\u00ebr\u00eb intelektual\u00ebsh, k\u00ebtu u lidh kultura me besimin dhe arsimi me shpirtin”. Ai deklaroi: “Nuk jam k\u00ebtu p\u00ebr t\u00eb filluar nga e para, por p\u00ebr t\u00eb vazhduar nj\u00eb histori q\u00eb ka rr\u00ebnj\u00eb t\u00eb thella. Jam k\u00ebtu p\u00ebr t\u00eb shkruar nj\u00eb kapitull t\u00eb ri n\u00eb librin e gjat\u00eb t\u00eb besimit dhe t\u00eb dashuris\u00eb q\u00eb kjo mitropoli ka shkruar nd\u00ebr shekuj”.<\/p>\n

Me emocion t\u00eb ve\u00e7ant\u00eb, Hir\u00ebsi Anastasi fal\u00ebnderoi t\u00eb paharruarin, Kryepiskopin Anastas, “ringrit\u00ebsin e madh t\u00eb Kish\u00ebs s\u00eb Shqip\u00ebris\u00eb”, q\u00eb e ngriti Kish\u00ebn ton\u00eb nga hiri i shkat\u00ebrrimit t\u00eb ateizmit, dhe Fortlumturin\u00eb e Tij, Kryepiskopin Joan, p\u00ebr vazhdimin e k\u00ebsaj vepre me vizion, dashuri dhe sakrific\u00eb.<\/p>\n

Duke iu drejtuar besimtar\u00ebve t\u00eb zon\u00ebs, Mitropoliti Anastas u zotua: “Ju siguroj se nuk vij mes jush p\u00ebr t’u sh\u00ebrbyer, por si sh\u00ebrb\u00ebtor. Nuk erdha si i huaj, por si v\u00eblla. D\u00ebshira ime \u00ebsht\u00eb q\u00eb bashk\u00eb t\u00eb njihemi m\u00eb thell\u00eb”. Ai theksoi nevoj\u00ebn e unitetit dhe bashk\u00ebpunimit: “Nuk mund ta p\u00ebrmbush k\u00ebt\u00eb mision pa ju. Kisha \u00ebsht\u00eb nj\u00eb trup. Ju ftoj t\u00eb gjith\u00ebve, klerik\u00eb dhe laik\u00eb, t\u00eb bashkohemi n\u00eb nj\u00eb frym\u00eb t\u00eb re sh\u00ebrbimi. T\u00eb nd\u00ebrtojm\u00eb ura, jo mure”.<\/p>\n

Duke njohur sfidat bashk\u00ebkohore, si materializmi, relativizmi dhe shp\u00ebrfillja, Hir\u00ebsia u zotua t\u00eb jet\u00eb af\u00ebr \u00e7do besimtari, “me ndjeshm\u00ebri dhe drejt\u00ebsi”, t\u00eb d\u00ebgjoj\u00eb z\u00ebrin e t\u00eb rinjve, t\u00eb moshuarve dhe familjeve. “Kisha duhet t\u00eb jet\u00eb si nj\u00eb spital shpirt\u00ebror ku t\u00eb gjith\u00eb t\u00eb gjejn\u00eb sh\u00ebrim, si nj\u00eb sht\u00ebpi ku t\u00eb gjith\u00eb t\u00eb gjejn\u00eb ngroht\u00ebsi, si nj\u00eb shkoll\u00eb ku t\u00eb gjith\u00eb t\u00eb m\u00ebsojn\u00eb t\u00eb v\u00ebrtet\u00ebn”, theksoi ai.<\/p>\n

Fortlumturia e Tij, Kryepiskopi Joan, n\u00eb p\u00ebrsh\u00ebndetjen e tij, vler\u00ebsoi aft\u00ebsit\u00eb dhe kontributin e Mitropolitit t\u00eb ri n\u00eb Kish\u00ebn e Shqip\u00ebris\u00eb, duke n\u00ebnvizuar pun\u00ebn e tij t\u00eb r\u00ebnd\u00ebsishme n\u00eb administrimin e pasuris\u00eb kishtare dhe aktiviteteve ekonomike q\u00eb nga viti 2017. Theksoi sh\u00ebrbimin e tij t\u00eb shumansh\u00ebm si Drejtor Ekzekutiv i Institucionit Universitar “LOGOS” dhe pjes\u00ebmarrjen n\u00eb institucione t\u00eb ndryshme kishtare.<\/p>\n

—–<\/p>\n

Hir\u00ebsia e Tij, Mitropoliti i Kor\u00e7\u00ebs, Anastasi (Mamaj), lindi n\u00eb Vlor\u00eb n\u00eb vitin 1979. U diplomua nga Departamenti i Gjuh\u00ebs Greke n\u00eb Fakultetin Filozofik t\u00eb Universitetit t\u00eb Athin\u00ebs, mori titull master n\u00eb Administrim Biznes dhe diplom\u00eb n\u00eb Studime Teologjike Sociale nga Kolegji Universitar “LOGOS”. U hirotonis dhjakon n\u00eb vitin 2018 dhe prift n\u00eb vitin 2019 nga Kryepiskopi i ndjer\u00eb Anastas, mori titullin e Arkimandrit n\u00eb vitin 2020 dhe u zgjodh Episkop i Kruj\u00ebs m\u00eb 2024.<\/p>\n

Fron\u00ebzimi i Mitropolitit Anastas sh\u00ebnon nj\u00eb epok\u00eb t\u00eb re p\u00ebr Mitropolin\u00eb historike t\u00eb Kor\u00e7\u00ebs, me shpres\u00ebn e vazhdimit dhe forcimit t\u00eb vepr\u00ebs s\u00eb rilindjes shpirt\u00ebrore dhe nd\u00ebrtimit t\u00eb nj\u00eb komuniteti Krishtqendror.<\/p>\n

 <\/p>\n

\n

<\/span>Foto Album<\/strong><\/em><\/span><\/h4>\n

 <\/p>\n