{"id":6723,"date":"2018-06-13T11:47:55","date_gmt":"2018-06-13T11:47:55","guid":{"rendered":""},"modified":"2020-04-06T21:58:07","modified_gmt":"2020-04-06T19:58:07","slug":"u-dorezuan-diplomat-per-11-studente-te-akademise-teologjike-ngjallja-e-krishtit","status":"publish","type":"post","link":"https:\/\/orthodoxalbania.org\/2020\/2018\/06\/13\/u-dorezuan-diplomat-per-11-studente-te-akademise-teologjike-ngjallja-e-krishtit\/","title":{"rendered":"U dor\u00ebzuan diplomat p\u00ebr 11 student\u00eb t\u00eb Akademis\u00eb Teologjike \u201cNgjallja e Krishtit\u201d"},"content":{"rendered":"

\n\tDiplomimi n\u00eb fund t\u00eb studimeve \u00ebsht\u00eb gjithmon\u00eb nj\u00eb moment ky\u00e7 n\u00eb jet\u00ebn e \u00e7do t\u00eb riu, por ai merr nj\u00eb kuptim m\u00eb t\u00eb thell\u00eb kur puna dhe vepra e tij do t\u2019i kushtohen Per\u00ebndis\u00eb. Ndaj, m\u00eb 12 qershor 2018, n\u00eb Akademin\u00eb Theologjike \u201cNgjallja e Krishtit\u201d, n\u00eb Manastirn e Sh\u00ebn Vlashit, Durr\u00ebs, dita e diplomimit kishte sa dimensionin e g\u00ebzimit p\u00ebr arritjen e nj\u00eb objektivi kaq t\u00eb r\u00ebnd\u00ebsish\u00ebm n\u00eb jet\u00eb, po aq edhe at\u00eb shpirt\u00ebror, t\u00eb lidhur me sh\u00ebrbes\u00ebn n\u00eb t\u00eb gjitha fushat ku ka nevoj\u00eb Kisha Orthodhokse Autoqefale t\u00eb Shqip\u00ebris\u00eb. K\u00ebt\u00eb vit u diplomuan nj\u00ebmb\u00ebdhjet\u00eb t\u00eb rinj dhe t\u00eb reja, duke p\u00ebrfunduar ciklin e plot\u00eb kat\u00ebrvje\u00e7ar t\u00eb studimeve.<\/span><\/p>\n

\n\tAktivitetet me k\u00ebt\u00eb rast filluan si gjithnj\u00eb me Liturgjin\u00eb Hyjnore, t\u00eb kryesuar nga Mitropoliti i Apollonis\u00eb dhe Fierit, Nikolla, nga prift\u00ebrinjt\u00eb dhe dhjakon\u00ebt q\u00eb sh\u00ebrbejn\u00eb n\u00eb Akademi, q\u00eb jan\u00eb pjes\u00eb e trup\u00ebs pedagogjike, nga Kori i student\u00ebve t\u00eb Akademis\u00eb, plot prind\u00ebr, miq dhe t\u00eb ftuar q\u00eb kishin ardhur nga shum\u00eb larg p\u00ebr t\u00eb marr\u00eb pjes\u00eb t\u00eb gjith\u00eb s\u00eb bashku n\u00eb k\u00ebt\u00eb g\u00ebzim. M\u00eb pas, t\u00eb gjith\u00eb pjes\u00ebmarr\u00ebsit u drejtuan drejt sall\u00ebs s\u00eb konferencave t\u00eb Manastirit. G\u00ebzimi kulmoi me ardhjen n\u00eb diplomim t\u00eb Kryepiskopit t\u00eb Tiran\u00ebs, Durr\u00ebsit dhe t\u00eb Gjith\u00eb Shqip\u00ebris\u00eb, Anastasit, si dhe t\u00eb Mitropolitit t\u00eb Elbasanit, Andoni, Mitropoliti i Amantias, Nathanaili dhe Episkopi i Bylisit, Asti.<\/span><\/p>\n

\n\tCeremonia u hap me himne kishtare t\u00eb psalura nga kori i student\u00ebve. M\u00eb pas, vijoi fjala p\u00ebrsh\u00ebndet\u00ebse e Mitropolitit Nikolla, i cili nd\u00ebr t\u00eb tjera theksoi r\u00ebnd\u00ebsin\u00eb e k\u00ebtyre studimeve n\u00eb k\u00ebt\u00eb Akademi, p\u00ebr kat\u00ebr vitet e kaluara s\u00eb bashku, si dhe p\u00ebr besimin q\u00eb Kisha dhe Kryebariu kan\u00eb tashm\u00eb tek k\u00ebta nj\u00ebmb\u00ebdhjet\u00eb t\u00eb sapodiplomuarit, duke i konsideruar bashk\u00ebpun\u00ebtor\u00ebt m\u00eb t\u00eb rinj. Ai uroi t\u00eb gjith\u00eb prind\u00ebrit dhe pjes\u00ebmarr\u00ebsit e pranish\u00ebm. Ai fal\u00ebnderoi ve\u00e7an\u00ebrisht Kryepiskopin Anastas, q\u00eb ka b\u00ebr\u00eb t\u00eb mundur k\u00ebto studime dhe mjediset moderne q\u00eb u sh\u00ebrbejn\u00eb, si dhe t\u00eb gjith\u00eb trup\u00ebn pedagogjike.<\/span><\/p>\n

\n\tVijoi fjala e studentit t\u00eb dyt\u00eb m\u00eb t\u00eb mir\u00eb Apostol Kapurani, i cili referoi disa pasazhe nga libri \u201cShkalla\u201d i sh\u00ebn Joan Sinaitit, rreth \u201cDashuris\u00eb, shpres\u00ebs dhe besimit\u201d. M\u00eb pas vijoi referati i studentit me rezultatet m\u00eb t\u00eb mira, Mateo Tauzi, i cili fal\u00ebnderoi n\u00eb fjal\u00ebn e tij Fortlumturin\u00eb e Tij Anastasin p\u00ebr mund\u00ebsin\u00eb e studimit, prind\u00ebrit e student\u00ebve p\u00ebr mb\u00ebshtetjen e tyre dhe stafin Akademik p\u00ebr bashk\u00ebpunimin.<\/span><\/p>\n

\n\tAktiviteti u mbyll me fjal\u00ebt dhe bekimet at\u00ebrore t\u00eb Kryepiskopit Anastas, i cili theksoi se ndjenjat e mir\u00ebnjohjes dhe p\u00ebrgjegj\u00ebsis\u00eb, p\u00ebr Kish\u00ebn, vendin, familjet, shoq\u00ebrin\u00eb dhe vetveten duhet t\u00eb mbizot\u00ebrojn\u00eb sot brenda secilit prej nesh, sidomos brenda t\u00eb sapodiplomuarve. Ai uroi p\u00ebr suksese t\u00eb m\u00ebtejshme n\u00eb jet\u00eb dhe n\u00eb studime p\u00ebr nj\u00ebmb\u00ebdhjet\u00eb t\u00eb diplomuarit, si dhe solli edhe nj\u00ebher\u00eb n\u00eb v\u00ebmendjen e tyre, r\u00ebnd\u00ebsin\u00eb q\u00eb kan\u00eb tri deg\u00ebt e reja t\u00eb hapura n\u00eb Kolegjin Universitar \u201cLogos\u201d, p\u00ebr jet\u00ebn akademike t\u00eb Kish\u00ebs, por edhe p\u00ebr student\u00ebt e diplomuar.<\/span><\/p>\n

\n\tM\u00eb pas, n\u00eb nj\u00eb takim t\u00eb ve\u00e7ant\u00eb me student\u00ebt u diskutua p\u00ebr mund\u00ebsit\u00eb e shumta q\u00eb kan\u00eb p\u00ebr t\u00eb vazhduar studimet, si dhe p\u00ebr t\u00eb gjith\u00eb mb\u00ebshtetjen at\u00ebrore q\u00eb Fortlumturia e Tij do t\u00eb ofroj\u00eb n\u00eb k\u00ebt\u00eb drejtim.<\/span><\/p>\n

\n\t <\/p>\n

\n\t\"Diplomimi,<\/a>