{"id":66881,"date":"2024-11-23T17:00:01","date_gmt":"2024-11-23T16:00:01","guid":{"rendered":"https:\/\/orthodoxalbania.org\/2020\/?p=66881"},"modified":"2024-11-23T21:52:34","modified_gmt":"2024-11-23T20:52:34","slug":"fronezimi-i-mitropolitit-te-beratit-vlores-dhe-kanines-hiresi-astit","status":"publish","type":"post","link":"https:\/\/orthodoxalbania.org\/2020\/2024\/11\/23\/fronezimi-i-mitropolitit-te-beratit-vlores-dhe-kanines-hiresi-astit\/","title":{"rendered":"Fron\u00ebzimi I Mitropolitit T\u00eb Beratit, Vlor\u00ebs Dhe Kanin\u00ebs, Hir\u00ebsi Astit"},"content":{"rendered":"

Fron\u00ebzimi I Mitropolitit T\u00eb Beratit, Vlor\u00ebs Dhe Kanin\u00ebs, Hir\u00ebsi Astit<\/strong><\/h4>\n

 <\/p>\n

N\u00eb atmosfer\u00eb lutjeje, hiri e ngaz\u00ebllimi shpirt\u00ebror u krye sot m\u00eb 21.11.2024 fron\u00ebzimi i Mitropolitit t\u00eb Beratit, Vlor\u00ebs dhe Kanin\u00ebs, Hir\u00ebsi Astit, n\u00eb Katedralen e Sh\u00ebn Dhimitrit, n\u00eb Berat.<\/p>\n

Sh\u00ebrbesa e fron\u00ebzimit u kryesua nga Kryepiskopi i Tiran\u00ebs, Durr\u00ebsit dhe Gjith\u00eb Shqip\u00ebris\u00eb, Imzot Anastasi, me pjes\u00ebmarrjen e an\u00ebtar\u00ebve t\u00eb Sinodit t\u00eb Shenjt\u00eb, klerik\u00ebve t\u00eb shumt\u00eb nga t\u00eb gjitha mitropolit\u00eb, p\u00ebrfaq\u00ebsuesve t\u00eb pushtetit lokal, personaliteteve, p\u00ebrfaq\u00ebsuesve t\u00eb komuniteteve fetare lokale dhe qindra besimtar\u00ebve shpres\u00ebtar\u00eb nga i gjith\u00eb vendi.<\/p>\n

Kryepiskopi Anastas, duke e uruar Mitropolitin e ri p\u00ebr detyr\u00ebn e tij baritore, shprehu mir\u00ebnjohjen p\u00ebr p\u00ebrkushtimin e tij p\u00ebr mbi 2 dekada n\u00eb sh\u00ebrbim t\u00eb Kish\u00ebs son\u00eb dhe bindjen se Hir\u00ebsia do t\u00eb vazhdoj\u00eb t\u00eb p\u00ebrdor\u00eb dhuratat e tij t\u00eb shumta, “…q\u00eb vepra e tij baritore t\u00eb jet\u00eb gjithnj\u00eb vep\u00ebr bese, mundi i tij t\u00eb jet\u00eb gjithnj\u00eb mund dashurie dhe shpresa e tij gjithnj\u00eb e lidhur me durimin”.<\/p>\n

M\u00eb tej, edhe Protopresviteri Joan Qako shprehu fal\u00ebnderim dhe mir\u00ebnjohje p\u00ebr Mitropolitin Asti.<\/p>\n

N\u00eb fjal\u00ebn e tij, nd\u00ebr t\u00eb tjera, Hir\u00ebsi Asti u shpreh: “…Do t\u00eb p\u00ebrpiqem me gjith\u00eb shpirtin tim dhe fuqin\u00eb time e do t\u00eb mundohem t\u00eb ofroj gjith\u00e7ka q\u00eb kam dhe gjith\u00e7ka q\u00eb kam m\u00ebsuar, n\u00eb: Rritjen dhe thellimin n\u00eb Krishtin, Miq\u00ebsin\u00eb, Sh\u00ebrbimin dhe D\u00ebshmin\u00eb; objektiva t\u00eb cilat u na u dhan\u00eb qysh her\u00ebt n\u00eb fillim nga Kryepiskopi Anastas dhe u b\u00ebn\u00eb busull p\u00ebr jet\u00ebn ton\u00eb m\u00eb Krishtin.<\/p>\n

T\u00eb gjitha k\u00ebto e shum\u00eb t\u00eb tjera jan\u00eb vulosur n\u00eb nd\u00ebrgjegjen time p\u00ebr t\u00eb jetuar m\u00eb thell\u00eb dashurin\u00eb e Per\u00ebndis\u00eb. Le t\u00eb jet\u00eb dashuria dhe p\u00ebrkushtimi im nj\u00eb p\u00ebrgjigje ndaj himnit \u201cSi do t\u2019ia shp\u00ebrblejm\u00eb Zotit t\u00eb mirat q\u00eb na ka b\u00ebr\u00eb?\u201d. Per\u00ebndia t\u00eb m\u00eb ndri\u00e7oj\u00eb, t\u00eb m\u00eb fuqizoj\u00eb e t\u00eb m\u00eb denj\u00ebsoj\u00eb n\u00eb vazhdim n\u00eb dashurin\u00eb e Tij si edhe n\u00eb k\u00ebt\u00eb p\u00ebrgjegj\u00ebsi baritimi”.<\/p>\n

I urojm\u00eb Mitropolitit Asti hir, dashuri e shenjt\u00ebri n\u00eb krye t\u00eb Mitropolis\u00eb s\u00eb Shenjt\u00eb t\u00eb Beratit. I denj\u00eb!<\/p>\n

Sh\u00ebrbes\u00ebn e plot\u00eb mund ta ndiqni n\u00eb linkun: https:\/\/www.facebook.com\/share\/p\/15PNPymY4n\/<\/a><\/p>\n

\n

Foto Album<\/strong><\/em><\/h4>\n

 <\/p>\n