{"id":62986,"date":"2022-12-25T20:39:39","date_gmt":"2022-12-25T19:39:39","guid":{"rendered":"https:\/\/orthodoxalbania.org\/2020\/?p=62986"},"modified":"2022-12-27T12:48:54","modified_gmt":"2022-12-27T11:48:54","slug":"e-diela-e-lindjes-trupore-te-zotit-jisu-krisht-emanuel-nga-mitropoliti-i-korces-h-joani-25-12-2022-tekst-video","status":"publish","type":"post","link":"https:\/\/orthodoxalbania.org\/2020\/2022\/12\/25\/e-diela-e-lindjes-trupore-te-zotit-jisu-krisht-emanuel-nga-mitropoliti-i-korces-h-joani-25-12-2022-tekst-video\/","title":{"rendered":"E Diela e Lindjes trupore t\u00eb Zotit Jisu Krisht (Emanuel), nga Mitropoliti i Kor\u00e7\u00ebs, H. Joani, 25.12.2022, (Tekst + Video)"},"content":{"rendered":"

E Diela e Lindjes trupore t\u00eb Zotit Jisu Krisht (Emanuel), nga Mitropoliti i Kor\u00e7\u00ebs, H. Joani, 25.12.2022, (Tekst + Video)<\/strong><\/h4>\n

 <\/p>\n

B\u00ebni gati udh\u00ebn e Zotit; b\u00ebni rrug\u00ebt e tij t\u00eb drejta (Math. 3:3).<\/em><\/p>\n

I<\/strong><\/h4>\n

Me k\u00ebto fjal\u00eb t\u00eb profetit Isaia p\u00ebrshkruhet misioni i Sh\u00ebn Joan Pag\u00ebzorit n\u00eb p\u00ebrgatitjen e popullit p\u00ebr ardhjen e Mesias, sepse takimi me Zotin k\u00ebrkon nj\u00eb p\u00ebrgatitje t\u00eb devotshme. Ai e filloi misionin e tij t\u00eb p\u00ebrgatitjes duke e nxitur popullin t\u00eb largohej nga e rrug\u00ebt e shtremb\u00ebra, n\u00ebp\u00ebrmjet pendimit, duke u th\u00ebn\u00eb t\u00eb pasurve t\u00eb ndajn\u00eb pasurin\u00eb e tyre me t\u00eb varf\u00ebrit, pushtetar\u00ebve dhe ushtar\u00ebve t\u00eb mos abuzonin me pushtetin e tyre, taksambledh\u00ebsve t\u00eb ndalonin vjedhjen e njer\u00ebzve dhe kritikoi imoralitetin e familjes mbret\u00ebrore.<\/p>\n

Mesazhi i Sh\u00ebn Joanit p\u00ebr p\u00ebrgatitjen ishte dhe mbetet i r\u00ebnd\u00ebsish\u00ebm n\u00eb \u00e7do koh\u00eb. P\u00ebr t\u00eb pritur ardhjen e Mesias, p\u00ebr t\u00eb b\u00ebr\u00eb gati udh\u00ebn e Zotit dhe rrug\u00ebt e tij t\u00eb drejta, ne na duhet t\u00eb largohemi nga \u00e7do zakon i shtremb\u00ebr, na duhet t\u00eb pastrojm\u00eb zemr\u00ebn nga \u00e7do lig\u00ebsi, urrejtje dhe egoiz\u00ebm dhe ta mbushim at\u00eb me dashuri dhe dhembshuri, p\u00ebr t\u00eb ndihmuar t\u00eb gjith\u00eb njer\u00ebzit n\u00eb nevoj\u00eb, sepse dashuria e v\u00ebrtet\u00eb nuk mund t\u00eb jet\u00eb indiferente ndaj v\u00ebshtir\u00ebsive t\u00eb t\u00eb tjer\u00ebve. Besimi pa vepra \u00ebsht\u00eb i vdekur \u2013 shkruan Sh\u00ebn Jakovi (Jk.2:17). Na duhet t\u00eb jemi t\u00eb p\u00ebrulur dhe t\u00eb largohemi nga \u00e7do arroganc\u00eb dhe krenari q\u00eb mund t\u00eb jap\u00eb pasuria dhe pushteti, sepse Vet\u00eb Zoti erdhi dhe jetoi n\u00eb k\u00ebt\u00eb bot\u00eb si varf\u00ebr dhe i p\u00ebrulur.<\/p>\n

N\u00eb urt\u00ebsin\u00eb e saj, Kisha na p\u00ebrgatit p\u00ebr t\u00eb pritur Lindjen n\u00eb trup t\u00eb Mesias, Krishtit, Per\u00ebndis\u00eb dhe Zotit ton\u00eb, me an\u00eb t\u00eb Kreshm\u00ebs s\u00eb gjat\u00eb para Krishtlindjes. P\u00ebrgatitemi para nj\u00eb feste, sepse pa u p\u00ebrgatitur ne nuk mund ta kuptojm\u00eb dhe nuk mund ta p\u00ebrjetojm\u00eb at\u00eb thell\u00ebsisht. Duhet t\u00eb kujtojm\u00eb gjithmon\u00eb sh\u00ebmb\u00eblltyr\u00ebn e dhjet\u00eb virgj\u00ebreshave: vet\u00ebm ato t\u00eb men\u00e7urat, q\u00eb ishin t\u00eb p\u00ebrgatitura dhe i kishin llambat gati, hyn\u00eb brenda n\u00eb Mbret\u00ebrin\u00eb e Per\u00ebndis\u00eb (Mt.25:6). P\u00ebrgatitja na jep mund\u00ebsin\u00eb t\u00eb meditojm\u00eb dhe t\u00eb p\u00ebrqendrohemi seriozisht p\u00ebr shp\u00ebtimin ton\u00eb dhe na ndihmon, n\u00ebp\u00ebrmjet p\u00ebrpjekjeve shpirt\u00ebrore, p\u00ebr t\u00eb hapur mendjet dhe zemrat ton\u00eb n\u00eb t\u00eb v\u00ebrtet\u00ebn themelore se p\u00ebrse ne kemi nevoj\u00eb p\u00ebr Per\u00ebndin\u00eb e mish\u00ebruar, i cili bashkon n\u00eb Veten e tij Hyjnin\u00eb dhe njeriun.<\/p>\n

II<\/strong><\/h4>\n

Lindja e Krishtit, kjo fest\u00eb e madhe, nuk ka t\u00eb b\u00ebj\u00eb me lindjen e nj\u00eb m\u00ebsuesi ose ligjdh\u00ebn\u00ebsi, por n\u00eb lindjen n\u00eb trup t\u00eb Zotit dhe Shp\u00ebtimtarit ton\u00eb Jisu Krisht. Ky Zot i natyrave – na m\u00ebson Sh\u00ebn Efrem Siriani – sot u transformua n\u00eb kund\u00ebrshtim me natyr\u00ebn e Tij; nuk \u00ebsht\u00eb shum\u00eb e v\u00ebshtir\u00eb p\u00ebr ne q\u00eb t\u00eb p\u00ebrmbysim edhe vullnetin ton\u00eb t\u00eb mbrapsht\u00eb. N\u00ebp\u00ebrmjet mish\u00ebrimit t\u00eb Tij, duke marr\u00eb natyr\u00ebn ton\u00eb dhe duke u b\u00ebr\u00eb njeri, Zoti hyri n\u00eb thelbin e ekzistenc\u00ebs s\u00eb njeriut, duke e ndri\u00e7uar dhe duke e restauruar natyr\u00ebn ton\u00eb t\u00eb r\u00ebn\u00eb dhe t\u00eb err\u00ebsuar. Prandaj, kjo ngjarje i prek t\u00eb gjith\u00eb njer\u00ebzit, pa p\u00ebrjashtim, kushdo qofshin ata, sepse ajo p\u00ebrfshin \u00e7do qenie njer\u00ebzore. Mish\u00ebrimi i Per\u00ebndi-Njeriut e b\u00ebri t\u00eb mundur p\u00ebrmbushjen e v\u00ebrtet\u00eb t\u00eb ekzistenc\u00ebs son\u00eb, n\u00ebp\u00ebrmjet besimit dhe rritjes n\u00eb shenjt\u00ebri, duke transmetuar n\u00eb jet\u00ebn ton\u00eb pranin\u00eb sh\u00ebruese t\u00eb hirit t\u00eb Tij, i cili na jep fuqin\u00eb p\u00ebr t\u00eb ndryshuar dhe p\u00ebr t\u00eb kaluar nga err\u00ebsira n\u00eb drit\u00eb.<\/p>\n

Krishtlindja \u00ebsht\u00eb dhurata m\u00eb e mrekullueshme q\u00eb Per\u00ebndia At\u00eb i ka b\u00ebr\u00eb njer\u00ebzve. Por, si \u00e7do dhurat\u00eb, p\u00ebr ta pasur dhe g\u00ebzuar at\u00eb, duhet m\u00eb par\u00eb ta pranojm\u00eb. Prandaj Krishtlindja mbetet gjithmon\u00eb nj\u00eb thirrje dhe nj\u00eb ftes\u00eb p\u00ebr t\u00eb pranuar Krishtin n\u00eb zemrat tona dhe n\u00eb jet\u00ebn ton\u00eb. Ajo q\u00eb k\u00ebrkohet nga ne \u00ebsht\u00eb p\u00ebrgjigjja pozitive ndaj thirrjes, sepse nuk do t\u00eb mundemi dot ta presim Zotin n\u00eb Krishtlindje, n\u00ebse nuk i p\u00ebrgjigjemi ftes\u00ebs s\u00eb Tij. Vet\u00eb Zoti \u00ebsht\u00eb i vet\u00ebmjaftuesh\u00ebm, por Ai e d\u00ebshiron shp\u00ebtimin ton\u00eb dhe na th\u00ebrret dhe na fton vazhdimisht, sepse Ai na do, na ndihmon dhe kujdeset p\u00ebr ne, jo sepse ne e meritojm\u00eb, por sepse Ai \u00ebsht\u00eb zem\u00ebrdhembshur dhe i m\u00ebshirsh\u00ebm. Misteri i Mish\u00ebrimit \u00ebsht\u00eb nj\u00eb mister i dashuris\u00eb hyjnore, t\u00eb identifikimit hyjnor me njeriun e humbur.<\/p>\n

T\u00eb dashur v\u00ebllez\u00ebr dhe motra. N\u00eb k\u00ebt\u00eb dit\u00eb t\u00eb shenjt\u00eb dhe t\u00eb g\u00ebzuar t\u00eb Lindjes trup\u00ebrisht t\u00eb Zotit, le ta fal\u00ebnderojm\u00eb Per\u00ebndin\u00eb p\u00ebr k\u00ebt\u00eb dhurat\u00eb dhe le ti p\u00ebrgjigjemi ftes\u00ebs bujare t\u00eb Tij me mir\u00ebnjohje dhe me p\u00ebrul\u00ebsi, duke b\u00ebr\u00eb gati udh\u00ebn e Zotit dhe t\u00eb drejta rrug\u00ebt e Tij, sepse vet\u00ebm n\u00eb k\u00ebt\u00eb m\u00ebnyr\u00eb Ai do t\u00eb jet\u00eb i pranish\u00ebm n\u00eb jet\u00ebn ton\u00eb dhe prania e Tij do ta ndri\u00e7oj\u00eb at\u00eb, duke i dh\u00ebn\u00eb asaj paqe, shpres\u00eb dhe g\u00ebzim.<\/p>\n

G\u00ebzuar Krishtlindjet dhe p\u00ebr shum\u00eb vjet!<\/em>
\nMitropoliti i Kor\u00e7\u00ebs, Pogradecit,<\/em>
\nKolonj\u00ebs, Devollit dhe Voskopoj\u00ebs<\/em>
\n+Joani<\/em><\/p>\n

\n