{"id":62619,"date":"2022-11-20T20:06:50","date_gmt":"2022-11-20T19:06:50","guid":{"rendered":"https:\/\/orthodoxalbania.org\/2020\/?p=62619"},"modified":"2022-11-27T22:43:59","modified_gmt":"2022-11-27T21:43:59","slug":"e-diela-ix-e-llukait-i-pasuri-i-pamend-mitropoliti-i-apollonise-fierit-h-nikolla-20-11-2022-tekst-video","status":"publish","type":"post","link":"https:\/\/orthodoxalbania.org\/2020\/2022\/11\/20\/e-diela-ix-e-llukait-i-pasuri-i-pamend-mitropoliti-i-apollonise-fierit-h-nikolla-20-11-2022-tekst-video\/","title":{"rendered":"E Diela IX e Llukait, I Pasuri i pamend, Mitropoliti i Apollonis\u00eb & Fierit, H. Nikolla, 20.11.2022 (Tekst – Video)"},"content":{"rendered":"

<\/h4>\n

E Diela IX e Llukait, I Pasuri i pamend, Mitropoliti i Apollonis\u00eb & Fierit, H. Nikolla, 20.11.2022 (Tekst – Video)<\/strong><\/h4>\n

 <\/p>\n

 <\/p>\n

 <\/p>\n

Egoizmi, nj\u00eb nga rr\u00ebnj\u00ebt e s\u00ebmundjes s\u00eb shoq\u00ebris\u00eb son\u00eb!<\/p>\n

Keni d\u00ebgjuar, t\u00eb dashur besimtar\u00eb n\u00eb vendin ton\u00eb n\u00eb k\u00ebt\u00eb periudh\u00eb t\u00eb flitet me seriozitet, me z\u00eb t\u00eb fuqish\u00ebm, p\u00ebr nj\u00eb nga problemet q\u00eb shqet\u00ebsojn\u00eb shum\u00eb shoq\u00ebrin\u00eb ton\u00eb dhe vendin ton\u00eb. Problemi i largimit masiv t\u00eb shqiptar\u00ebve jasht\u00eb vendit. Dhe m\u00eb tragjike se kjo, q\u00eb ka ndodhur \u00ebsht\u00eb d\u00ebshira e madhe akoma e shum\u00eb njer\u00ebzve q\u00eb t\u00eb l\u00ebn\u00eb vendin ton\u00eb. Nj\u00eb nga arsyet kryesore q\u00eb thuhet p\u00ebr k\u00ebt\u00eb largim i\u2019a dedikojn\u00eb varf\u00ebris\u00eb. Po a \u00ebsht\u00eb v\u00ebrtet\u00eb rr\u00ebnja kryesore varf\u00ebria?<\/p>\n

Fatmir\u00ebsisht ne n\u00eb Shqip\u00ebri jetojm\u00eb n\u00eb nj\u00eb vend t\u00eb bekuar, Shqip\u00ebria nuk \u00ebsht\u00eb vend i varf\u00ebr, \u00ebsht\u00eb aq e bekuar nga Per\u00ebndia, me nj\u00eb klim\u00eb mesdhetare q\u00eb dim\u00eb q\u00eb \u00ebsht\u00eb nj\u00eb nga klimat m\u00eb t\u00eb mira n\u00eb bot\u00eb. Gjat\u00eb periudh\u00ebs s\u00eb vitit kemi shum\u00eb dit\u00eb me diell, kemi uj\u00ebra t\u00eb shumt\u00eb, lumenj q\u00eb p\u00ebrshkrojn\u00eb vendin ton\u00eb. Vendi \u00ebsht\u00eb i pasur me minerale t\u00eb shumta, kemi bregdete q\u00eb p\u00ebrshkrojn\u00eb gjith\u00eb vendin, gjith\u00eb pjes\u00ebn per\u00ebndimore, kemi kodra dhe fusha, gjith\u00e7ka ka ky vend. Ky vend nuk \u00ebsht\u00eb i varf\u00ebr, q\u00eb mund t\u00eb themi q\u00eb jetojm\u00eb brenda nj\u00eb vendi t\u00eb varf\u00ebr, prandaj ne duam t\u00eb l\u00ebm\u00eb k\u00ebt\u00eb vend.<\/p>\n

Shkaku ose rr\u00ebnja kryesore, ndoshta mund t\u00eb p\u00ebrmendim sot, na jepet ajo historia q\u00eb d\u00ebgjuam n\u00eb pjes\u00ebn e ungjillit. Tregohet historia nga vet\u00eb goja e Shp\u00ebtimtarit dhe Ai thot\u00eb: \u201cTokat e nj\u00eb t\u00eb pasuri dhan\u00eb shum\u00eb prodhim at\u00eb vit\u201d. Deri k\u00ebtu gjith\u00e7ka \u00ebsht\u00eb mir\u00eb, \u00ebsht\u00eb bekim q\u00eb d\u00ebgjojm\u00eb q\u00eb tokat t\u00eb japin prodhime t\u00eb shumta. Por, m\u00eb pas d\u00ebgjojm\u00eb q\u00eb t\u00eb thuhet: \u201cKy pasanik po mendonte tani hambar\u00ebt i kam t\u00eb vegj\u00ebl, prodhimet i kam t\u00eb shumta, duhet ti prish k\u00ebta hambar\u00eb\u201d. Dhe fillon dal\u00ebngadal\u00eb t\u00eb shfaqet s\u00ebmundja e tij. Do t\u00eb prish k\u00ebto hambar\u00eb thot\u00eb sepse nuk kam ku t\u00eb v\u00eb frytet e mia. Sapo d\u00ebgjojm\u00eb; \u201cfrytet e mia\u201d, fillojm\u00eb t\u00eb kuptojm\u00eb q\u00eb di\u00e7ka nuk shkon, por m\u00eb pas ai vazhdon dhe zbulon s\u00ebmundjen e tij.<\/p>\n

Dhe k\u00ebt\u00eb do t\u00eb b\u00ebj\u00eb thot\u00eb: \u201cdo t\u00eb prish hambar\u00ebt e mi\u201d. D\u00ebgjojm\u00eb prap\u00eb hambar\u00ebt e mi, do t\u00eb nd\u00ebrtoj hambar\u00eb m\u00eb t\u00eb m\u00ebdhenj dhe do t\u00eb mbledh t\u00eb gjith\u00eb pasurin\u00eb time dhe gjith\u00eb t\u00eb mirat e mia dhe do t\u2019i them shpirtit tim ke shum\u00eb t\u00eb mira: pusho, ha, pi dhe g\u00ebzohu. Na zbulon n\u00eb k\u00ebto fjal\u00eb gjith\u00eb s\u00ebmundjen e tij. Kush ishte s\u00ebmundja e tij?\u200b Q\u00eb gjith\u00e7ka i\u2019a konsideronte vetes s\u00eb tij. S\u00ebmundja e tij ishte egoizmi, egoja e tij. Me t\u00eb v\u00ebrtet\u00eb ky person ishte i vet\u00ebm? Me t\u00eb v\u00ebrtet\u00eb nuk ishte martuar, nuk kishte grua? N\u00ebse nuk ishte martuar nuk kishte asnj\u00eb t\u00eb af\u00ebrm? Nuk kishte asnj\u00eb v\u00eblla ose mot\u00ebr? Nuk kishte prind\u00ebr, kushurinj, nuk kishte asnj\u00eb njeri n\u00eb fisin e tij? Nuk na p\u00ebrmend asnj\u00eb person tjet\u00ebr, e vetmja gj\u00eb q\u00eb mendon \u00ebsht\u00eb vetja e tij. Edhe m\u00eb pas tregohet se \u00e7far\u00eb ndodh me t\u00eb. Zoti thot\u00eb: \u201cSot do t\u00eb vij, t\u00eb marr\u00eb shpirtin t\u00ebnd, dhe ato q\u00eb ti mblodhe kujt do t\u2019ja l\u00ebsh\u201d? Na zbulon ky pasanik s\u00ebmundjen e egoizmit, t\u00eb p\u00ebrq\u00ebndrimit tek vetja jon\u00eb dhe k\u00ebtu \u00ebsht\u00eb rr\u00ebnja, ose nj\u00eb nga rr\u00ebnj\u00ebt e s\u00ebmundjes s\u00eb shoq\u00ebris\u00eb son\u00eb.<\/p>\n

Mendojm\u00eb vet\u00ebm p\u00ebr veten ton\u00eb, nuk mendojm\u00eb m\u00eb gjer\u00eb, nuk mendojm\u00eb p\u00ebr familjen ton\u00eb, p\u00ebr fare fisin ton\u00eb, p\u00ebr komunitetin ton\u00eb, p\u00ebr qytetin ton\u00eb, p\u00ebr atdheun ton\u00eb. Duke menduar vet\u00ebm p\u00ebr veten ton\u00eb si t\u00eb pasurojm\u00eb dhe si t\u00eb shtojm\u00eb pasurit\u00eb tona. B\u00ebjm\u00eb gjith\u00e7ka, ashtu si kan\u00eb b\u00ebr\u00eb me vite n\u00eb k\u00ebt\u00eb vend dhe kur themi, nuk i themi vet\u00ebm p\u00ebr kushtetar\u00ebt dhe qeveritar\u00ebt, por edhe p\u00ebr shum\u00eb njer\u00ebz n\u00eb fusha t\u00eb ndryshme t\u00eb vendit ton\u00eb. Gjithmon\u00eb kan\u00eb menduar vet\u00ebm p\u00ebr veten e tyre, si t\u00eb pasurohemi, si t\u00eb shtojm\u00eb sa m\u00eb tep\u00ebr fitimin dhe jo t\u00eb mendojn\u00eb p\u00ebr vendin e tyre. N\u00eb kaq vite, ky vend kaq i bekuar do t\u00eb ishte krejt ndryshe. Jo q\u00eb t\u00eb d\u00ebshironim t\u00eb largoheshim nga ky vend, por q\u00eb njer\u00ebz t\u00eb tjer\u00eb t\u00eb d\u00ebshironin t\u00eb jetonin n\u00eb k\u00ebt\u00eb vend.<\/p>\n

Por, s\u00ebmundja e egoizmit q\u00eb \u00ebsht\u00eb e p\u00ebrhapur n\u00eb shum\u00eb fusha, nuk e shikojm\u00eb vet\u00ebm tek qeveritar\u00ebt, politikan\u00ebt, e shikojm\u00eb edhe tek mjek\u00ebt, e shikojm\u00eb edhe tek m\u00ebsuesit, tek gjyqtar\u00ebt, kudo e shikojm\u00eb k\u00ebt\u00eb s\u00ebmundje. Ngadal\u00eb, ngadal\u00eb kjo s\u00ebmundje do t\u00eb futet edhe brenda nesh, brenda komunitetit ton\u00eb. N\u00ebse, secili prej nesh mendon k\u00ebshtu, mendon vet\u00ebm p\u00ebr veten e tij, mendon vet\u00ebm p\u00ebr familjen e tij, ne\u00ebs mendon vet\u00ebm p\u00ebr komunitetin e tij, n\u00ebse mendon vet\u00ebm p\u00ebr vendin e tij, Zoti do t\u00eb na thoshte:\u201d Jeni njer\u00ebz t\u00eb pamend\u201d. Ashtu si u quajt pasaniku atje, njeri i pamend. Edhe kjo pamend\u00ebsi, edhe ky egoiz\u00ebm \u00ebsht\u00eb shkat\u00ebrrues.<\/p>\n

K\u00ebshtu po shkat\u00ebrrojm\u00eb shoq\u00ebrin\u00eb ton\u00eb, k\u00ebshtu do t\u00eb shkat\u00ebrrojm\u00eb veten ton\u00eb, k\u00ebshtu do t\u00eb shkat\u00ebrrojm\u00eb familjen ton\u00eb, k\u00ebshtu do t\u00eb shkat\u00ebrrojm\u00eb komunitetin ton\u00eb, n\u00ebse mendojm\u00eb vet\u00ebm p\u00ebr veten ton\u00eb. Zoti na tregon dhe na ka m\u00ebsuar dhe na m\u00ebson vazhdimisht, t\u00eb dalim nga egoja jon\u00eb, t\u00eb dalim nga egoizmi jon\u00eb, t\u00eb shikojm\u00eb tjetrin si v\u00ebllain dhe motr\u00ebn ton\u00eb, akoma t\u00eb duam armiqt\u00eb tan\u00eb na thot\u00eb Zoti. Edhe n\u00eb ungjillin e gjykimit Zoti na thot\u00eb:\u201d Do t\u2019ju gjykoj\u00eb ju nga m\u00ebnyra se si do t\u00eb silleni ju me t\u00eb tjer\u00ebt, sidomos ndaj atyre q\u00eb jan\u00eb n\u00eb nevoj\u00eb, nga kjo do t\u2019ju gjykoj un\u00eb juve\u201d.<\/p>\n

K\u00ebto fjal\u00eb, t\u00eb dashur besimtar\u00eb, le t\u00eb na b\u00ebjn\u00eb q\u00eb t\u00eb nd\u00ebrgjegj\u00ebsojm\u00eb veten ton\u00eb, duke filluar nga vetja jon\u00eb dhe familja jon\u00eb dhe nga komuniteti yn\u00eb. Le t\u00eb shkulim k\u00ebt\u00eb rr\u00ebnj\u00eb t\u00eb egoizmit q\u00eb dal\u00ebngadal\u00eb \u00ebsht\u00eb futur pak a shum\u00eb n\u00eb shpirtin ton\u00eb. Le ta dedikojm\u00eb veten ton\u00eb n\u00eb sh\u00ebrbim t\u00eb familjes, n\u00eb sh\u00ebrbim t\u00eb komunitetit, n\u00eb sh\u00ebrbim t\u00eb atdheut. Dhe n\u00ebse do b\u00ebjm\u00eb di\u00e7ka t\u00eb till\u00eb, patjet\u00ebr Zoti do t\u00eb bekoj p\u00ebrpjekjen ton\u00eb dhe Zoti do t\u00eb bekoj komunitetit ton\u00eb, do t\u00eb bekoj atdheun ton\u00eb. Amin!<\/p>\n

\n

\n

 <\/p>\n

\n

 <\/p>\n