![\"\"](\"https:\/\/orthodoxalbania.org\/2020\/wp-content\/uploads\/2020\/04\/Logo_e_Kish\u00ebs_Orthodhokse_Autoqefale_t\u00eb_Shqip\u00ebris\u00eb02.svg\"){kind=logo}
KISHA ORTHODHOKSE AUTOQEFALE E SHQIP\u00cbRIS\u00cb<\/p>\n
Deklarat\u00eb p\u00ebr shtyp.<\/strong><\/p>\n \u00a0<\/strong><\/p>\n N\u00eb fund t\u00eb Liturgjis\u00eb Hyjnore panegjirike dhe sinodike, t\u00eb kryer n\u00eb kish\u00ebn katedrale \u201cNgjallja e Krishtit\u201d, t\u00eb mart\u00ebn, m\u00eb 2 gusht 2022, me rastin e 30-vjetorit t\u00eb fron\u00ebzimit t\u00eb Kryepiskopit t\u00eb Tiran\u00ebs, Durr\u00ebsit dhe gjith\u00eb Shqip\u00ebris\u00eb, Fortlumturis\u00eb s\u00eb tij Anastas, duke iu referuar p\u00ebrmasave mahnit\u00ebse dhe r\u00ebnd\u00ebsis\u00eb s\u00eb vepr\u00ebs s\u00eb Kryepiskopit, Mitropoliti i Kor\u00e7\u00ebs, hir\u00ebsi Joani, nd\u00ebr t\u00eb tjera theksoi: \u201cKontributi juaj m\u00eb i mir\u00eb \u00ebsht\u00eb baza shpirt\u00ebrore, mbi t\u00eb cil\u00ebn u mb\u00ebshtet\u00ebn t\u00eb gjitha p\u00ebrpjekjet tuaja: mesazhi i Ungjillit q\u00eb ju p\u00ebrcoll\u00ebt, shpresa, falja, respekti ndaj \u00e7do personi njer\u00ebzor\u201d.<\/p>\n Si\u00e7 dihet, nga viti 1944 deri n\u00eb vitin 1967, Kisha Orthodhokse Autoqefale e Shqip\u00ebris\u00eb u p\u00ebrball me persekutimin ateist n\u00eb form\u00ebn e tij klasike, si n\u00eb vendet e tjera. Nga viti 1967 deri n\u00eb vitin 1990, vendi p\u00ebrjetoi persekutimin total q\u00eb ndaloi me kushtetut\u00eb \u00e7do shprehje fetare dhe shp\u00ebrb\u00ebri Kish\u00ebn vendore. N\u00eb korrik t\u00eb vitit 1991, mb\u00ebrriti n\u00eb Shqip\u00ebri, si Ekzark Patriarkal i Patriarkan\u00ebs Ekumenike, Episkopi i at\u00ebhersh\u00ebm, m\u00eb von\u00eb Mitropoliti i Andrus\u00ebs, Anastasi, Profesor i Universitetit t\u00eb Athin\u00ebs. M\u00eb 24 qershor 1992, me k\u00ebrkes\u00eb t\u00eb Orthodhoks\u00ebve t\u00eb Shqip\u00ebris\u00eb, u zgjodh nga Patriarkana Ekumenike Kryepiskop i Tiran\u00ebs, Durr\u00ebsit dhe i gjith\u00eb Shqip\u00ebris\u00eb dhe u fron\u00ebzua m\u00eb 2 gusht 1992. N\u00eb tre dekadat q\u00eb pasuan, Kisha Orthodhokse Autoqefale e Shqip\u00ebris\u00eb u ringrit t\u00ebr\u00ebsisht dhe u zhvillua n\u00eb t\u00eb gjitha fushat.<\/p>\n Kryepiskopi Anastas, pasi i d\u00ebrgoi lavdi dhe fal\u00ebnderime Per\u00ebndis\u00eb p\u00ebr rrug\u00ebtimin 30-vje\u00e7ar me bashk\u00ebpun\u00ebtor\u00ebt e tij t\u00eb vyer, mes v\u00ebshtir\u00ebsive, pik\u00ebllimeve, gjendjeve parrug\u00ebdalje e dhimbjeve t\u00eb ndryshme, por edhe bekimeve t\u00eb panum\u00ebrta t\u00eb Zotit, kujtoi se: \u201cKleri dhe populli i Kish\u00ebs s\u00eb Shqip\u00ebris\u00eb kujtojn\u00eb me mir\u00ebnjohje nism\u00ebn e Patriarkan\u00ebs Ekumenike dhe kthjellt\u00ebsin\u00eb e komisionit p\u00ebrgjegj\u00ebs p\u00ebr ringritjen e Kish\u00ebs son\u00eb vendore dhe me respekt t\u00eb pashtirur dhe dashuri t\u00eb sinqert\u00eb luten p\u00ebr T\u00ebr\u00ebshenjt\u00ebrin\u00eb e Tij t\u00eb Hirshme, Patriarkun Ekumenik, z. Vartholome\u201d.<\/p>\n Pas atmosfer\u00ebs dhoksologjike t\u00eb Liturgjis\u00eb Hyjnore, ku mor\u00ebn pjes\u00eb an\u00ebtar\u00ebt e Sinodit t\u00eb Shenjt\u00eb, klerik\u00eb nga t\u00eb gjitha Mitropolit\u00eb e Shenjta, dy koret e kish\u00ebs katedrale dhe nj\u00eb num\u00ebr i madh besimtar\u00ebsh, pavar\u00ebsisht se ishte dit\u00eb pune, n\u00eb Qendr\u00ebn moderne Kulturore \u2013 pjes\u00eb e kompleksit t\u00eb kish\u00ebs katedrale dhe Qendr\u00ebs Sinodike \u2013 vijoi punimet Asambleja e P\u00ebrgjithshme Kleriko-laike. Si\u00e7 parashikohet nga Statuti i Kish\u00ebs s\u00eb Shqip\u00ebris\u00eb, n\u00eb Asamble marrin pjes\u00eb: \u201can\u00ebtar\u00ebt e Sinodit t\u00eb Shenjt\u00eb, an\u00ebtar\u00ebt e K\u00ebshillit Kleriko-laik, dy p\u00ebrfaq\u00ebsues nga \u00e7do manastir i shenjt\u00eb dhe nj\u00ebzet klerik\u00eb dhe nj\u00ebzet e kat\u00ebr laik\u00eb, me p\u00ebrfaq\u00ebsim t\u00eb p\u00ebrshtatsh\u00ebm, burra, gra dhe t\u00eb rinj, nga Kryepiskopata dhe Mitropolit\u00eb\u201d.<\/p>\n Gjat\u00eb zhvillimit t\u00eb punimeve, nga klerik\u00ebt p\u00ebrgjegj\u00ebs apo laik\u00ebt e \u00e7do sektori u pasqyruar p\u00ebrmbledhtas vepra e shumanshme kishtare q\u00eb \u00ebsht\u00eb kryer.<\/p>\n N\u00eb mbarim t\u00eb punimeve t\u00eb Asambles\u00eb Kleriko-laike, Fortlumturia e Tij, Kryepiskopi Anastas, n\u00ebnvizoi lutjen e Apostull Pavlit, si busull p\u00ebr vazhdimin e rrug\u00ebs s\u00eb Kish\u00ebs: \u201cecni si\u00e7 \u00ebsht\u00eb e denj\u00eb p\u00ebr Zotin, p\u00ebr t\u2019i p\u00eblqyer Atij n\u00eb t\u00eb gjitha, duke sjell\u00eb fryte n\u00eb \u00e7do pun\u00eb t\u00eb mir\u00eb, dhe duke u rritur n\u00eb njohjen e Per\u00ebndis\u00eb\u201d. (Kol. 1:10)<\/p>\n Tiran\u00eb, 2 gusht 2022<\/p>\n Nga Zyra e Shtypit e Kryepiskopat\u00ebs.<\/p>\n<\/div>***<\/strong><\/h4>\n