{"id":61119,"date":"2022-08-02T21:00:35","date_gmt":"2022-08-02T19:00:35","guid":{"rendered":"https:\/\/orthodoxalbania.org\/2020\/?p=61119"},"modified":"2022-08-03T13:21:35","modified_gmt":"2022-08-03T11:21:35","slug":"u-zhvillua-asambleja-kleriko-laike-e-kishes-orthodhokse-autoqefale-te-shqiperise-3","status":"publish","type":"post","link":"https:\/\/orthodoxalbania.org\/2020\/2022\/08\/02\/u-zhvillua-asambleja-kleriko-laike-e-kishes-orthodhokse-autoqefale-te-shqiperise-3\/","title":{"rendered":"U zhvillua Asambleja Kleriko-Laike e Kish\u00ebs Orthodhokse Autoqefale t\u00eb Shqip\u00ebris\u00eb."},"content":{"rendered":"

<\/h4>\n

U zhvillua Asambleja Kleriko-Laike e Kish\u00ebs Orthodhokse Autoqefale t\u00eb Shqip\u00ebris\u00eb.<\/strong><\/h4>\n

 <\/p>\n

“T\u00eb ecim si\u00e7 \u00ebsht\u00eb e denj\u00eb p\u00ebr ti p\u00eblqyer Atij n\u00eb t\u00eb gjitha” ishte mesazhi qendror i Asambles\u00eb Kleriko-laike t\u00eb Kish\u00ebs Orthodhokse Autoqefale t\u00eb Shqip\u00ebris\u00eb, q\u00eb u zhvillua sot, 2 gusht 2022, n\u00eb kuad\u00ebr t\u00eb 30 vjetorit te fron\u00ebzimit t\u00eb Fortlumturis\u00eb s\u00eb Tij Imzot Anastasit si Kryepiskop i Tiran\u00ebs, Durr\u00ebsit dhe i Gjith\u00eb Shqip\u00ebris\u00eb.<\/p>\n

Data 2 gusht 1992 sh\u00ebnon fillimin e ringritjes s\u00eb Kish\u00ebs Orthodhokse n\u00eb Shqip\u00ebri, pas viteve t\u00eb ashpra t\u00eb regjimit t\u00eb eg\u00ebr.<\/p>\n

P\u00ebrgjat\u00eb k\u00ebtyre 30 viteve vepra nd\u00ebrtuese, shpirt\u00ebrore dhe sociale e Kish\u00ebs son\u00eb ka arritur p\u00ebrmasa t\u00eb paimagjinueshme: mbi 160 kisha dhe katedrale t\u00eb nd\u00ebrtuara, 68 kisha e manastire-monumente kulture t\u00eb restauruara, mbi 170 Kisha t\u00eb rregulluara si edhe krijimin e Sinodit t\u00eb Shenjt\u00eb.<\/p>\n

P\u00ebrpara 31 vitesh, n\u00eb dt. 1-2 gusht 1991, dy jav\u00eb pasi Ekzarku Patriarkal erdhi n\u00eb Shqip\u00ebri, u b\u00eb konferenca Kleriko-Laike ku merrnin pjes\u00eb 15 klerik\u00eb t\u00eb aft\u00eb p\u00ebr t\u00eb kryer misionin dhe 30 laik\u00eb p\u00ebrfaq\u00ebsues t\u00eb 4 Mitropolive t\u00eb Shqip\u00ebris\u00eb. U zgjodh nj\u00eb k\u00ebshill kishtar prej 4 klerik\u00ebsh edhe 4 laik\u00ebsh. P\u00ebr t’iu p\u00ebrligjur ekzistenca e kish\u00ebs duhej edhe episkopi, prandaj konferenca e dt. 2 gusht 1991 vendosi nj\u00ebz\u00ebri q\u00eb kryetari i k\u00ebshillit t\u00eb p\u00ebrgjith kishtar t\u00eb Kish\u00ebs Orthodhokse Autoqefale t\u00eb Shqip\u00ebris\u00eb (e domosdoshme t\u00eb jet\u00eb Episkop), t\u00eb ishte Ekzarku Patriarkal, Imzot Anastasi.<\/p>\n

Sot, 31 vjet pas Asambles\u00eb s\u00eb par\u00eb dhe n\u00eb 30 vjetorin e Fron\u00ebzimit t\u00eb Fortlumturis\u00eb s\u00eb Tij, Anastasit, situata \u00ebsht\u00eb krejt ndryshe. Tashm\u00eb n\u00eb tryez\u00ebn drejtuese t\u00eb Asambles\u00eb ishin An\u00ebtar\u00eb t\u00eb Sinodit t\u00eb Shenjt\u00eb t\u00eb Kish\u00ebs: Hir\u00ebsi Joani i Kor\u00e7\u00ebs, Hir\u00ebsi Dhimitri i Gjirokastr\u00ebs, Hir\u00ebsi Nikolla i Apollonis\u00eb dhe Fierit, Hir\u00ebsi Andoni i Elbasanit dhe Hir\u00ebsi Nathanaili i Amantias. Kujtojm\u00eb se q\u00eb nga viti 1992 deri n\u00eb vitin 1998, Kryepiskopi ishte i detyruar t\u00eb vepronte i vet\u00ebm n\u00eb Shqip\u00ebri si Hierark. Sot Sinodi i Shenjt\u00eb p\u00ebrb\u00ebhet nga 8 An\u00ebtar\u00eb.<\/p>\n

\u201cT\u00eb kujtojm\u00eb, – tha Kryepiskopi n\u00eb fjal\u00ebn e tij hyr\u00ebse, – nga dhuratat q\u00eb na ka dh\u00ebn\u00eb Perendia n\u00eb k\u00ebta 30 vjet… Shoh tani, k\u00ebtu disa persona q\u00eb dikur ishin t\u00eb rinj dhe sot jan\u00eb punonj\u00ebs dhe pjes\u00eb e intelektual\u00ebve t\u00eb vendit dhe an\u00ebtar\u00eb t\u00eb Kish\u00ebs q\u00eb emetojn\u00eb nj\u00eb jet\u00eb me virtyte t\u00eb larta\u201d.<\/p>\n

E \u00e7eli Asamblen\u00eb Hir\u00ebsia e Tij Andoni i Elbasanit me tem\u00ebn “Krijimi i kuadrove kishtare (klerik\u00eb, katekist\u00eb, psalt\u00eb)”, ku solli n\u00eb retrospektiv\u00eb nj\u00eb pjes\u00eb t\u00eb pun\u00ebs dhe arritjeve t\u00eb Kish\u00ebs q\u00eb n\u00eb fillimet e ringritjes s\u00eb saj. Hir\u00ebsi Andoni u p\u00ebrq\u00ebndrua tek ngritja e seminarit Teologjik dhe zhvillimin e tij deri n\u00eb dit\u00ebt e sotme si pjes\u00eb e Kolegjit Universitar “LOGOS”. Foli gjithashtu edhe p\u00ebr t\u00eb gjitha shkollat q\u00eb jan\u00eb ngritur n\u00eb k\u00ebto 30 vjet p\u00ebr arsimimin e katekist\u00ebve dhe psalt\u00ebve.<\/p>\n

M\u00eb pas, p\u00ebrgjegj\u00ebsi i Zyr\u00ebs s\u00eb katekizmit, z. Miron \u00c7ako b\u00ebri nj\u00eb p\u00ebrmbledhje t\u00eb vepr\u00ebs katekitike n\u00eb Kryepiskopat\u00ebn e Tiran\u00ebs dhe Mitropolit\u00eb p\u00ebrgjat\u00eb k\u00ebtyre viteve.<\/p>\n

“Kontributi i Kish\u00ebs son\u00eb Orthodhokse n\u00eb vepr\u00ebn nd\u00ebrtuese, restauruese dhe kulturore” ishte tema q\u00eb referoi n\u00eb vazhdim z. Andrea R\u00ebmbeci.<\/p>\n

At\u00eb Nikolla Kodheli, klerik i Kryepiskopat\u00ebs, foli p\u00ebr vepr\u00ebn sociale t\u00eb Kish\u00ebs, e cila p\u00ebrfshin ndihm\u00eb konkrete tek njer\u00ebzit n\u00eb nevoj\u00eb.<\/p>\n

Edhe p\u00ebrgjegj\u00ebsja e Fondacionit “Diakonia Agapes”, z.Nina Gramo, solli n\u00eb v\u00ebmendje vepr\u00ebn e madhe filantropike t\u00eb Kish\u00ebs e cila kap vler\u00ebn e miliona dollar\u00ebve p\u00ebr t\u2019u dh\u00ebn\u00eb mund\u00ebsi grupeve t\u00eb ndryshme t\u00eb rregullojn\u00eb m\u00ebnyr\u00ebn e tyre t\u00eb jetes\u00ebs p\u00ebrmes granteve, kredive, pajisjeve t\u00eb domisdoshme p\u00ebr ngritjen e bizneseve t\u00eb vogla p\u00ebr t\u00eb nd\u00ebrtuar jetes\u00ebn n\u00eb k\u00ebt\u00eb vend p\u00ebr t’i v\u00ebn\u00eb fre largimit t\u00eb njer\u00ebzve.<\/p>\n

Hir\u00ebsi Dhimitri i Gjirokastr\u00ebs foli p\u00ebr kontributin e kish\u00ebs son\u00eb n\u00eb arsim, jo vet\u00ebm at\u00eb kishtar. Q\u00ebllimi i pun\u00ebs n\u00eb fush\u00ebn e arsimit, sipas tij, u p\u00ebrqendrua n\u00eb 2 pika: p\u00ebrhapja e Fjal\u00ebs s\u00eb Per\u00ebndis\u00eb dhe arsimimi n\u00eb t\u00ebr\u00ebsi i f\u00ebmijve dhe t\u00eb rinjve, n\u00eb p\u00ebrgatitjen e t\u00eb ardhmes se vendit n\u00eb nivele cil\u00ebsore arsimore, n\u00ebp\u00ebrmjet fondacionit “Frym\u00eb Dashurie”. Kisha \u00ebsht\u00eb kujdesur q\u00eb t\u00eb ruhet nivel i lart\u00eb i m\u00ebsimdh\u00ebnies n\u00eb shkollat e saj, si dhe ka qen\u00eb institucioni i par\u00eb n\u00eb Shqip\u00ebri q\u00eb ka hapur shkollat e formimit profesional.<\/p>\n

Nj\u00eb kontribut i madh i Kish\u00ebs p\u00ebrgjat\u00eb k\u00ebtyre 30 viteve \u00ebsht\u00eb p\u00ebrkujdesi sh\u00ebndet\u00ebsor p\u00ebrmes klinikave ku ofrohen sh\u00ebrbime cil\u00ebsore, me aparatura bashk\u00ebkohore. P\u00ebrgjegj\u00ebsi i klinik\u00ebs diagnostike “Ungjill\u00ebzimi” n\u00eb Tiran\u00eb, z. Vasil Kristo, prezantoi gjer\u00ebsisht nismat e sh\u00ebndet\u00ebsis\u00eb t\u00eb nd\u00ebrmarra nga Kryepiskopi Anastas.<\/p>\n

\u201cUdh\u00ebtimi vazhdon…” cil\u00ebsoi n\u00eb mbyllje Kryepiskopi Anastas n\u00eb fund t\u00eb fjal\u00ebs s\u00eb tij mbyll\u00ebse duke u bazuar tek fjala e Ap Pavlit: “T\u00eb ecim si\u00e7 \u00ebsht\u00eb e denj\u00eb p\u00ebr Zotin, p\u00ebr t\u2019i p\u00eblqyer Atij n\u00eb t\u00eb gjitha.”<\/p>\n

Fama e Kryepiskopit, psalur n\u00eb mbyllje nga t\u00eb pranishmit ishte nje falenderim p\u00ebr pun\u00ebn e perkushtuar dhe me dashuri hyjnore n\u00eb k\u00ebta 30 vjet p\u00ebr KOASH-in, p\u00ebr vepren madh\u00ebshtore t\u00eb kryer me p\u00ebrul\u00ebsi nga Kryebariu yn\u00eb.<\/p>\n

 <\/p>\n

————-<\/p>\n

Foto Album:<\/em><\/strong><\/h4>\n

 <\/p>\n

\"Asambleja<\/a>