{"id":60289,"date":"2022-06-24T12:48:55","date_gmt":"2022-06-24T10:48:55","guid":{"rendered":"https:\/\/orthodoxalbania.org\/2020\/?p=60289"},"modified":"2022-06-25T11:42:42","modified_gmt":"2022-06-25T09:42:42","slug":"30-vjet-nga-ringritja-kanonike-e-kishes-orthodhokse-autoqefale-te-shqiperise","status":"publish","type":"post","link":"https:\/\/orthodoxalbania.org\/2020\/2022\/06\/24\/30-vjet-nga-ringritja-kanonike-e-kishes-orthodhokse-autoqefale-te-shqiperise\/","title":{"rendered":"30 vjet nga ringritja kanonike e Kish\u00ebs Orthodhokse Autoqefale t\u00eb Shqip\u00ebris\u00eb."},"content":{"rendered":"

30 vjet nga ringritja kanonike e Kish\u00ebs Orthodhokse Autoqefale t\u00eb Shqip\u00ebris\u00eb.<\/h4>\n

 <\/p>\n

M\u00eb 24 qershor 1992, Fortlumturia e Tij, Anastasi, u zgjodh Kryepiskop i Kish\u00ebs son\u00eb pas territ ateist.<\/p>\n

T\u00eb premten, 24 qershor 2022, n\u00eb t\u00eb kremten e Lindjes s\u00eb Sh\u00ebn Joan Pag\u00ebzorit, n\u00eb kish\u00ebn “Ungjill\u00ebzimi i Hyjlind\u00ebses”, u kremtua p\u00ebrvjetori jubilar: 30-vjetori i zgjedhjes s\u00eb Kryepiskopit Anastas n\u00eb Krye t\u00eb Kish\u00ebs Orthodhokse Autoqefale t\u00eb Shqip\u00ebris\u00eb.<\/p>\n

Liturgjia Hyjnore panegjirike u krye nga Fortlumturia Tij, bashk\u00eb me Episkopin e Bylisit, Astin, dhe klerik\u00eb t\u00eb Kryepiskopat\u00ebs.<\/p>\n

N\u00eb fund, Hir\u00ebsi Asti fal\u00ebnderoi Kryepiskopin p\u00ebr vepr\u00ebn e per\u00ebndindri\u00e7uar n\u00eb krye t\u00eb Kish\u00ebs son\u00eb dhe uroi \u201cP\u00ebr shum\u00eb vjet, o Kryezot!\u201d<\/p>\n

Pastaj besimtar\u00ebve iu drejtua Kryepiskopi Anastas, i cili fal\u00ebnderoi Per\u00ebndin\u00eb p\u00ebr \u00e7ka b\u00ebr\u00eb t\u00eb mundur p\u00ebr Kish\u00ebn ton\u00eb n\u00eb k\u00ebta 30 vjet dhe pastaj p\u00ebrmblodhi \u00e7astet q\u00eb paraprin\u00eb dhe zgjedhjen e tij nga Patriarkana Ekumenike.<\/p>\n

N\u00eb vazhdim, Kryepiskopin e uruan klerik\u00eb e besimtar\u00eb, ku ve\u00e7ohen fal\u00ebnderimet e ngrohta prek\u00ebse dhe lulet nga f\u00ebmij\u00ebt e kampit t\u00eb shkoll\u00ebs \u201cProtagonist\u00ebt\u201d, t\u00eb shoq\u00ebruar nga kori i drejtuar nga znj. Agi Nano, e cila me k\u00ebt\u00eb rast kishte kompozuar nj\u00eb k\u00ebng\u00eb p\u00ebr Kryepiskopin, q\u00eb u k\u00ebndua nga f\u00ebmij\u00ebt n\u00eb fund t\u00eb Liturgjis\u00eb.<\/p>\n

* * * *<\/strong><\/h4>\n

M\u00eb 24 qershor 1992, Patriarkana Ekumenik, si Kisha M\u00ebm\u00eb q\u00eb kishte dh\u00ebn\u00eb autoqefalin\u00eb, zgjidhte Mitropolitin Anastas, si Kryepiskopin e par\u00eb pas ardhjes s\u00eb demokracis\u00eb. Ishte po n\u00eb Patriarkan\u00eb, n\u00eb vitin 1937, q\u00eb ishte zgjedhur Kryepiskopi i par\u00eb kanonik i Kish\u00ebs son\u00eb.<\/p>\n

Kjo ngjarje ishte shpallje e lajmit t\u00eb mir\u00eb se Kisha e Shqip\u00ebris\u00eb ishte e gjall\u00eb dhe plot jet\u00eb dhe do t\u00eb vazhdonte vepr\u00ebn shpirt\u00ebrore t\u00eb ndri\u00e7uar nga Per\u00ebndia n\u00eb dobi t\u00eb gjith\u00eb shoq\u00ebris\u00eb shqiptare.<\/p>\n

Fillimi i viteve \u201990, megjith\u00ebse formalisht ishte rifituar liria e besimit, ishte dramatik p\u00ebr komunitetin orthodhoks. Gjendja ishte d\u00ebshp\u00ebruese: nuk kishte mbetur asnj\u00eb episkop, madje nuk kishte as edhe nj\u00eb kandidat p\u00ebr t\u2019u ngritur n\u00eb k\u00ebt\u00eb grad\u00eb; ishin vet\u00ebm 15 klerik\u00eb n\u00eb mosh\u00eb pensioni e t\u00eb s\u00ebmur\u00eb, nuk kishte kisha (ato ishin shkat\u00ebrruar apo transformuar n\u00eb objekte laike). Gjithashtu, nuk kishte mund\u00ebsi financiare, p\u00ebr shkak t\u00eb varf\u00ebris\u00eb s\u00eb thell\u00eb, por edhe sepse shteti nuk mori p\u00ebrsip\u00ebr asnj\u00eb detyrim p\u00ebr t\u2019i mb\u00ebshtetur komunitet fetare. N\u00eb k\u00ebto kushte, Patriarkana Ekumenike d\u00ebrgoi n\u00eb Shqip\u00ebri p\u00ebr t\u00eb par\u00eb situat\u00ebn nj\u00eb klerik t\u00eb lart\u00eb t\u00eb njohur n\u00eb t\u00eb gjith\u00eb bot\u00ebn Orthodhokse dhe m\u00eb gjer\u00eb, Mitropolitin e Andrus\u00ebs, Prof. Dr. Anastasin, i cili n\u00eb at\u00eb koh\u00eb ishte Moderator i Komisionit t\u00eb Misionarizmit dhe Ungjill\u00ebzimit t\u00eb K\u00ebshillit Bot\u00ebror t\u00eb Kishave (WCC) dhe Kryepiskop i komanduar i Arqidioqez\u00ebs s\u00eb Kenias, Ugand\u00ebs dhe Tanzanis\u00eb.<\/p>\n

Kryepiskopi Anastas erdhi n\u00eb Shqip\u00ebris\u00eb, n\u00eb korrik 1991, si Ekzark Patriarkal, p\u00ebr t\u00eb par\u00eb se \u00e7\u2019kishte mbetur nga g\u00ebrmadhat ateiste. Ai gjeti nj\u00eb zbraz\u00ebtir\u00ebn e frikshme shpirt\u00ebrore dhe materiale q\u00eb kishte l\u00ebn\u00eb ateizmi zyrtar dhe u p\u00ebrkushtua p\u00ebr ndryshimin e gjendjes.<\/p>\n

E nisi me hapjen e Seminarit p\u00ebr p\u00ebrgatitjen e klerik\u00ebve t\u00eb rinj dhe duke vazhduar me riparimin e objekteve ekzistuese dhe me p\u00ebrpjekjet p\u00ebr ngritjen e kishave t\u00eb reja. Ishte kjo pun\u00eb vet\u00ebmohuese, e cila i bindi orthodhoks\u00ebt e Shqip\u00ebris\u00eb, q\u00eb t\u2019i k\u00ebrkonin zyrtarisht Patriarkan\u00ebs Ekumenike q\u00eb ta kishin Anastasin si Atin dhe Kryebariun e tyre. Pranimi prej tij i nj\u00eb sh\u00ebrbese t\u00eb till\u00eb ishte ashtu si\u00e7 \u00ebsht\u00eb shprehur edhe vet\u00eb m\u00eb pas: \u201cJo fron pushteti, por kryq sakrifice\u201d. Emri i tij jo vet\u00ebm u b\u00eb sinonim i ngjalljes s\u00eb Kish\u00ebs n\u00eb Shqip\u00ebri, por edhe i si i nj\u00eb hierapostulli t\u00eb dit\u00ebve t\u00eb sotme, i promotorit t\u00eb dialogut nd\u00ebrmjet besimeve dhe kulturave t\u00eb ndryshme, i paqes dhe dashuris\u00eb p\u00ebr t\u00eb gjith\u00eb, i p\u00ebrkujdesjes p\u00ebr t\u00eb varfrit dhe nevojtar\u00ebt dhe t\u00eb respektit, liris\u00eb dhe dinjitetit t\u00eb \u00e7do personi, kushdo qoft\u00eb ai.<\/p>\n

 <\/p>\n

\n

Foto Album:<\/strong><\/em><\/p>\n

 <\/p>\n

\"30<\/a>