{"id":60013,"date":"2022-06-02T12:57:53","date_gmt":"2022-06-02T10:57:53","guid":{"rendered":"https:\/\/orthodoxalbania.org\/2020\/?p=60013"},"modified":"2022-06-02T12:57:53","modified_gmt":"2022-06-02T10:57:53","slug":"u-zhvillua-konferenca-rinore-te-behemi-nxenes-te-krishtit-peshkatare-njerezish","status":"publish","type":"post","link":"https:\/\/orthodoxalbania.org\/2020\/2022\/06\/02\/u-zhvillua-konferenca-rinore-te-behemi-nxenes-te-krishtit-peshkatare-njerezish\/","title":{"rendered":"U zhvillua konferenca rinore: \u201cT\u00eb b\u00ebhemi nx\u00ebn\u00ebs t\u00eb Krishtit \u2013 Peshkatar\u00eb njer\u00ebzish\u201d."},"content":{"rendered":"

U zhvillua konferenca rinore:<\/strong><\/h4>\n

\u201cT\u00eb b\u00ebhemi nx\u00ebn\u00ebs t\u00eb Krishtit \u2013 Peshkatar\u00eb njer\u00ebzish\u201d<\/strong><\/h4>\n

 <\/p>\n

N\u00eb dat\u00ebn 28 maj, me bekimin e Fortlumturis\u00eb s\u00eb Tij, Kryepiskopit t\u00eb Tiran\u00ebs, Durr\u00ebsit edhe Gjith\u00eb Shqip\u00ebris\u00eb Anastasi u zhvillua Konferenca Rinore me pjes\u00ebmarrjen e grupeve rinore nga Mitropolit\u00eb e vendit n\u00eb ambientet e Katedrales “Ngjallja e Krishtit” n\u00eb Tiran\u00eb me tem\u00eb: “T\u00eb b\u00ebhemi nx\u00ebn\u00ebs t\u00eb Krishtit – peshkatar\u00eb njer\u00ebzish”. Kjo konferenc\u00eb p\u00ebrkon edhe me vitin jubile, 30-vjetorin e ringritjes kanonike t\u00eb Kish\u00ebs Orthodhokse Autoqefale t\u00eb Shqip\u00ebris\u00eb nga g\u00ebrmadhat n\u00ebn udh\u00ebheqjen\u00a0 dhe drejtimin e Kryepiskopit t\u00eb Tiran\u00ebs, Durr\u00ebsit edhe Gjith\u00eb Shqip\u00ebris\u00eb Fortlumturis\u00eb s\u00eb Tij, Anastasi.<\/p>\n

Mor\u00ebn pjes\u00eb rreth 110 t\u00eb rinj dhe koordinator\u00eb nga Kryepiskopata dhe mitropolit\u00eb.<\/p>\n

Programi nisi me Sh\u00ebrbes\u00ebn e M\u00ebngjesores n\u00eb Katedrale, m\u00eb pas u krye regjistrimin i pjes\u00ebmarr\u00ebsve.<\/p>\n

N\u00eb vazhdim, n\u00eb sall\u00ebn e Qendr\u00ebs, at\u00eb Grigori uroi mir\u00ebseardhjen dhe ftoi fol\u00ebsin e par\u00eb, at\u00eb Emanuel Lush\u00ebn, i cili p\u00ebrmblodhi historin\u00eb e Krishterimit n\u00eb trojet tona, duke nisur q\u00eb nga shek. I pas Krishtit, por duke u p\u00ebrqendruar kryesisht n\u00eb ringritjen kanonike t\u00eb Kish\u00ebs son\u00eb 30 vitet e fundit. Ai theksoi se n\u00eb k\u00ebto 3 dekada \u00ebsht\u00eb kryer nj\u00eb vep\u00ebr nd\u00ebrtimore sa n\u00eb shum\u00eb shekuj.<\/p>\n

Pastaj, t\u00eb rinjt\u00eb ndoq\u00ebn nj\u00eb dokumentar t\u00eb shkurt\u00ebr t\u00eb vepr\u00ebs hierapostolike t\u00eb Kryepiskopit Anastas, ku paraqiteshin n\u00eb form\u00eb vizuale t\u00eb gjitha sa p\u00ebrmendi me fjal\u00eb at\u00eb Emanueli.<\/p>\n

Konferenca vijoi me prezantimet e Kolegjit Universitar \u201cLogos\u201d dhe t\u00eb Akademis\u00eb Teologjike \u201cNgjallja e Krishtit\u201d nga dr. Thoma Shkira, z. Klajdi Dervishi; si dhe t\u00eb Shkoll\u00ebs s\u00eb Muzik\u00ebs Bizantine \u201cSh\u00ebn Joan Kukuzeli\u201d nga protopsalti i Kryepiskopat\u00ebs, z. Theodhor Peci, i cili \u00ebsht\u00eb edhe drejtori i shkoll\u00ebs.<\/p>\n

Ve\u00e7antia e k\u00ebtij aktiviteti ishte prania dhe fjala e Kryepiskopit Anastas. Me g\u00ebzim, ai u foli t\u00eb rinj-ve p\u00ebr ndikimin e thell\u00eb t\u00eb rinis\u00eb n\u00eb jet\u00ebn dhe organizimin e kish\u00ebs p\u00ebrgjat\u00eb viteve, duke iu referuar dhe p\u00ebrvojave personale n\u00eb rini, por edhe pas ardhjes n\u00eb vendin ton\u00eb si Ekzark Patriarkal dhe m\u00eb pas si Kryepiskop. Nd\u00ebr t\u00eb tjera, duke folur p\u00ebr r\u00ebnd\u00ebsin\u00eb e jet\u00ebs shpirt\u00ebrore t\u00eb t\u00eb rinjve ai tha nd\u00ebr t\u00eb tjera se:<\/p>\n

\u201c…Dua ta p\u00ebrmbledh propozimin tim me nj\u00eb fraz\u00eb: Mos u pajtoni me r\u00ebnien shpirt\u00ebrore. Ka nj\u00eb r\u00ebnie shpirt\u00ebrore e p\u00ebrhapur. Jeta jon\u00eb \u00ebsht\u00eb shume e vyer, e pakt\u00eb nga vitet e saj dhe nuk mund ta ndotim. Duhet q\u00eb t\u00eb b\u00ebjm\u00eb gjith\u00e7ka n\u00eb drit\u00ebn e Ungjillit. Gj\u00ebrat e tjera jan\u00eb t\u00eb r\u00ebnd\u00ebsishme , por nuk duhet t\u00eb pajtohemi me k\u00ebt\u00eb r\u00ebnie. N\u00eb vendi ton\u00eb \u00ebsht\u00eb shum\u00eb e vyer puna me katekizmin, m\u00ebsimet fetare\u2026.<\/p>\n

…Nga frazat q\u00eb shpjegojn\u00eb se cili \u00ebsht\u00eb realiteti i ep\u00ebrm hyjnor, \u00e7far\u00eb \u00ebsht\u00eb Per\u00ebndia, nuk kam gjetur m\u00eb fraz\u00eb p\u00ebrmbledh\u00ebse, m\u00eb t\u00eb guximshme, m\u00eb aktuale dhe do t\u00eb thosha m\u00eb revolucionare, se ajo q\u00eb na thot\u00eb Sh\u00ebn Joan Ungjillori: \u201cPer\u00ebndia \u00ebsht\u00eb dashuri, dhe ai q\u00eb q\u00ebndron n\u00eb dashurin\u00eb q\u00ebndron n\u00eb Per\u00ebndin\u00eb dhe Per\u00ebndia q\u00ebndron tek ai\u201d. Dhe ajo q\u00eb ngul k\u00ebmb\u00eb \u00ebsht\u00eb se dashuria ka fjal\u00ebn p\u00ebrfundimtare. N\u00eb k\u00ebt\u00eb varg nuk ka p\u00ebrshkrim vet\u00ebm \u00e7far\u00eb \u00ebsht\u00eb Per\u00ebndia, realiteti i ep\u00ebrm hyjnor, por \u00ebsht\u00eb edhe p\u00ebrkufizimi i rrug\u00ebs se si komunikon dikush me k\u00ebt\u00eb realitet t\u00eb ep\u00ebrm. Dhe ky realitet p\u00ebrcaktohet me an\u00eb t\u00eb foljes \u201cq\u00ebndron\u201d \u2013 \u201cAi q\u00eb q\u00ebndron n\u00eb dashurin\u00eb q\u00ebndron n\u00eb Per\u00ebndin\u00eb\u201d. Nuk jan\u00eb ndri\u00e7imet e m\u00ebdha intelektuale q\u00eb na \u00e7oj\u00ebn tek Per\u00ebndia, por \u00ebsht\u00eb pik\u00ebrisht t\u00eb q\u00ebndrosh tek Ai, t\u00eb q\u00ebndrosh n\u00eb dashurin\u00eb. Mendoj se kjo na jep nj\u00eb fuqi dhe nj\u00eb liri q\u00eb \u00ebsht\u00eb aq e madhe sa nuk mund t\u00eb konceptohet, \u00ebsht\u00eb baza e jet\u00ebs son\u00eb. Mund t\u00eb ket\u00eb edhe zgjidhje t\u00eb tjera q\u00eb mund t\u00eb ofrohen, por p\u00ebr ne q\u00eb jemi besimtar\u00eb t\u00eb krishter\u00eb, kjo \u00ebsht\u00eb zgjedhja q\u00eb duhet t\u00eb b\u00ebjm\u00eb, kjo \u00ebsht\u00eb siguria jon\u00eb, q\u00eb na jep forc\u00eb, ky \u00ebsht\u00eb g\u00ebzimi yn\u00eb. Kjo \u00ebsht\u00eb edhe e fshehta pse ne jemi kreativ\u00eb dhe krijojm\u00eb vazhdimisht, kjo \u00ebsht\u00eb e fshehta dhe e fuqis\u00eb son\u00eb rezistuese. Kjo \u00ebsht\u00eb gj\u00ebja m\u00eb e vyer q\u00eb mund t\u00eb jetojm\u00eb dhe mund t\u2019ia ofrojm\u00eb edhe njer\u00ebzve t\u00eb tjer\u00eb. E th\u00ebn\u00eb thjesht,\u00a0 kjo \u00ebsht\u00eb bukuria q\u00eb ka jeta e krishter\u00eb. Nuk duam ta imponojm\u00eb k\u00ebt\u00eb me zor tek dikush tjet\u00ebr por kemi t\u00eb drejt\u00ebn dhe aft\u00ebsin\u00eb q\u00eb ta shijojm\u00eb dhe ta japim edhe tek t\u00eb tjer\u00ebt. Pik\u00ebrisht kjo \u00ebsht\u00eb jeta jon\u00eb adhuruese, q\u00eb t\u00eb shprehim dashurin\u00eb ton\u00eb… Kam qen edhe un\u00eb n\u00eb mosh\u00ebn tuaj dhe uroj q\u00eb edhe ju t\u00eb vini n\u00eb mosh\u00ebn time, por do shikoni se me t\u00eb v\u00ebrtet\u00eb dashuria ka fjal\u00ebn e fundit dhe do thot\u00eb gjithmon\u00eb fjal\u00ebn e fundit..\u201d<\/p>\n

Pas k\u00ebtij frym\u00ebzimi dhe ushqimi shpirt\u00ebror t\u00eb rinjt\u00eb drekuan s\u00eb bashku dhe k\u00ebnduan mjaft k\u00ebng\u00eb kishtare e himne, t\u00eb cilat krijuan nj\u00eb atmosfer\u00eb mjaft festive.<\/p>\n

Aktiviteti p\u00ebrmbyll\u00ebs i k\u00ebsaj konference u zhvillua n\u00eb Muzeun Historik Komb\u00ebtar, ku t\u00eb rinjt\u00eb, t\u00eb ndar\u00eb n\u00eb grupe, vizituan pavijone t\u00eb ndryshme t\u00eb tij.<\/p>\n

 <\/p>\n

Stilian Sarigianis<\/em><\/strong><\/p>\n

 <\/p>\n

\n

 <\/p>\n

Foto Album:<\/em><\/strong><\/h4>\n

 <\/p>\n

\"U<\/a>