{"id":55155,"date":"2021-09-01T00:00:35","date_gmt":"2021-08-31T22:00:35","guid":{"rendered":"https:\/\/orthodoxalbania.org\/2020\/?p=55155"},"modified":"2021-09-02T10:45:30","modified_gmt":"2021-09-02T08:45:30","slug":"jisui-i-naviut-oshenar-simeon-stiliti-oshenare-evanthia-40-oshenaret-deshmore-efterpi-thalia-theanoja-theonimfi-kaliroi-kalisti-klioja-kleoniki-kleopatra-koralia-ralia-margarita-marian","status":"publish","type":"post","link":"https:\/\/orthodoxalbania.org\/2020\/2021\/09\/01\/jisui-i-naviut-oshenar-simeon-stiliti-oshenare-evanthia-40-oshenaret-deshmore-efterpi-thalia-theanoja-theonimfi-kaliroi-kalisti-klioja-kleoniki-kleopatra-koralia-ralia-margarita-marian\/","title":{"rendered":"Jisui i Naviut. Osh\u00ebnar Simeon Stiliti. Osh\u00ebnare Evanthia. 40 osh\u00ebnaret d\u00ebshmore."},"content":{"rendered":"
<\/div>\n
\n
<\/div>\n<\/div>\n
\n
<\/div>\n
<\/div>\n<\/div>\n
\n

– Fillimi i Vitit Kishtar –<\/strong><\/h4>\n
<\/div>\n
N\u00eb k\u00ebt\u00eb dit\u00eb, Kisha e Krishtit ruan Indiktin ose shpalljen e Vitit t\u00eb Ri Kishtar. Termi e ka prejardhjen nga praktika e perandor\u00ebve romak\u00eb, t\u00eb cil\u00ebt kishin zakon t\u00eb vinin n\u00eb k\u00ebt\u00eb koh\u00eb nj\u00eb taks\u00eb vjetore p\u00ebr mbajtjen e ushtris\u00eb s\u00eb tyre. Interesi i k\u00ebsaj takse t\u00eb p\u00ebrvitshme ishte caktuar me an\u00eb t\u00eb shpalljeve \u00e7do pes\u00ebmb\u00ebdhjet\u00eb vjet. Kjo \u00ebsht\u00eb arsyeja p\u00ebrse \u00e7do cik\u00ebl pes\u00ebmb\u00ebdhjet\u00ebvje\u00e7ar, duke filluar nga mbret\u00ebrimi i Cezar Augustit, tre vjet para lindjes s\u00eb Krishtit, \u00ebsht\u00eb quajtur indikt.<\/div>\n
<\/div>\n<\/div>\n
\n
P\u00ebrve\u00e7 k\u00ebsaj, shtatori \u00ebsht\u00eb koha p\u00ebr vjeljen e frutave t\u00eb dheut dhe p\u00ebr ta b\u00ebr\u00eb gati p\u00ebr nj\u00eb tjet\u00ebr cik\u00ebl prodhimi, k\u00ebshtu q\u00eb \u00ebsht\u00eb e drejt\u00eb t\u00eb nderohet fillimi i ciklit agrokulturor, duke i ofruar fal\u00ebnderime Per\u00ebndis\u00eb p\u00ebr mir\u00ebsin\u00eb e Tij t\u00eb madhe ndaj krijes\u00ebs s\u00eb Tij. Kjo kryhej edhe nga judenjt\u00eb n\u00ebn Ligjin e Vjet\u00ebr. N\u00eb dit\u00ebn e par\u00eb t\u00eb muajit t\u00eb shtat\u00eb (q\u00eb korrespondon me fillimin e shtatorit) ata kremtonin Fest\u00ebn e Trumbetave, duke u \u00e7lodhur nga \u00e7do lloj pune dhe duke ia p\u00ebrkushtuar veten krejt\u00ebsisht ofert\u00ebs s\u00eb sakrificave t\u00eb nj\u00eb shije t\u00eb \u00ebmb\u00ebl dhe lavd\u00ebrimit t\u00eb Per\u00ebndis\u00eb (Lev. 23.24-25).<\/div>\n
<\/div>\n<\/div>\n
\n
Krishti, Biri dhe Fjala e Per\u00ebndis\u00eb, Krijuesi i koh\u00ebs dhe i hap\u00ebsir\u00ebs, Mbreti i parajetsh\u00ebm i t\u00eb gjitha koh\u00ebve, q\u00eb mori trup p\u00ebr t\u00eb restauruar t\u00eb gjitha gj\u00ebrat n\u00eb unitet dhe t\u00eb pajtoj\u00eb mbar\u00eb njer\u00ebzimin, judenjt\u00eb dhe kombet, n\u00eb nj\u00eb Kish\u00eb t\u00eb vetme, ka dashur gjithashtu t\u00eb mbledh\u00eb tek Ai gj\u00ebrat q\u00eb jan\u00eb subjekte t\u00eb ligjeve t\u00eb natyr\u00ebs dhe t\u00eb asaj q\u00eb urdh\u00ebroi n\u00eb Ligjin e shkruar. P\u00ebr k\u00ebt\u00eb arsye, n\u00eb k\u00ebt\u00eb dit\u00eb, kur natyra b\u00ebhet gati t\u00eb shpalos\u00eb nj\u00eb tjet\u00ebr cik\u00ebl t\u00eb stin\u00ebve, ne kujtojm\u00eb ndodhin\u00eb kur Zoti Jisu Krisht hyri n\u00eb sinagog\u00eb dhe hapi librin e Isaias e lexoi vargun kur profeti thot\u00eb n\u00eb emrin e Tij: \u201cShpirti i Zotit \u00ebsht\u00eb mbi mua, sepse ai m\u00eb ka lyer t\u00eb ungjill\u00ebzoj t\u00eb varfrit… t\u00eb shpall vitin e p\u00eblqyesh\u00ebm t\u00eb Zotit\u201d (Lluk. 4.18-19).<\/div>\n
<\/div>\n<\/div>\n
\n
Dhe n\u00eb k\u00ebt\u00eb m\u00ebnyr\u00eb, sot mbar\u00eb Kishat, t\u00eb mbledhura n\u00eb nj\u00eb mendje, lavd\u00ebrojn\u00eb me nj\u00eb z\u00eb At\u00eb q\u00eb \u00ebsht\u00eb unik n\u00eb natyr\u00ebn e Tij dhe i trefisht\u00eb n\u00eb Persona, q\u00eb banon n\u00eb nj\u00eb shk\u00eblqim t\u00eb p\u00ebrjetsh\u00ebm, q\u00eb i mban t\u00eb gjitha gj\u00ebrat n\u00eb jet\u00eb dhe derdh bekime mbi veprat e duarve t\u00eb Tij n\u00eb t\u00eb gjitha koh\u00ebt. \u00cbsht\u00eb vet\u00eb Krishti q\u00eb na \u00e7el dyert e vitit dhe q\u00eb na fton ta pasojm\u00eb At\u00eb, p\u00ebr t\u00eb marr\u00eb pjes\u00eb gjithashtu n\u00eb p\u00ebrjet\u00ebsin\u00eb e Tij.<\/div>\n
<\/div>\n<\/div>\n
\n

<\/h4>\n

* * * *<\/strong><\/h4>\n

40 osh\u00ebnaret d\u00ebshmore: Efterpi, Thalia, Theanoja, Theonimfi, Kaliroi, Kalisti, Klioja, Kleoniki, Kleopatra, Koralia, Ralia, Margarita, Marianthi, Melpomeni, Mosko, Urania, Pandora, Penelopi, Polimnia, Sapfoja, Terpsihori, Haidheftoja, Hariklea, Meletina, Mandoja, Athina, Akrivia, Antigoni, Aspasia, Afrodhiti, Dioni, Elpiniki, Epasmia, Eratoja, Simona, Izmini, Politimi, Adhamantia, \u0391nda, Rumbina.<\/strong><\/h4>\n
<\/div>\n<\/div>\n
\n
K\u00ebto gra t\u00eb shenjta kishin ardhur n\u00eb Adrianopoj\u00eb, n\u00eb Thrak\u00eb. T\u00eb udh\u00ebhequra nga dhjaku Amun, ato ndiqnin Krishtin n\u00eb rrug\u00ebn q\u00eb t\u00eb \u00e7on n\u00eb Mbret\u00ebrin\u00eb e Qiejve, n\u00eb at\u00eb t\u00eb virgj\u00ebris\u00eb dhe t\u00eb largimit nga bota. Ato u arrestuan nga Baudus, guvernatori i provinc\u00ebs dhe u torturuan mizorisht, sepse mohuan t\u2019u sakrifikojn\u00eb idhujve, por q\u00ebndruan t\u00eb pal\u00ebkundura n\u00eb lutje t\u00eb pand\u00ebrprer\u00eb sikur torturat t\u00eb ishin t\u00eb huaja p\u00ebr trupat e tyre. Sh\u00ebn Amunit ia \u00e7an\u00eb ij\u00ebt nd\u00ebrsa e mbanin t\u00eb varur n\u00eb shtyll\u00eb dhe n\u00eb kok\u00eb i vun\u00eb nj\u00eb helmet\u00eb t\u00eb skuqur.<\/div>\n
<\/div>\n
Prifti idhujtar, q\u00eb kishte q\u00ebndruar p\u00ebrball\u00eb tij n\u00eb vendin e ekzekutimit, papritur u ngrit lart n\u00eb aj\u00ebr si shenj\u00eb e dukshme e zem\u00ebrimit hyjnor dhe q\u00ebndroi k\u00ebshtu p\u00ebr shum\u00eb koh\u00eb, derisa ra p\u00ebrtok\u00eb e dha shpirt.<\/div>\n
<\/div>\n<\/div>\n
\n
Martiret u \u00e7uan n\u00eb Veria dhe m\u00eb pas n\u00eb Iraklia, q\u00eb t\u2019i nxirrnin p\u00ebrpara tiranit Licinius (321-323). Dhjet\u00eb nga grat\u00eb e shenjta u dogj\u00ebn; tet\u00eb vdiq\u00ebn me prerje koke; dhjet\u00eb t\u00eb tjera dhan\u00eb shpirt pasi u godit\u00ebn n\u00eb goj\u00eb e n\u00eb kraharor me pjes\u00ebn e shesht\u00eb t\u00eb shpat\u00ebs. Nga dymb\u00ebdhjet\u00eb q\u00eb mbet\u00ebn, gjasht\u00eb vdiq\u00ebn nga shpata dhe gjasht\u00eb t\u00eb tjerat u vran\u00eb duke u futur sasi metali t\u00eb shkrir\u00eb n\u00eb goj\u00eb.<\/div>\n<\/div>\n
<\/div>\n
\n
\n<\/div>\n
<\/div>\n
<\/div>\n