{"id":54575,"date":"2021-06-24T00:00:14","date_gmt":"2021-06-23T22:00:14","guid":{"rendered":"https:\/\/orthodoxalbania.org\/2020\/?p=54575"},"modified":"2021-06-26T00:04:46","modified_gmt":"2021-06-25T22:04:46","slug":"perkujtimi-i-29-vjetori-i-zgjedhjes-se-kryepiskopit-anastas-ne-krye-te-kishes-sone-dhe-bashkemeshim-i-sinodit-te-shenjte-ne-te-kremten-e-shen-joan-pagezorit","status":"publish","type":"post","link":"https:\/\/orthodoxalbania.org\/2020\/2021\/06\/24\/perkujtimi-i-29-vjetori-i-zgjedhjes-se-kryepiskopit-anastas-ne-krye-te-kishes-sone-dhe-bashkemeshim-i-sinodit-te-shenjte-ne-te-kremten-e-shen-joan-pagezorit\/","title":{"rendered":"P\u00ebrkujtimi i 29-vjetori i zgjedhjes s\u00eb Kryepiskopit Anastas n\u00eb krye t\u00eb Kish\u00ebs son\u00eb dhe Bashk\u00ebmeshim i Sinodit t\u00eb Shenjt\u00eb n\u00eb t\u00eb kremten e Sh\u00ebn Joan Pag\u00ebzorit."},"content":{"rendered":"
\n
<\/div>\n

P\u00ebrkujtimi i 29-vjetori i zgjedhjes s\u00eb Kryepiskopit Anastas n\u00eb krye t\u00eb Kish\u00ebs son\u00eb dhe bashk\u00ebmeshim i Sinodit t\u00eb Shenjt\u00eb n\u00eb t\u00eb kremten e Sh\u00ebn Joan Pag\u00ebzorit.<\/h4>\n<\/div>\n
\n
<\/div>\n<\/div>\n
\n
\n

Sot, m\u00eb 24 qershor 2021, ku Kisha jon\u00eb kremton Lindjen e Sh\u00ebn Joan Pag\u00ebzorit, u festua gjithashtu n\u00eb Katedralen \u201cNgjallja e Krishtit\u201d, edhe 29-vjetori i zgjedhjes nga Sinodi i Shenjt\u00eb i Patriarkan\u00ebs Ekumenike i Fortlumturis\u00eb s\u00eb Tij Anastasit Kryepiskop i Kish\u00ebs Orthodhokse Autoqefale t\u00eb Shqip\u00ebris\u00eb. P\u00ebr t\u00eb p\u00ebrkujtuar k\u00ebt\u00eb dit\u00eb t\u00eb sh\u00ebnuar u krye Liturgjia Hyjnore panegjirike nga an\u00ebtar\u00ebt e Sinodit t\u00eb Shenjt\u00eb. N\u00ebn kryesimin e Kryepiskopit t\u00eb Tiran\u00ebs, Durr\u00ebsit dhe t\u00eb Gjith\u00eb Shqip\u00ebris\u00eb Anastasit bashk\u00ebmeshuan, Mitropoliti i Kor\u00e7\u00ebs, Joani; Mitropoliti i Gjirokastr\u00ebs, Dhimitri; Mitropoliti i Apollonis\u00eb dhe Fierit, Nikolla; Mitropoliti i Elbasanit, Andoni; Mitropoliti i Amantias Nathanaili dhe Episkopi i Bylist, Asti.<\/p>\n<\/div>\n<\/div>\n

\n
\n

Meq\u00eb kushtet e leht\u00ebsuara epidemiologjike e lejuan dhe duke iu p\u00ebrmbajtur masave t\u00eb mbrojtjes personale, besimtar\u00eb t\u00eb shumt\u00eb t\u00eb Kryepiskopat\u00ebs s\u00eb Tiran\u00ebs, t\u00eb rinj, pedagog\u00eb t\u00eb institucioneve arsimore t\u00eb Kish\u00ebs son\u00eb etj., mor\u00ebn pjes\u00eb n\u00eb veprimtarit\u00eb adhuruese dhe pat\u00ebn rastin t\u00eb urojn\u00eb nga af\u00ebr Kryepiskopin dhe Kryebariun ton\u00eb.<\/p>\n<\/div>\n<\/div>\n

\n
\n

N\u00eb fund t\u00eb Liturgjis\u00eb, n\u00eb Em\u00ebr t\u00eb Sinodit dhe besimtar\u00ebve, foli Mitropoliti i Kor\u00e7\u00ebs, Hir\u00ebsi Joani. Pasi foli p\u00ebr r\u00ebnd\u00ebsin\u00eb e t\u00eb kremtes dhe figur\u00ebn e Sh\u00ebn Joan Pag\u00ebzorit dhe vendin e tij n\u00eb Kish\u00eb, Hir\u00ebsi Joani iu referua momentit historik t\u00eb zgjedhjes s\u00eb Kryepiskopit nga Patriarkana Ekumenike. Zgjedhje q\u00eb u faktua m\u00eb e gjetura dhe nj\u00eb bekim i ve\u00e7ant\u00eb p\u00ebr Kish\u00ebn dhe vendin ton\u00eb. Ishte barr\u00eb e r\u00ebnd\u00eb t\u00eb nd\u00ebrmerrje at\u00eb q\u00eb Kryepiskopi yn\u00eb mori p\u00ebrsip\u00ebr, t\u00eb ngrinte nga asgj\u00ebja Kish\u00ebn e shkat\u00ebrruar nga persekutimi i pashembullt dhe afatgjat\u00eb. P\u00ebr t\u00eb ngritur k\u00ebt\u00eb barr\u00eb duhet dashuri e pamas\u00eb p\u00ebr Per\u00ebndin\u00eb dhe dashuri p\u00ebr njer\u00ebzit. Kryepiskopi Anastas \u00ebsht\u00eb shembull unikal se sa fort dashuroi Per\u00ebndin\u00eb dhe njer\u00ebzit dhe vendin ton\u00eb. Dhe si shp\u00ebrblim Per\u00ebndia bekoi k\u00ebt\u00eb nd\u00ebrmarrje t\u00eb tij n\u00eb krye t\u00eb Kish\u00ebs son\u00eb dhe arritjet jan\u00eb jo vet\u00ebm t\u00eb paimagjinueshme p\u00ebr momentin e zgjedhjes, por t\u00eb pakrahasueshme me periudhat e tjera t\u00eb Orthodhoksis\u00eb n\u00eb k\u00ebto treva. Hir\u00ebsia e Tij uroi n\u00eb em\u00ebr t\u00eb gjith\u00eb besimtar\u00ebve, q\u00eb Per\u00ebndia t\u2019i dhuroj\u00eb edhe vite t\u00eb tjera t\u00eb sh\u00ebndetshme Kryepiskopit, sepse jemi duke kaluar koh\u00eb t\u00eb trazuara dhe anija ka nevoj\u00eb p\u00ebr kapiten t\u00eb zot p\u00ebr ta nxjerr\u00eb n\u00eb limane t\u00eb sigurta.<\/p>\n<\/div>\n<\/div>\n

\n
Kryepiskopi Anastas, duke fal\u00ebnderuar, theksoi se dit\u00ebt dhe vazhdimi i jet\u00ebs \u00ebsht\u00eb n\u00eb dor\u00ebn e Per\u00ebndis\u00eb por n\u00eb dor\u00ebn ton\u00eb t\u00eb \u00e7do besimtari \u00ebsht\u00eb q\u00eb k\u00ebt\u00eb koh\u00eb ta p\u00ebrdorim n\u00eb p\u00ebrpjekje lutjeje, n\u00eb njohje t\u00eb vullnetit t\u00eb Tij dhe t\u00eb jetuarit m\u00eb Frym\u00ebn e Shenjt\u00eb. Fortlumturia e Tij ndau me besimtar\u00ebt vizionin p\u00ebr disa nisma p\u00ebr vitin n\u00eb vazhdim, p\u00ebr t\u2019u dh\u00ebn\u00eb kuptim p\u00ebrvjetor\u00ebve, sikund\u00ebr e ka p\u00ebr tradit\u00eb Kryepiskopi: i cili foli p\u00ebr arritjet dhe v\u00ebshtir\u00ebsit\u00eb e k\u00ebsaj periudhe, duke e v\u00ebn\u00eb theksin se na duhet bekimi i Per\u00ebndis\u00eb p\u00ebr veprat q\u00eb duam t\u00eb kryejm\u00eb, si\u00e7 jan\u00eb ringritja e kish\u00ebs s\u00eb Sh\u00ebn Prokopit n\u00eb Tiran\u00eb, zgjerimi i shkoll\u00ebs \u201cProtagonist\u00ebt\u201d, zgjerimi i vepr\u00ebs hidroenergjitike, p\u00ebr t\u00eb krijuar burime ekonomike, apo i klinik\u00ebs orthodhokse.<\/div>\n
<\/div>\n<\/div>\n
<\/div>\n
<\/div>\n
\n
\n<\/div>\n
<\/div>\n
<\/div>\n
\"P\u00ebrkujtimi<\/a>