{"id":4345,"date":"2016-01-07T12:04:06","date_gmt":"2016-01-07T12:04:06","guid":{"rendered":""},"modified":"2020-04-06T22:02:03","modified_gmt":"2020-04-06T20:02:03","slug":"kremtim-i-gezuar-me-gjithe-veshtiresite-e-motit","status":"publish","type":"post","link":"https:\/\/orthodoxalbania.org\/2020\/2016\/01\/07\/kremtim-i-gezuar-me-gjithe-veshtiresite-e-motit\/","title":{"rendered":"Kremtim i g\u00ebzuar me gjith\u00eb v\u00ebshtir\u00ebsit\u00eb e motit"},"content":{"rendered":"

    Me gjith\u00eb reshjet e shumta t\u00eb shiut, m\u00eb 6 Janar, t\u00eb kremten e Ujit t\u00eb Bekuar, kur Zoti Jisu Krisht u pag\u00ebzua nga Sh\u00ebn Joan Pag\u00ebzori n\u00eb lumin Jordan, duke bekuar k\u00ebshtu gjith\u00eb uj\u00ebrat dhe krijes\u00ebn mbar\u00eb, n\u00eb gjith\u00eb vendin besimtar\u00ebt orthodhoks\u00eb u mblodh\u00ebn n\u00eb kisha, p\u00ebr t\u00eb marr\u00eb pjes\u00eb n\u00eb Liturgjin\u00eb Hyjnore dhe m\u00eb pas n\u00eb Sh\u00ebrbes\u00ebn e Bekimit t\u00eb Ujit. M\u00eb pas ata e \u00e7uan ujin n\u00eb familjet e tyre, si bekim p\u00ebr gjith\u00eb vitin.<\/span><\/p>\n

    N\u00eb Tiran\u00eb, sh\u00ebrbesat u kryen nga Kryepiskopi Anastas, i ndihmuar nga Episkopi i Amantias, Nathanaili dhe nga Episkopi i Bylisit, Asti, dhe klerik\u00eb t\u00eb kryeqytetit. Rrebeshi i shiut nuk i ndali besimtar\u00ebt q\u00eb t\u00eb mbushnin kish\u00ebn, por b\u00ebri t\u00eb pamundur litanin\u00eb jasht\u00eb saj, e cila do t\u00eb shoq\u00ebrohej nga banda frymore e qytetit dhe hedhja e kryqit n\u00eb shat\u00ebrvanin e kompleksit \u201cTajvan\u201d.<\/span><\/p>\n

    N\u00eb Durr\u00ebs, sh\u00ebrbesat u kryen nga Hir\u00ebsi Nikolla dhe klerik\u00ebt e qytetit n\u00eb kish\u00ebn \u201cApostull Pavli dhe Sh\u00ebn Asti\u201d. Pastaj, t\u00eb shoq\u00ebruar nga banda frymore e qytetit dhe nga qindra e qindra besimtar\u00eb, iu drejtuan kalat\u00ebs nr.4 t\u00eb portit, ku u b\u00eb hedhja e kryqit n\u00eb Adriatik. N\u00eb uj\u00ebrat e ftohta u hodh\u00ebn kat\u00ebr djem t\u00eb rinj dhe kryqi u kap nga Xhulio Arapi, student i Akademis\u00eb Teologjike \u201cNgjallja e Krishtit\u201d.<\/span><\/p>\n

    N\u00eb Elbasan u kremtua n\u00eb t\u00eb dy kishat orthodhokse t\u00eb qytetit. N\u00eb kish\u00ebn e Sh\u00ebn Thanasit Liturgjin\u00eb Hyjnore e kreu Episkopi i Kruj\u00ebs, Hir\u00ebsi Andoni, i cili e hodhi kryqin n\u00eb shat\u00ebrvanin aty pran\u00eb, nd\u00ebrsa n\u00eb kish\u00ebn e Sh\u00ebn Kollit sh\u00ebrbesat u kryen nga at\u00eb Stavri dhe at\u00eb Heliodori. M\u00eb pas kryqi u hodh n\u00eb pishin\u00ebn e kompleksit \u201cAjek\u201d.<\/span><\/p>\n

    Si \u00e7do vit kjo e kremte u festua me madh\u00ebshti n\u00eb qytetin me tradita t\u00eb lashta orthodhokse t\u00eb Beratit. Sh\u00ebrbesat u kryen nga Hir\u00ebsia e Tij, Ignati, n\u00eb Katedralen e Sh\u00ebn Dhimitrit dhe m\u00eb pas u krye litania me pjes\u00ebmarrjen e mij\u00ebra besimtar\u00ebve dhe banor\u00ebve t\u00eb qytetit t\u00eb besimeve t\u00eb tjera, q\u00eb u ndal si mbi ur\u00ebn e Goric\u00ebs. Aty Mitropoliti hodhi kryqin n\u00eb uj\u00eb. Me gjith\u00eb rrym\u00ebn e fuqishme p\u00ebr shkak t\u00eb shirave t\u00eb shumt\u00eb, 12 djem u fut\u00ebn n\u00eb lum\u00eb dhe kryqin e kapi i riu Ilia Karabina, q\u00eb sipas zakonit e \u00e7oi n\u00eb sht\u00ebpit\u00eb e besimtar\u00ebve p\u00ebr t\u2019i bekuar. N\u00eb kremtime mor\u00ebn pjes\u00eb edhe p\u00ebrfaq\u00ebsues t\u00eb pushtetit vendor, deputet\u00eb etj.<\/span><\/p>\n

<\/span>    N\u00eb Fier, kryqi u hodh n\u00eb shat\u00ebrvanin e qytetit n\u00eb prani t\u00eb qindra besimtar\u00ebve orthodhoks\u00eb. Ai u kap p\u00ebrs\u00ebri nga Athanas Davidhi.<\/span><\/span><\/p>\n

    N\u00eb Vlor\u00eb, Liturgjia Hyjnore dhe sh\u00ebrbesat u kryen n\u00eb kish\u00ebn e Sh\u00ebn Theodhor\u00ebve, nga at\u00eb Konstandin Prifti, e m\u00eb pas besimtar\u00ebt iu drejtuan detit, n\u00eb zon\u00ebn e Ujit t\u00eb Ftoht\u00eb, ku u hodh kryqi, i cili u kap p\u00ebr t\u00eb tretin vit radhazi nga Vasil Zako.<\/span><\/p>\n

    N\u00eb Selenic\u00eb, pas kryerjes s\u00eb ceremonive n\u00eb kish\u00ebn e Sh\u00ebn Athanasit, besimtar\u00ebt u drejtuan p\u00ebr n\u00eb lumin Vjos\u00eb. P\u00ebr shkak t\u00eb motit t\u00eb keq kryqi u hodh rreth pes\u00eb kilometra larg qytetit. Edhe sivjet t\u00eb rinjt\u00eb e Selenic\u00ebs sfiduan uj\u00ebrat e ftohta dhe t\u00eb rr\u00ebmbyeshme t\u00eb Vjos\u00ebs. P\u00ebr t\u00eb kapur kryqin u hodh\u00ebn 5 t\u00eb rinj dhe ishte Mateo Bombaj ai q\u00eb e kapi.<\/span><\/p>\n

    N\u00eb Kor\u00e7\u00eb, sh\u00ebrbesat u kryen n\u00eb Katedralen \u201cNgjallja e Krishtit\u201d, nga Mitropoliti, Hir\u00ebsi Joani, i ndihmuar nga klerik\u00ebt e qytetit. M\u00eb pas u krye litania, ku mor\u00ebn pjes\u00eb qindra e qindra besimtar\u00eb, q\u00eb u drejtua p\u00ebr tek shat\u00ebrvani para katedrales, ku Mitropoliti hodhi kryqin. N\u00eb sh\u00ebrbesa ishin t\u00eb pranish\u00ebm edhe autoritete vendore, politikan\u00eb e personalitete etj.<\/span>
<\/span><\/p>\n

    Sh\u00ebrbesa dhe hedhja e kryqit u krye edhe n\u00eb Pogradec, Ersek\u00eb, Boboshtic\u00eb etj.<\/span><\/p>\n

    N\u00eb Sarand\u00eb, Liturgjia Hyjnore dhe Sh\u00ebrbesa e Bekimit t\u00eb Ujit u kryen nga Mitropolit, Hir\u00ebsi Dhimitri, s\u00eb bashku me klerik\u00eb t\u00eb zon\u00ebs. Pastaj u krye litania q\u00eb ndaloi buz\u00eb detit, ku \u00ebsht\u00eb b\u00ebr\u00eb tashm\u00eb tradit\u00eb t\u00eb hidhet kryqi. P\u00ebrgjat\u00eb sh\u00ebtitores ishin mbledhur qindra e qindra besimtar\u00eb e banor\u00eb. Hir\u00ebsi Dhimitri e hodhi aty kryqin, q\u00eb u kap p\u00ebr t\u00eb tretin vit nga i riu Kristaq Qose.<\/span><\/p>\n

<\/span>    Sh\u00ebrbesat dhe hedhja e kryqit mblodh\u00ebn mij\u00ebra besimtar\u00eb edhe n\u00eb Gjirokast\u00ebr, ku kryqi u hodh nga ura e lumit Drino dhe u kap nga LlukanTodri, n\u00eb P\u00ebrmet, Mursi etj.<\/span><\/span><\/p>\n

 <\/p>\n

– Video –<\/span><\/strong><\/span><\/p>\n

\n
\n