{"id":18616,"date":"2020-04-13T11:50:13","date_gmt":"2020-04-13T09:50:13","guid":{"rendered":"https:\/\/orthodoxalbania.org\/2020\/?p=18616"},"modified":"2020-05-06T10:02:15","modified_gmt":"2020-05-06T08:02:15","slug":"kryepiskopi-anastas-solidariteti-do-ta-mposhte-pandemine","status":"publish","type":"post","link":"https:\/\/orthodoxalbania.org\/2020\/2020\/04\/13\/kryepiskopi-anastas-solidariteti-do-ta-mposhte-pandemine\/","title":{"rendered":"Kryepiskopi Anastas: Solidariteti do ta mposht\u00eb pandemin\u00eb\u00a0"},"content":{"rendered":"

Intervist\u00eb e Kryepiskopit Anastas p\u00ebr gazet\u00ebn \u201cKathimerini\u201d p\u00ebr M. Pournara<\/em>\u00a0(12.4.2020) <\/em><\/p>\n

Z\u00ebri i Kryepiskopit t\u00eb Shqip\u00ebris\u00eb, Anastasit, nga ana tjet\u00ebr e linj\u00ebs telefonike, na transmeton si gjithmon\u00eb paqe dhe urt\u00ebsi. Si kur jemi pran\u00eb tij, ashtu edhe kur jemi larg, prania e tij na ofron qet\u00ebsi dhe paqe shpirt\u00ebrore n\u00eb t\u00eb gjitha rrethanat e v\u00ebshtira, aq m\u00eb tep\u00ebr n\u00eb k\u00ebt\u00eb gjendje t\u00eb papar\u00eb ndonj\u00ebher\u00eb, q\u00eb po e p\u00ebrjetojm\u00eb n\u00eb nivel global. Ai vet\u00eb jeton i kufizuar, duke par\u00eb jet\u00ebn e tij t\u00eb p\u00ebrditshme q\u00eb ka p\u00ebsuar ndryshime t\u00eb m\u00ebdha: \u201cEdhe k\u00ebtu n\u00eb Shqip\u00ebri po koordinohemi me udh\u00ebzimet e qeveris\u00eb dhe ato t\u00eb sh\u00ebndetit publik. Komunikova pa humbur koh\u00eb me an\u00ebtar\u00ebt e Sinodit t\u00eb Shenjt\u00eb dhe mor\u00ebm vendimet e duhura, p\u00ebr sa i takon sh\u00ebrbes\u00ebs liturgjike, arsimore, katekiste dhe filantropike t\u00eb Kish\u00ebs son\u00eb. Ajo q\u00eb kam m\u00ebsuar nga ecuria ime shum\u00ebvje\u00e7are \u00ebsht\u00eb q\u00eb, teksa k\u00ebrkojm\u00eb ndihm\u00ebn e Per\u00ebndis\u00eb, t\u00eb k\u00ebrkoj monopate t\u00eb reja rrug\u00ebdaljesh brenda humnerave t\u00eb v\u00ebshtir\u00ebsive\u201d.<\/p>\n

E pyes n\u00ebse distancimi i detyruar social p\u00ebr ne qytetar\u00ebt ka karakteristikat e nj\u00eb murg\u00ebrie kalimtare: \u201c\u00cbsht\u00eb me vler\u00eb t\u00eb rikujtojm\u00eb se murg\u00ebria orthodhokse, s\u00eb cil\u00ebs iu referuat, p\u00ebrshkohet nga tri parime: bindja, vet\u00ebp\u00ebrmbajtja dhe mospasja e pron\u00ebsis\u00eb. Di\u00e7ka mund t\u00eb marrim nga kjo tradit\u00eb e r\u00ebnd\u00ebsishme si\u00e7 \u00ebsht\u00eb bindja ndaj personave p\u00ebrgjegj\u00ebs p\u00ebr p\u00ebrballimin e situat\u00ebs, bindja ndaj shkenc\u00ebtar\u00ebve q\u00eb merren posa\u00e7\u00ebrisht me k\u00ebrkimin shkencor dhe sh\u00ebrimin e k\u00ebsaj pandemie, bindja ndaj urdhrit \u201cT\u00eb rrim\u00eb n\u00eb sht\u00ebpi\u201d. Le t\u00eb b\u00ebhet sht\u00ebpia jon\u00eb asketiri yn\u00eb. Nuk \u00ebsht\u00eb e leht\u00eb. Rreziku i z\u00ebnkave dhe i konflikteve p\u00ebr shkak t\u00eb izolimit \u00ebsht\u00eb evident. Duke q\u00ebndruar brenda\u00a0 n\u00eb sht\u00ebpi, le t\u00eb mos izolohemi. Le ta mb\u00ebshtesim nj\u00ebri-tjetrin me fjal\u00eb, me heshtje t\u00eb mbushur plot dhembshuri dhe me d\u00ebshir\u00eb t\u00eb mir\u00eb e me g\u00ebzim\u201d.<\/p>\n

Beteja p\u00ebr liri\u00a0<\/strong><\/p>\n

\u201cPor duhet pasur kujdes,- thekson ai, – q\u00eb t\u00eb mos kufizohemi vet\u00ebm brenda familjes son\u00eb. Ka dhe shum\u00eb t\u00eb tjer\u00eb, q\u00eb p\u00ebrballen me v\u00ebshtir\u00ebsi m\u00eb t\u00eb m\u00ebdha. Mund t\u2019u qasemi me an\u00eb t\u00eb mjeteve moderne t\u00eb komunikimit elektronik. \u00cbsht\u00eb nevoj\u00eb urgjente q\u00eb t\u00eb marrim pjes\u00eb n\u00eb betej\u00ebn p\u00ebr \u00e7lirimin nga frika q\u00eb endet rreth nesh. Dhe n\u00eb fund, le t\u00eb b\u00ebhemi pak m\u00eb t\u00eb p\u00ebrkor\u00eb n\u00eb jet\u00ebn ton\u00eb t\u00eb p\u00ebrditshme. Referimi juaj te murg\u00ebria, m\u00eb sjell n\u00eb mendje nj\u00eb p\u00ebrkufizim t\u00eb mrekulluesh\u00ebm nga Filokalia: \u201cMurgu \u00ebsht\u00eb ai q\u00eb ndahet nga t\u00eb gjitha dhe q\u00eb \u00ebsht\u00eb i lidhur harmonikisht me t\u00eb gjith\u00eb\u201d.<\/p>\n

Po si mund ta luftojm\u00eb pushtetin e vazhduesh\u00ebm t\u00eb frik\u00ebs q\u00eb erdhi me pandemin\u00eb? \u201cFrika \u00ebsht\u00eb me t\u00eb v\u00ebrtet\u00eb nj\u00eb k\u00ebshilluese shum\u00eb e rrezikshme\u201d, thekson Fortlumturia. \u201cDep\u00ebrton me m\u00ebnyra t\u00eb shum\u00ebllojta n\u00eb mendjen dhe n\u00eb vullnetin ton\u00eb, duke na ulur rezistenc\u00ebn. Besoj se sindroma e frik\u00ebs p\u00ebrballohet me an\u00eb t\u00eb besimit te Per\u00ebndia i Dashuris\u00eb dhe me dashurin\u00eb e shprehur n\u00eb vepra: \u201cFrik\u00eb nuk ka n\u00eb dashuri, por dashuria e p\u00ebrsosur e nxjerr jasht\u00eb frik\u00ebn\u201d (1Jn.4:18), na ka zbuluar Ungjillor Joani. Ne t\u00eb krishter\u00ebt besojm\u00eb se ndjesia e pranis\u00eb s\u00eb Per\u00ebndis\u00eb na \u00e7liron nga \u00e7do lloj frike. \u201cEdhe po t\u00eb eci n\u00eb mes t\u00eb hijes s\u00eb vdekjes, nuk do t\u00eb kem frik\u00eb t\u00eb k\u00ebqijat, se ti me mua je\u201d, na thekson Psalmisti. Dhe poeti Joanis Polemis shton: \u201cMos ia ki frik\u00ebn atij q\u00eb e mb\u00ebshteti bes\u00ebn mbi shpres\u00ebn, e pash\u00eb t\u00eb luftoj\u00eb n\u00eb jet\u00eb, por gjithnj\u00eb t\u00eb pamposhtur e pash\u00eb\u201d.<\/p>\n

Por, p\u00ebr m\u00eb tep\u00ebr, edhe n\u00ebse dikush e d\u00ebbon ankthin rreth virusit, e shqet\u00ebsojn\u00eb p\u00ebrs\u00ebri mendimet pesimiste p\u00ebr t\u00eb ardhmen e ekonomis\u00eb, n\u00eb nj\u00eb \u00e7ast q\u00eb dukej se do t\u00eb kishim rritje ekonomike. Si do ta p\u00ebrballojm\u00eb? \u201cFillimisht, t\u00eb mos i lejojn\u00eb k\u00ebto mendime pesimiste q\u00eb t\u00eb b\u00ebhen \u2018zot\u00ebrinjt\u00eb\u2019 e mendjes s\u00eb tyre\u201d, pohon ai. \u201c\u00cbsht\u00eb e qart\u00eb se ky problem ekziston. Kjo pandemi nuk ka p\u00ebrhapur vet\u00ebm s\u00ebmundjen, por ka shkaktuar v\u00ebshtir\u00ebsi t\u00eb m\u00ebdha ekonomike, t\u00eb cilat jan\u00eb shkat\u00ebrrimtare ve\u00e7an\u00ebrisht p\u00ebr vendet q\u00eb pat\u00ebn s\u00eb fundmi kriza ekonomike, si Greqia, apo p\u00ebr vende q\u00eb kan\u00eb ekonomi t\u00eb kufizuar, si Shqip\u00ebria. Urojm\u00eb q\u00eb t\u00eb gjitha qeverit\u00eb t\u00eb marrin vendimet e duhura. Vendet m\u00eb t\u00eb pasura duhet t\u00eb ndihmojn\u00eb ato m\u00eb t\u00eb varfra, t\u00eb cilat do t\u00eb p\u00ebrballen me probleme m\u00eb t\u00eb mprehta ekonomike e sociale. Ata q\u00eb kan\u00eb n\u00eb dor\u00eb pasurin\u00eb bot\u00ebrore- shoq\u00ebrit\u00eb shum\u00ebkomb\u00ebshe, konsorciumet, organizmat, fondacionet, personat fizik\u00eb- duhet t\u00eb ndihmojn\u00eb bujarisht n\u00eb k\u00ebt\u00eb situat\u00eb\u201d.<\/p>\n

Dhe m\u00eb tej vazhdon: \u201cSot, koronavirusi ngjan sikur na jep k\u00ebt\u00eb k\u00ebshill\u00eb: \u201cRishqyrtoni vlerat dhe llojin e humanizmit p\u00ebr t\u00eb cilin mburreni se e keni. Mbar\u00eb njer\u00ebzimi \u00ebsht\u00eb nj\u00eb familje\u201d. P\u00ebr sa i takon trajtimit terapeutik dhe p\u00ebrballimit t\u00eb shp\u00ebrthimit t\u00eb k\u00ebsaj pandemie, asnj\u00eb vend nuk mundet i vet\u00ebm q\u00eb t\u00eb ket\u00eb sukses n\u00eb k\u00ebt\u00eb gj\u00eb. I nj\u00ebjti parim duhet t\u00eb ket\u00eb vler\u00eb edhe p\u00ebr kap\u00ebrcimin e kriz\u00ebs ekonomike. Sigurisht q\u00eb ky konstatim minohet nga interesa t\u00eb ndryshme individuale, sociale, etnike. Por, personalisht, besoj se e v\u00ebrteta, si n\u00eb shkenc\u00eb, ashtu edhe n\u00eb jet\u00ebn sociale, ka dinamik\u00ebn e saj dhe n\u00eb fund fare \u00ebsht\u00eb ajo q\u00eb mbizot\u00ebron\u201d.<\/p>\n

Nj\u00eb luft\u00eb e shfaqur p\u00ebr her\u00eb t\u00eb par\u00eb\u00a0<\/strong><\/p>\n

Dhe shton: \u201cDy luft\u00ebrat bot\u00ebrore soll\u00ebn ndryshime rr\u00ebnj\u00ebsore n\u00eb jet\u00ebn e njer\u00ebzimit. P\u00ebrmbys\u00ebn aleanca, synime, teori ekonomike. Besoj se kjo luft\u00eb bot\u00ebrore, e shfaqur p\u00ebr her\u00eb t\u00eb par\u00eb, do t\u00eb kontribuoj\u00eb n\u00eb rishikimin e vlerave dhe p\u00ebrpar\u00ebsive tona. Pas Luft\u00ebs s\u00eb Dyt\u00eb Bot\u00ebrore pat\u00ebm nj\u00eb s\u00ebr\u00eb deklaratash rreth t\u00eb drejtave t\u00eb njeriut, duke theksuar t\u00eb drejtat e individit. \u00cbsht\u00eb e qart\u00eb se tani, n\u00eb k\u00ebt\u00eb rast, k\u00ebrkohen deklarata p\u00ebr detyrimet njer\u00ebzore, p\u00ebrgjegj\u00ebsit\u00eb p\u00ebr shkat\u00ebrrimin e ambientit dhe p\u00ebr ndryshimet klimatike\u201d.<\/p>\n

Besimi, antidoti m\u00eb i efektsh\u00ebm ndaj \u00e7do lloj frike\u00a0<\/strong><\/p>\n

\u00a0\u201cJam i mendimit se pandemia i ka z\u00ebn\u00eb n\u00eb befasi shtabet e shteteve t\u00eb m\u00ebdha. Nuk e kishin parashikuar k\u00ebt\u00eb armik t\u00eb paduksh\u00ebm q\u00eb nuk dor\u00ebzohet. Jam i bindur se vet\u00ebm nj\u00eb mobilizim mbar\u00ebnjer\u00ebzor i solidaritetit do ta mposht\u00eb pandemin\u00eb dhe efektet e saj an\u00ebsore. \u00cbsht\u00eb imperative q\u00eb t\u00eb rishqyrtojm\u00eb r\u00ebnd\u00ebsin\u00eb e humanizmit p\u00ebr t\u00eb cilin flitet kaq shum\u00eb. Kemi nevoj\u00eb p\u00ebr nj\u00eb humaniz\u00ebm q\u00eb respekton unitetin psikosomatik t\u00eb njeriut dhe gjith\u00eb rac\u00ebn njer\u00ebzore dhe q\u00eb siguron drejt\u00ebsi p\u00ebr t\u00eb gjith\u00eb njer\u00ebzit pa p\u00ebrjashtim. Idealja p\u00ebr mirecurin\u00eb e njer\u00ebzimit nuk mund t\u00eb jet\u00eb e drejta e t\u00eb fortit dhe globalizimi i teknologjis\u00eb ose i ekonomis\u00eb, por globalizimi i solidaritetit. Dhe k\u00ebtu mendoj se kontributi i fes\u00eb \u00ebsht\u00eb p\u00ebrcaktues\u201d.<\/p>\n

Fortlumturia plot\u00ebson: \u201cShpirti njer\u00ebzor, n\u00eb or\u00eb kritike t\u00eb dhimbjes, k\u00ebrkon n\u00eb m\u00ebnyr\u00eb spontane streh\u00eb, mbrojtje dhe ngush\u00ebllim n\u00eb besimin fetar. Sa nga ne u b\u00ebm\u00eb t\u00eb denj\u00eb t\u00eb besojm\u00eb, e dim\u00eb se njeriu nuk \u00ebsht\u00eb shkaku i vetes s\u00eb tij. Ekziston edhe nj\u00eb Realitet i Ep\u00ebrm. P\u00ebr ne t\u00eb krishter\u00ebt \u00ebsht\u00eb Per\u00ebndia i pakonceptuesh\u00ebm, Qenia e v\u00ebrtet\u00eb, Per\u00ebndia Triadik i dashuris\u00eb. Ai ruan nj\u00eb marr\u00ebdh\u00ebnie t\u00eb q\u00ebndrueshme me gjinin\u00eb njer\u00ebzore dhe na ka dh\u00ebn\u00eb t\u00eb drejt\u00ebn t\u00eb k\u00ebrkojm\u00eb\u00a0 ndihm\u00ebn e Tij n\u00eb \u00e7do koh\u00eb e ve\u00e7an\u00ebrisht \u201cn\u00eb nevoja dhe n\u00eb hidh\u00ebrime\u201d.<\/p>\n

P\u00ebrjetimi fetar \u00ebsht\u00eb di\u00e7ka q\u00eb ndodhet brenda natyr\u00ebs s\u00eb njeriut. Ashtu si uji q\u00eb ekziston, n\u00eb forma t\u00eb ndryshme, n\u00eb t\u00eb gjith\u00eb organizmat e gjall\u00eb, po k\u00ebshtu edhe feja ekziston brenda t\u00eb gjitha qytet\u00ebrimeve t\u00eb bot\u00ebs, me form\u00ebn e njohur ose nj\u00ebsoj si avujt e ujit n\u00eb atmosfer\u00ebn e shoq\u00ebrive indiferente ose t\u00eb pafe. Besimi q\u00eb buron nga thell\u00ebsit\u00eb e nd\u00ebrgjegjes s\u00eb krishter\u00eb, sigurisht do t\u00eb kontribuoj\u00eb n\u00eb p\u00ebrballimin e sindrom\u00ebs s\u00eb fobis\u00eb s\u00eb pandemis\u00eb. Sa nga ne q\u00eb kemi marr\u00eb dhurat\u00ebn e besimit, le t\u00eb p\u00ebrkujdesemi ta zhvillojm\u00eb me p\u00ebrul\u00ebsi, studim dhe lutje, duke u lutur: \u201c Zot, na shto besimin\u201d. \u00cbsht\u00eb antidoti m\u00eb i efektsh\u00ebm ndaj \u00e7do lloj forme t\u00eb frik\u00ebs. Dhe p\u00ebr m\u00eb tep\u00ebr, t\u00eb mos e l\u00ebm\u00eb pas dore lutjen p\u00ebr t\u00eb gjith\u00eb ata q\u00eb kan\u00eb v\u00ebshtir\u00ebsi t\u00eb besojn\u00eb. \u00cbsht\u00eb detyrim dashurie dhe respekti ndaj tyre.<\/p>\n

Nd\u00ebrsa po afron Pashka, le t\u00eb p\u00ebrpiqemi ta jetojm\u00eb m\u00eb thell\u00eb p\u00ebrvoj\u00ebn e krishter\u00eb, q\u00eb t\u00eb \u00e7on nga vuajtja e Kryqit dhe nga dhimbja e P\u00ebsimit n\u00eb ngaz\u00ebllimin e Ngjalljes. Ngjallje t\u00eb mbar\u00eb! Me drit\u00ebn paskale t\u00eb paqes dhe t\u00eb shpres\u00ebs n\u00eb zemr\u00ebn ton\u00eb\u201d.<\/p>\n

Virtytet tona\u00a0<\/strong><\/p>\n

– Sprova q\u00eb po kalojm\u00eb, ka ndihmuar n\u00eb zgjimin e solidaritetit. A do t\u00eb vazhdoj\u00eb kjo edhe n\u00eb t\u00eb ardhmen?\u00a0<\/strong><\/p>\n

– N\u00eb fatkeq\u00ebsit\u00eb e m\u00ebdha, burojn\u00eb virtyte t\u00eb mrekullueshme nga nd\u00ebrgjegjja e popullit ton\u00eb, si sedra e mir\u00eb, solidariteti, vet\u00ebsakrifica. Shikoni, ADN – ja e ndikuar nga besimi i krishter\u00eb ka koncentruar vlera unikale. Shpesh kam formuluar pik\u00ebpamjen se armiku i v\u00ebrtet\u00eb i \u00e7do lloj paqeje nuk \u00ebsht\u00eb lufta, por egocentrizmi- individual, racor, komb\u00ebtar, fetar. Dhe se antidoti \u00ebsht\u00eb solidariteti q\u00eb frym\u00ebzon dashuria, plot\u00ebsin\u00eb e s\u00eb cil\u00ebs na e zbuloi Krishti. Lul\u00ebzimi i solidaritetit \u00ebsht\u00eb nj\u00eb fenomen optimist. Tani, se sa do t\u00eb zgjas\u00eb n\u00eb t\u00eb ardhmen, nuk e di. Megjithat\u00eb, jam i bindur se t\u00eb gjith\u00eb duhet t\u00eb p\u00ebrpiqemi p\u00ebr t\u00eb stabilizuar vlerat e krishtera me r\u00ebnd\u00ebsi bot\u00ebrore.<\/p>\n

\u00a0Komunikimi\u00a0<\/strong><\/p>\n

P\u00ebr shkak t\u00eb kushteve, takimi nuk mund t\u00eb realizohej dot. Komunikimi i par\u00eb me Kryepiskopin e Tiran\u00ebs, Durr\u00ebsit dhe t\u00eb Gjith\u00eb Shqip\u00ebris\u00eb, Anastasin, u b\u00eb me an\u00eb t\u00eb telefonit. \u201cDo t\u00eb doja, n\u00ebse mundeshit, t\u2019i d\u00ebrgonit me shkrim t\u00eb gjitha pyetjet q\u00eb do t\u00eb m\u00eb b\u00ebnit, q\u00eb t\u2019u p\u00ebrgjigjem me qart\u00ebsi dhe sakt\u00ebsi m\u00eb t\u00eb madhe\u201d- m\u00eb tha. K\u00ebshtu veprova dhe pas pak dit\u00ebsh arrit\u00ebn p\u00ebrgjigjet e tij me an\u00eb t\u00eb nj\u00eb emaili n\u00eb post\u00ebn elektronike. Madje pati mir\u00ebsin\u00eb t\u00eb p\u00ebrgjigjej brenda nj\u00eb caku kohor shum\u00eb t\u00eb ngusht\u00eb dhe arrit\u00ebm ta botonim intervist\u00ebn n\u00eb numrin e s\u00eb diel\u00ebs. M\u00eb pas vijoi nj\u00eb bised\u00eb telefonike, k\u00ebsaj radhe p\u00ebr t\u00eb b\u00ebr\u00eb urimet e Pashk\u00ebs.<\/p>\n

\n

Biografia e Kryepiskopit Anastas (Versioni i Shkurtuar)<\/a><\/p><\/blockquote>\n